Mula sa Samahan ng Aklan Valley High School Student Council
Agosto 9, 2021 hanggang Mayo 3, 2021
I. Pagpapahayag ng Suliranin
Ngayong panahon ng pandemya, maraming mag-aaral ang may kinakaharap na
mga problema. At isa na ang Online Learning sa mga problemang kinakaharap ng karamihan sa mga estudyante ngayon. Sa kadahilanang, ito ay bagong pamamaraan ng pagtuturo. Nang dahil sa online learning, maraming estudyante ang nawawalan na ng gana na mag-aral dahil kulang sila sa kagamitan at hindi pa sila sanay sa bagong pamamaraan ng pagturo. Alam natin na hindi lahat ng estudyante ay nakakasabay o nakakahabol sa mga gawain sa ekwelahan. Nakakapagod at nakakawalang-gana ang ganitong sistema ngunit bilang estudyante, gusto nating maging produktibo at maging aktibo sa mga gawain sa eskwelahan. Kaya’t aking naisipan ang isang proyekto na kung tatawagin ay Proyektong Angat. Ang Proyektong Angat ay layong makatulong sa mga mag-aaral ng Aklan Valley High School na tulungan silang maging produktibo at aktibo sa online learning sa pamamagitan ng pagbigay at pagtuturo ng mga paraan sa pamamagitan ng online session. Sa ganitong paraan, ang matututuhan ng mag-aaral sa online session ay pwede o maaari nilang dalhin sa kanilang online learning. Ang online session na isasagawa ng organisasyon ay gagawin sa iba’t-ibang plataporma ng social media upang may pagpipilian ang mga estudyante. Magkakaroon lamang ng apat na online session sa buong taon at pagtuturo at pagbibigay ng mga payo sa mga estudyante ay ang mahalagang gawain ng organisasyong ito.
II. Layunin
Ang layunin ng proyektong ito ay matulungan ang mga mag-aaral na maging
aktibo at produktibo sa online learning sa pamamagitan ng pagbibigay-gabay at pagturo ng iba’t-ibang paraan ng pag-aaral para sa online learning. Layunin ng aming organisasyon na mapahalagahan ang kanilang mga mentalidad at kalusugan dahil marami sa kabataan ngayon ang problemado sa online learning. Hindi lamang ito makakatulong para sa mga mag-aaral dahil ito rin ay makakatulong sa organisasyon.
III. Plano ng Dapat Gawin
1. Pagpupulong at paghahanda ng organisasyon para sa isasawagang proyekto.
2. Pagpapasa, pag-aaproba, at paglabas ng badyet para sa proyektong gagawin. 3. Paghahanap ng mga 10 estudyante o tao na nasa loob at labas ng paaralan na gustong tumulong para sa proyekto. 4. Paghahanap ng mga donasyon para sa proyekto. 5. Pag-aanunsiyo at paghihikayat sa mga estudyanteng gustong maging produktibo at aktibo sa online learning. 6. Paghahanda para sa gagawing online sessions kasama ang mga estudyante.
IV. Badyet
Kinakailangang Badyet sa Proyekto
PHP 5, 000
Gagamiting panggastos ng 10 tao/estudyante ₱ 5, 000
(internet allowance) (4 online sessions x 125 pesos
kada session x 10 na tao)
V. Benepisyo
Ang gagawing proyekto na ito ay magiging mahalaga para sa mga estudyante na
nahihirapan sa online learning. Ang proyekto din na ito ay magtuturo kung paano maiiwasan ng mga estudyante na maapektuhan ang kanilang mental at pisikal na kalusugan dulot ng online learning. Dahil naniniwala ang aming organisasyon na sa gitna ng kahirapang nangyayari sa ating edukasyon dulot ng pandemya ay dapat tayong magtulungan upang malutasan ang problema sa panibagong edukasyon ngayon. Hindi hadlang ang pandemya para tulungan an ating mga mag-aaral na makamit ang kanilang mga pangarap sa buhay. At ang proyektong ito ang magdadala sa kanila sa kanilang tagumpay.