Professional Documents
Culture Documents
Finaal Lo1 Athena Carpio
Finaal Lo1 Athena Carpio
Lesson Matrix
Grade II
Pamantayan sa Baitang
(Grade Level Standard)
The learner demonstrates communication skills in talking about variety of topics
using developing vocabulary and simple phrases and sentences, simple to complex
spoken language using both verbal and non-verbal cues, understands vocabulary and
language structures, appreciates and understand the cultural aspects of the language
and the writing system used, and reads and writes simple and short literary and
informational text
III. PAMAMARAAN
MGA GAWAIN BAGO MAGBASA NG MAIKLING KUWENTONG PAMBATA
A. Paghahawan ng mga Balakid sa Pagkatuto
( Unlocking of Word Difficulty)
Tingnan nga natin ang unang larawang nakapaskil. Ano kaya ang larawang ito?
May mga matutulis na ipin at buntot. Isa siyang uri ng isda, saan kaya karaniwang
nakikita ang mga ito?
“PATING O SHARK”
Basahin nga natin ang mga salitang nakikita ninyo. Tama, Pating sa Tagalog at Shark
naman ang tawag kapag sa Ingles. Sabihin nga ulit ang mga salita.
“Mabilis na naglanguyan ang mga pating palayo ng makakita ng mga tao
papunta sa dagat.”
Ano daw ang ginawa ng mga pating ng makakita ng mga tao? Tama, mabilis silang
naglanguyan palayo. Ibig sabihin ang mga pating ay lumalangoy at sila pala ay makikita
sa mga karagatan.
“Bagama’t mapanganib ang mga pating marami pa ring mga tao ang nagpupunta
sa mga ocean park upang makakita nito.”
Basahin nga natin ang pangungusap. Magaling! Bakit kaya naging mapanganib ang
mga pating para sa tao? Tingnan nga ulit natin ang mga larawan nila. Tama, mayroon
silang mga matutulis na ngipin na maaring makasakit sa mga tao kapag ang pating ay
nakaramdam din ng panganib. Kayo nga mga mag-aaral subukan ninyo ding magbigay
ng mga pangungusap na ginagamitan ng salitang pating.
Tingnan nga ang mga larawan. Ano kaya ang ibig ipahiwatig ng mga ito? Magkaka-
akbay sila at masaya ang mga mukha. Magkakasama sila at mukang magkakalaro bakit
kaya?
KAIBIGAN O FRIEND
Basahin nga natin ang salita. Magagaling! Ang nasa larawan pala ay magkakaibigan.
Kayo ba sino ang mga kaibigan niyo dito? Hindi ba mas masaya kapag may kaibigan ka
na laging kasama? Ano ang madalas ninyong gawin kasama ang inyong mga kaibigan?
“Si Leni kasama ang kanyang mga kaibigan ay masayang nagpapalipad ng saranggola
sa bukid.” Naranasan niyo na ba ang magpalipad ng saranggola lalo kapag malakas ang
hangin.
“Nagtatawanan at nagkukwentuhan ang magkakaibigan habang kumakain sa canteen.”
O mga mag-aaral sino ang palagi ninyong kasamang mag-recess? Masaya diba kapag
nagbabahagian tayo ng mga pagkain.
Sige nga mga mag-aaral subukin naman ninyong magbigay ng sariling halimbawa ng
pangungusap na ginagamitan ng salitang kaibigan. Mga kaibigan na siyang karamay at
kasama natin, handang tumulong at palaging maasahan.
Tingnan na muli natin ang huling larawan. Sino kaya ito? Bakit kaya ganito ang kanyang
kasuotan at may hawak siyang pamingwit ng isda? Isipin nga kung anong tawag
sakanya.
MANGINGISDA O FISHERMAN
Sabay sabay nga nating basahin ang mga salita na nakapaskil. Tama, magingisda sa
Tagalog at Fisherman sa wikang Ingles. Mga nanghuhuli ng isda upang ibenta o di
kaya’y ulamin. Tama! Sino sainyo ang mahilig mag-ulam ng mga isda tulad ng tilapia at
bangus. Hanggat bata ay sanayin ninyong kumain nito sapagkat ito ay masustansiyang
pagkain. Ngayon ay gamitin na muli natin ang salitang magingisda sa pangungusap.
“Madaming huli ang mga mangingisda ngayon tiyak na marami silang kikitain at iuuwi
sa kani-kanilang mga pamilya.” Ayan, madalas ang pangingisda ay isa rin palang
pinagkakabuhayan ng mga tao.
Eto pa ang isang halimbawa “Malakas ang alon sa dala ng bagyo dagat kaya naman
napagpasiyahan ng mga mangingisda na huwag munang pumalaot upang humuli ng
mga isda.” Tama, delikado ang pagpunta sa dagat kapag malakas ang alon sapagkat
maari silang malunod.
Ngayon naman aking mga mag-aaral kayo naman ang magbigay ng halimbawang
pangungusap gamit ang salitang mangingisda.
B. Gawain ng Guro
(Teacher’s Activity)
Pamantayan: Gumamit ng “” sa pagsusulat ng dayalogo at () sa paglalarawan
sa ginawa.
Pagtuturo ng MTB-MLE
Modified Four Pronged Approach
ELEM 2106
Lesson Matrix
Grade II
Pamantayan sa Baitang II
(Grade Level Standard)
The learner demonstrates communication skills in talking about variety of
topics using developing vocabulary and simple phrases and sentences, simple to
complex spoken language using both verbal and non-verbal cues, understands
vocabulary and language structures, appreciates and understand the cultural aspects of
the language and the writing system used, and reads and writes simple and short
literary and informational text
III. PAMAMARAAN
MGA GAWAIN BAGO MAGBASA NG MAIKLING KUWENTONG PAMBATA
Learning Output 1.
Paggawa ng dayalogo para sa Gawain ng Guro (Teacher’s Activity)
GAWAIN NG GURO
A. Paghahanda
Pagpapatayo sa mga bata upang magkaroon ng mahikling pagdarasal.
Tumayo ang lahat para sa maikling panalangin.
Pagbati sa mga bata at pagpapakilala.
Magandang araw mga mag-aaral! Ako nga pala si Binibining Athena Carpio ang
tagapagturo ninyo ngayong araw!
Pagtala ng mga liban sa klase ngayong araw.
Sino-sino ang wala sa klase ngayong umaga?
B. Pagbabalik-aral
Bago tayo dumako sa ating susunod na aralin balikan nga muna natin ang
ating mga aralin kahapon. Sige nga sino ang makakapagbigay nito?
C. Pagganyak (3-5 minuto)
Bago tayo dumako sa susunod na aralin maglaro muna tayo ng stop
dance ang siyang matitira ay makakuha ng papremyo! Sa saliw ng baby shark na
tugtugin kailangan ay sasayaw kayo ng masigasig
D. Paghahawan ng mga Balakid
Gusto niyo ba ng kwento? Bago yan, magpapakita muna ako ng mga
larawan at subukin muna natin itong gamitin sa pangungusap.
E. Paglalahad ng Kwento
Si sharkie ay isang batang whale shark. Ang sabi ng kanyang ina ay sila
ang pinakamalalaking isda sa buong karagatan. Kaiba sila sa mga kauring pating
dahil may mapuputing mantsang kulay asul ang katawan nila pero puti ang bandang
tiyan. “Ang pangit mo naman! Maluwang at sapad ang iyong ilong, hindi tulad
naming,” pagmamalaki ni Tiggy, isang tiger shark. “Hindi sa panlabas na anyo inuuri
ang pagiging mabuting pating,” ani Sharkie. “Lahat tayo ay may kaniya-kaniyang
kabuluhan.” “Dapat sa pating ay matapang at kinatatakutan,” ani Tiggy. “Hindi ba
mas maganda kung mabait ka at palakaibigan?” pakli si Sharkie. Masaya si Sharkie
sa pagkakaroon ng maraming kaibigan. Kaligayahan na niya ang laging makasama
ang mga ito. Isa lang talaga ang gusto ni Sharkie. Ibig niyang maging kaibigan si
Tiggy. Ibig niyang baguhin ang mayabang nitong ugali. Ang gusto naman ni Tiggy
ay patunayang tigasin siya. Lagi niyang tinatakot ang mga mangingisdang
nagpupunta sa laot. Alam ni Sharkie na kayang ipagtanggol ni Tiggy ang sarili.
Gayunman ay natatakot siya sa maaring manyari sa batang pating. “Isang uri na
pala ng palakasan para sa mga tao ang paghahanap sa mga pating. Kaya mag-iingat
ka, anak!” paalala ng nanay ni Sharkie. Maging ang mga kaibigan ay sinabihan ni
Sharkie. “Kahit kaya nating ipagtanggol ang sarili ay mabuti na ang nag-iingat.”
“Duwag kasi kayo! Ibahin ninyo ako!” pagyayabang ni Tiggy. At iniwan nito sina
Tiggy para pumaibabaw sa tubig. Noon ay kasalukuyang naghahanap ng
mapapanang pating ang grupo ng mangingisda. “Nakikita na ninyo ang nakikita ko?”
anang isang mangingisda. Muntik ng mapuruhan si Tiggy kaya naman nasugatan
siya. “Sa uli-uli ay huwag kang mayabang,” pangaral ng ama sa kanya. “Pasalamat
ka at nakaligtas,” ang sabi ni Sharkie nang dumalaw kay Tiggy. “Oo nga. Dapat pala
ay nakinig ako sa iyo.” Mula noon ay naging kaibigan nan i Sharkie si Tiggy. Kasama
ang iba pang mga pating ay pinanganglagaan nila ang ekosistema sa ilalim ng
dagat.
F. Pagtalakay sa binasa
Ngayong tapos na nating basahin ang kwento tingnan nga natin kung
ano-ano ang mga natutunan ninyo. Ano ang pinaka-aral ng kwento? Ano ang
ugaling dapat baguhin ni Tiggy? Nabago ba ito ni Tiggy? Natupad ba ang nais ni
Sharkie na maging kaibigan si Tiggy? Ano ang nagiging resulta ng kayabangan?
G. Pagsasanay
H. Takdang Aralin
I. Pamamaalam
Learning Output 2.
Pakitang Turo sa Paghahawan ng mga Balakid (video recorded teaching demo)
1. Mga salitang ihahawan ang kahulugan
1.1 PATING
1.2 KAIBIGAN
1.3 MAGINGISDA
2. Mga larawan angkop sa bawat salitang ihahawan