Gawain 2:

1. Ano-ano ang pinagkaiba ng “Non-controlling Domains,” Semi-Controlling Domains,”

at Controlling Domains sa isa’t isa?”

Ang Non-controlling domain ay mga komunidad na ang pangunahing wikang ginagamit

ay ang kinagisnan o kinalakihan, ito ay ang wikang bernakular o lingua franca ng
naturang komunidad at may kalayaan ang mga nagsasalita nito. Sa Semi-controlling
domains, ang wika ay bahagyang kontrolado sa mga tagapakinig. Pinahihintulutan rin
nito na makisali sa pakikibahagi kahit hindi gumamit ng mga pangdalubhasang salita.
Katulad na lamang sa relihiyon at entertainment, hindi masyadong napapansin ng mga
tagapakinig ang wikang ginagamit nito. Samantalang sa Controlling Domains ay wikang
ginagamit sa paaralan at iba’t-ibang larangan at disiplina. Ginagamit ang wika sa mataas
na antas kaya’t kinakailangan ito na pinag-aaralan. Mas tiyak at wasto ang paggamit sa
wika sa pasulat at pasalita.

2. Ayon kay Sibayan, “... English, Russian, German, French, Japanese, to name just
five, are intellectualized languages. By the same definition, Filipino is not (yet) an
intellectualized language.” Sangayon ka ba dito? Bakit? Bakit hindi?

Sa aking palagay, sumasang-ayon ako sa pahayag ni Sibayan na hindi pa ganap na

intelektwalisado ang Filipino sapagkat nananatiling ginagamit sa matataas na paaralan at iba’t-
ibang larangan at disiplina ang wikang ingles. Ang mga asignatura tulad ng agham,
teknolohiya,humanidades pati na rin sa pagtutuos (accounting), matematika, medisina, biolohiya,
inhinheyira, arkitektura, pilosopiya, ekonomiks, sikolohiya at sosyolohiya ay natatalakay
hanggang ngayon sa wikang ingles. Di katulad sa mga nabanggit na wika ginagamit ito sa lahat
ng larangan at disiplina maski sa batas, hudikatura at komersyo ng mga bansang ito. Masasabing
nasa proseso pa ang modernisasyon ng wikang Filipino.

3. Ano ang masasabi mo sa kalagayan ng intelektuwalisasyon ng wikang Filipino sa kursong

iyong kinukuha?

Sa kursong sikolohiya, hindi ganap na nagagamit ang wikang Filipino sa pagsulat at sa

pagtatalakay ng mga konsepto at ideolohiya. Hinihikayat din kami na magsalita ng ingles ngunit
malaya pa rin na gumamit ng wikang Filipino o bernakular nang sa gayon ay madaling maipunto
ang nais na maipahayag at kung may pagpapaliwanag at pagpapalalim sa isang ideya ay wikang
Filipino ang gamit ng mga propesor upang lubos na maunawaan ng mga mag-aaral.