Ang COVID-19 o coronavirus disease ay isang nakahahawang sakit
na dulot ng bagong coronavirus. Dahil sa COVID-19 marami ang naapektuhang bansa pati na ang Pilipinas, maraming nagsara na kompanya, establisyemento at ang pinaka naapektuhan ay ang edukasyon.
Sa taong 2020 nagsimulang magbago at magkaroon ng malaking
suliranin ang bansa dahil sa mabilis na pagkalat ng COVID-19. Ang edukasyon ang pinaka naapektuhan nito dahil maraming mga estudyante ang nag-aaral at pinagbawalan muna na magkaroon ng pisikal o face-to-face na klase dahil sa takot at hawaan ng COVID-19. Dahil sa kailangang ipagpatuloy ang edukasyon, ang mga estudyante at magulang ay naghanda at nangamba sa mga posibleng maging problemang papansinin nila habang hindi pa natatapos ang COVID-19 pandemic.
Sa takot at pagkaroon ng hawaan ng coronavirus, iminungkahi ni
Pres. Rodrigo Roa Duterte na ipagliban muna ang pagkaroon ng face-to- face classes kapag wala pang bakuna kontra COVID. Ang Department of Education (DepEd) ay nag nais na ipagpatuloy ang edukasyon sa kalagitnaan ng pandemya kaya ang DepEd ay nagkaroon ng resolusyon kung ano ang mga hakbang na gagawin sa pagpapatuloy ng edukasyon. Ang desisyon ng DepEd ay ang pagkakaroon ng online class, ngunit marami ang nagreklamo at ito ay nagging suliranin dahil hindi lahat ng estudyante ay mayroong gadgets o internet connection para sa online class. Dahil sa nasabi, nagdesisyon ang DepEd na magsagawa ng survey kung saan mas ‘suitable’ o mas gusto ng estudyante na pamamaraan ng pag-aaral . Tinatawag nila itong blended learning kung saan may dalawang pagpipilian, online learning o modular learning. Ang modular learning ay ang paraang nakita o solusyon ng DepEd upang ipagpatuloy ang edukasyon at para narin makasabay ang mga estudyante na nagaalala sa kakulangan ng gadget at walang stable na connection ng internet, sa pamamagitan ng modular learning ang mga estudyante ay binibigyan ng printed modules na makukuha sa mismong paaralan o barangay upang makapagaral na walang ugnay gamit ang mga gadgets. Ang mga nasabi sa itaas ay ang mga solusyon sa suliranin sa pagbabago ng edukasyon sa kalagitnaan ng pandemya.
Para sa akin, ang maitutulong lang natin sa ating gobyerni hinggil
sa napapanahong pandemic sa kinakaharap ng bansa ay ang pamamalagi sa bahay, pagsunod sa mga health protocols, pagkaroon ng kaalaman sa nangyayari dulot ng COVID-19 at ang maging masipag at matiyaga parin sa pag-aaral kahit iba na ang pamamaraan ng edukasyon dahil sa coronavirus.