Simula ng nagkaroon ng pandemya ako at ang aking pamilya ay hindi na
madalas makalabas o mamasyal sapagkat dahil narin sa pagiging maingat para sa
aming kalusugan. Kaya lubos ang aming pagkadismaya sapagkat wala kaming ibang magawa kundi sa bahay lamang. Isang araw buwan ng Disyembre 23,taong 2021 napagkasunduan naming ng aking magulang na magpunta sa 1,000 steps Eco-Park sa Alfonso Lista Ifugao upang mamasyal. Dahil nga ngayon lang kami ulit mamamasyal dahil sa pandemyang ito lubos ang tuwa,kaya’t ako’y sabik na sabik noong araw na iyon sa sobrang saya ko ay halos abot tainga ang aking ngiti habang ako’y namimili ng aking susuotin. Sa bandang 7:00 nga ng umagang iyon kami ay nagsimula ng magbyahe. Habang kami ay nagbabyahe lubos na masaya at nasasabik ang bawat isa sa amin na makarating sa lugar na iyon sapagkat madaming mga bali-balita na tunay ngang maganda at tampok sa mga tao na magpunta roon. Makalipas nga ang halos apat na oras naming pagbabyahe kami ay nakarating sa aming destinasyon. Pagkarating doon ay agad kaming bumili ng tiket upang kami ay mapayagang makapasok sa Eco-park. Ang isang tiket ay nagkakahalaga ng 50 pesos para sa mga matatanda (Senior Citizen) at 30 pesos naman para sa mga bata o estudyante. Pagkatapos naming makabili ng tiket, maraming tsuper ng mga traysikel ang nagaabang upang maihatid kami papuntang eco-park. Pagkarating sa eco- park, ay agad na naming sinimulan ang pag-akyat sa mga hagdan papunta sa taas ng bundok. Habang kami ay paakyat,nararamdaman namin ang pagod at panghihina ng aming katawan sapagkat bukod sa malayo ito ay matarik na bundok ang aming aakyatin. Ngunit sa kabila ng pagod na ito agad rin naman itong napapawi sapagkat habang kami ay naglalakad makikita mo ang tunay na ganda ng kapaligiran rito. Hindi namin mapigilan ang pagkuha ng litrato sa bawat isa,hindi pa man namin nararating ang aming destinasyon ay alam na namin na tunay ngang maganda ang lugar na ito. Sa halos isang oras naming pagakyat sa lugar na ito matagumpay kaming nakarating sa itaas ng bundok. Agad dumampi sa aking balat ang malamig at sariwang hangin ng Ifugao. Agad ding bumungad sa amin ang napakagandang tanawin. Makikita rin mula sa itaas ng bundok ang Magat dam. Kaya hindi naming mapigilan ang pagkuha ng litrato dito sapagkat hindi lamang ito isang litrato kundi nakapaloob dito ang ganda ng lugar na ito at mga karanasang aming nagawa nang sagayon ay hindi naming ito malilimutan. Matapos nga ang paglibot namin sa lugar na ito kami ay agad ng bumyahe pauwi sa aming tahanan. At habang kami ay pauwi hindi ko lubos maisip na nakapunta kami sa isang napakagandang lugar at agad akong nagkaroon ng realisasyon na hindi lamang pera ang mahalaga sa ating buhay kundi isang mahalagang memorya na tatatak sa ating puso’t isipan na sakabila ng kahirapan sa panahon ngayon ay hindi matatanggal ang saya kung kasama natin ang buong pamilya sa isang lugar na tunay na maganda at nagbibigay ng masasayang memorya. Kaya sa kabila ng karanasang ito lubos na madami ang nagbago sa aking pamumuhay(lifestyle) sapagkat naintindihan ko sa puso’t isipan ko ang halaga ng isang buong pamilya na magkaroon ng buo at matatag na relasyon sa bawat isa na dapat huwag natin isipin ang kahirapan at problema kundi tayo’y magkaisa at bumuo ng magaganda at masasayang memorya.