Isinumite kay : Di pa kami nakaligo nito kaya naisipan naming mag picture para may mababalik tanaw kami sa kakulitan namin. Kapatid ko ang kasama ko sa larawang ito, ako yung nakasuot ng kulay kahel at kapatid ko naman yung naka kulay black sa gilid ko. Nasa bahay kami ng tiyahin ko nito, ito ay sa Naga City, Cebu. Dito kami pinatuloy dahil malapit-lapit lang daw ito sa Carcar, kung tatanongin niyo, sa araw bago kami pumunta sa Mainit Spring in CarCar City ay namasyal pa kami sa Naga Boardwalk, kaya nong napagdesisyonan nilang bumisita sa probinsya di na kami pinasama pauwi sa bahay at pinatuloy nalang sa tiyahin ko. Kinuha namin ang larawang ito bandang alas sais ng umaga kakataas pa lang din ng araw. Pagkatapos naming mag picture dito ay agad na kaming umalis at sabay-sabay nang bumayahe patungo sa probinsya para maligo sa Mainit Spring in CarCar City. Sa larawang ito makikita mong nakahawak ako ng isang basong kape. Maaga kaming bumyahe nito para mataas-taas ang aming oras na makakapagpasya doon. Tandang-tanda ko pa noon gumising kami ng madaling araw mga alas kwatro ng umaga. Nagising kami dahil sa ingay at kulit ng aking mga pinsan, palatandaang ginigising na nila kami para bumangon at maghanda na para makabiyahe na agad-agad, hindi kami naligo nong oras naiyon dahil narin sa sobrang ginaw pa ngunit nagbihis kami na para bang nakaligo na. Pagkadating namin sa probinsya sa bandang alas nuwebe ng umaga agad akong kumuha ng baso at nagtimpla ng kape para pampawala ng antok at pampainit ng giniginaw na katawan. Hindi ko mawari ang kasiyahan na aking nadama ng ako'y umupo sa harap ng magandang view na ito kaya agad kong kinuha ang aking cellphone at kinuhanan ito ng larawan. Ilang oras kaming pumasya muna sa bahay ng lolo't lola ko para makapag muni-muni sa view doon at makapag-ani ng iba't ibang prutas na bunga doon para madala namin sa aming pupuntahang Mainit, Spring. May malalaking puno ng buko doon na sobrang kaaya-aya tignan na para bang nasa ibang bansa ka, sabayan pa ng maaliwalas na hangin habang ako'y naglalakad-lakad sa paligid, wala akong ibang naramdaman kundi ang kapayapaan ng aking isip. Sadyang kay ganda nga naman talaga ng mga view dito sa probinsya, noon makikita namin puro malalaking gusali, maiingay na sasakyan, kay rami ng mga tao, dito sa probinsya halos mga nagsilakihang mga bukid at puno ang makikita, ang masariwang hangin na tiyak makakapagpagaan ng iyong nararamdaman, ang ingay na iyong maririnig ay ang mga huni ng ibon lamang napakatahimik ng lugar na yon sobrang payapa kung baga. Kasing ganda ng panahon ang view doon tunay nakakawala ng pagod, stress, at makakalimutan mo bigla ang iyong mga problema. Mabuti't sa araw na ito ay maganda ang panahon, di gaanong mainit pero may malakas-lakas na hangin na siyang nakakapagpa-sayaw ng mga puno. O kay ganda tignan na para bang masaya rin ang mga puno habang sila'y napasayaw dahil sa hangin. Sa larawang ito makikita niyo ang bakas ng kasiyahan sa aming mukha noong kami ay pumunta at naligo sa Mainit Spring in Carcar City. Naganap ito noong taong dalawang libo't dalawang po't isa sa Nobyembre, sa aking pagkakatanda nangyari ito pagkatapos namin pumunta sa sementeryo para bisitahin ang yumao naming kamag-anak, kinabukasan niyan napagsundaan naming umuwi ng probinsya at maligo dito sa Mainit Spring. Ang probinsyang inuwian namin ay lugar kung saan nakatira at lumaki ang aking tatay, sa madaling salita sa father side ko ito at ang kasama ko sa paglalakbay na ito ay ang mga kamag-anak ko sa mother side ko. Naisipan naming pumunta dito dahil sa kuryosidad ng asawa ng kapatid ng nanay ko, napag-usapan lang namin kung gaano kalaki ang lupain ng lolo't lola ko roon, mga tanim, mga prutas at ang view doon hanggang sa umabot na napagdesisyonan nilang bumisita roon. Pagkadating namin sa aming destinasyon agad naming inihanda ang aming dinalang mga pagkain. Yung j ang tiyohin ko ay nagluto ng ibang pagkain at naghanda ng maiinom, sa oras na iyon nag tulong-tulong kami sa mga gawain para mapabilis ang aming ginagawa at makakain na agad. Habang nag hihintay kami sa ibang pagkaing niluluto pa ay napagkasundoan namin ng mga kapatid ko na sumayaw sa TikTok para maibsan ang aming nadaramang pahkagutom. Habang Naghihintay ako sa kapatid ko na nagtitiktok din ay kinuha ko itong larawan na ito dahil sobrang busy nila tignan at nag hinay-hinay nadin kumain ang iba. Hindi gaano ka rami ang aming pagkaing inihanda sakto lang para kami ay mabusog bago magtampisaw sa lawa. Ang mga pagkaing aming inihanda ay mga iba't ibang putahi ng baboy at sinugbang isda, shrimp, biko, pansit at may buko juice din na kung saan nakuha namin sa bunga doon kina lolo't lola. Pagkatapos naming kumain ay agad kaming naligo at nagtampisaw sa malamig na tubig ng Mainit Spring, sobrang relaxing and nakakachill ang view doon, maliban sa masariwang hangin na sinabayan ng magandang mga puno sobrang nakakabighani din ang kalamig-laming na tubig doon kahit na maliit lang ang espasyo roon. Malalim din ang tubig doon, tanda ko pa noong muntikan ng malunod ang aking batang pinsan dahil bigla nalang siyang bumaba para maligo pero di nya alam sobrang lalim doon, mabuti't nakuha kaadgad siya ng aking tiyuhin. Ang Mainit Spring ay isang maliit na spring na matatagpuan sa kasulok-sulokang lungsod ng CarCar, mahaba-habang biyahe ang iyang matatamasa bago makapunta rito pero worth it lang ang lahat kapag nakadayo kana dito, puro puno ang makikita mo doon, bilang isang nature lover sobrang na-aapreciate ko ang lugar na ito. Ang parteng ito ay isang lawa na nasa gilid ng Spring na aming nililigoan, naligo kami dito dahil napansin naming nalinis at mainit-init ang tubig sa parteng ito di gaya ng sa spring na sobrang lamig. Habang kami ay nagtatampisaw at nagkakasiyahan dito bigla naming napansin ang bilis ng daloy ng tubig. Palakas ng palakas ang aming boses kakakatawa tanda na nagkakasiyahan kami ay siya ring paglakas ng daos ng tubig. Bago pa kami pumunta sa parteng ito, biglang sumama ang panahon biglang umulan-ulan ng kunti at dumilim ang kalangitan pero tuloy parin ang aming pagsisiya roon. Sa oras na bumilis na talaga ang daloy ng tubig ay agad kaming nagdesisyon na umalis na doon at bumalik sa spring. Nahihirapan pa kaming maglakad sa gitna ng tubig dahil madulas ang mga bato doon at pabilis ng pabilis ang tubig. Saktong pagkabalik namin sa spring at kakababa palang namin sa tubig doon ay bigla nalang nagsisigawan ang mga tao na nakasabay naming naligo na papaalisin kami sa Spring dahil masama na ang daloy ng tubig, noong una ay pasawalang kibo pa kami pero ng tinignan ng isa kong tiyohin ang sitwasyon doon na namin nakumpirma na babaha na talaga. Habang kami ay nasitakbohan pabalik sa aming kinabibilangang cottage ay tsaka na tumaas ang tubig. Kitang-kita ng dalawa kong mata ang pagbilis ng pagtaas ng tubig, naghalo-halo na ang aking nararamdaman sa oras na iyon pero na nangingibabaw ang takot at nerbyos. Sa isang iglap natunaw ang aming kasiyahan. Ilang minuto kaming naghintay na bumaba ang tubig hanggang sa may isang ale ang napadaan at nagka usap sila ng mga kamag-anak ko sabi niya malakas daw ang ulan sa ibabaw ng bukid kaya baka siguro dumaloy ang tubig pababa dito sa Mainit Spring at nakapagresulta ng baha.