EDMUND D.

IGNACIO
BS CRIMINOLOGY 3 BLOCK 4

MODYUL 4.2: TAKDANG-ARALIN

SINESOSYEDAD/ PELIKULANG PANLIPUNAN

Pamagat ng Gawain: Maiksing Pagsusuri sa Pelikulang “Sayaw ng Dalawang Kabilang Paa”

Gabay naTanong:

1. Ipaliwanag kung bakit ang pelikula ay tumatalakay sa isyung pangkasarian. Magbigay ng patunay
sa mga eksena ng pelikula na naglalarawan sa isyung nabanggit

Ang pelikula ay tumatalakay sa isyung pangkasarian dahil ang sa kasalukuyang panahon may
transisyon o pagbabago ng papel ng babae ang makikita sa pelikula na tunay na nangyari sa lipunan.
masining na pagkakagawa ng pelikula ay hindi maitatangging ang kalakip na mensahe nito ay ang
pagsasabing ang sining ay likas na amoral o walang kinikilalang moral o imoral. Nakatutok ito sa
estitiko, sa emosyon at hindi naka-angkla sa kung ano pa mang pagpapahalaga bukod sa pagpapahalaga
sa kinikilala nilang “sining”. Ngunit maari sa ring maituring na katanggap-tanggap ang pelikula dahil
nagawa nitong ihain ang mensahe ng hindi kinikiliti ang sensibilidad ng manonood. Hindi rin nito
minamaliit ang lawak ng pang-unawa ng madla.

2. Maglahad ng iyong impresyon/puna sa pagganap sa karakter ng mga artista, at sinematograpiya ng

pelikula.

Ipinakita ang tatlong tauhan sa unang eksena: si Karen (Jean Garcia), guro sa literatura na tinatalakay
sa klase ang tula ni Ruth Elynia Mabanglo na Kinukumutan Ka ng Aking Titig; si Marlon (Rocco
Nacino) na tumititig sa guro at pautal-utal sa pagsagot sa talakayan; at si Dennis (Paulo Avelino) na
tumititig naman kay Marlon. Epektibo ang simula ng kuwento dahil naihain agad ang sari-sariling
problema pati ang karakterisasyon ng bawat tauhan. May pagkiling sa peministang tula at paniniwala
si Karen, balakid kay Marlon ang di niya mahusay na pagkaintindi sa panitikan para magpakitang-gilas
kay Karen, at malayo naman si Dennis kay Marlon.

3. Ano ang iyong pangkalahatang puna sa pinanood at aral na siyang maisasabuhay mo at ng bawat
indibiduwal.

Binigyang dignidad ng pelikula ang karangalan ng isang guro, pati na rin ng mga makata, mga
artista at mga mananayaw…sayang nga lang at hindi malinaw ang lugar ng Diyos na siyang tunay
na may likha ng lahat ng sining at Siyang nagbibigay ng talento na nararapat lamang gamitin sa
kabutihan at sa ikakalaganap ng Kanyang pagmamahal.

4. Aling teorya o dulog angkop suriin ang pelikula? Ipaliwanag

Ito ang ideyolohiyang isinusulong ng peminismo at ng komunidad ng LGBT na sa relasyon ay

hindi kailangan magkaroon ng puwesto ng kapangyarihan. Maging dalawang lalaki, dalawang
babae, o babae at lalaki, maaaring maging pantay lamang sila sa pagsasama. Makikita ito sa
eksenang tinuturuan ni Dennis si Marlon ng pagsayaw. Kailangan nilang magpanggap na ang isa
ay babae dahil ganoon ang nakagisnan para sa mga sayaw ng dalawang tao. Nakagisnan na ang
lalaki ang may hawak sa babae at ang magsisimula ng sayaw. Sa eksenang ito nagtanong si Marlon
kung bakit pa kailangang ganoon ang mangyari.