GE 5 – Malayuning Komunikasyon

Aralin 3
Komunikasyong Lokal at Global sa Multikultural na Setting

Inaasahang Matutuhan:

• Matukoy ang mga angkop na termino, eskpresyon, at imaheng kultural (pagsasaalang-alang sa

kasarian, lahi, uri, atbp.)
• Magkaroon ng kamalayan at pagsasaalang-alang na kultural at interkultural sa komunikasyon ng
mga idea

Ipahayag:
Komunikasyong Interkultural
Ito ay tumutukoy sa komunikasyon sa pagitan ng mga taong nabibilang sa iba’t ibang kultura,
kabilang na din ang iba’t ibang kultura na matatagpuan sa isang bansa.
Sina Gudykunst at Kim (1992) ay nagbigay ng isang halimbawa ng interkultural na komunikasyon:
Consider a visit to North America by strangers from a culture with a communication rule
requiring that direct eye contact always be avoided. If the strangers do not look them in the eye when
talking, the North Americans will assume that the strangers either have something to hide or are not
telling the truth.
Nagbigay naman si John Luckmann ng Auburn University at Montgomery ng ganitong halimbawa
ng Interkultural na Komunikasyon sa usapin ng PANANAHIMIK:
Some cultures value silence whereas other cultural groups feel that silence is a vacuum that must
immediately be filled with words. Among some native Americans, silence is essential element of showing
respect and understanding. In some Arab cultures, silence may indicate concern for personal privacy.
The French, Spanish, and Soviet cultures interpret silence as a sign of agreement.

Mga Uri ng Interkultural na Komunikasyon (Jandt, 1998)

1. Interracial communication – komunikasyon ng mga taong may magkaibang lahi.
2. Interethnic communication – interaksyon ng mga taong may iba’t ibang etnisidad.
3. International communication – pakikipag-usap ng mga kinatawan ng iba’t ibang nasyon.
4. Intracultural communication – interaksyon ng mga taong magkapareho ang lahi at etnisidad o
may parehong kultura.

Mga Sagabal sa Interkultural na Komunikasyon

• Kakulangan ng kaalaman sa kultura. Ang kakulangan sa kaalaman sa usaping pangkultura ay ang
isa sa mga pangunahing dahilan kung bakit madalas magkaroon ng di pagkakaunawaan ang mga
kasapi sa proseso ng komunikasyon. Kaya naman mahalagang maunawaan ng bawat kasapi ang
kahalagahan ng pag-aaral ng kultura bilang bahagi sa paghubog ng pagkatao ng bawat isa.
• Takot at Walang Tiwala. Bagama’t normal ang magkaroon ng pag-aalinlangang makihalubilo sa
mga bagong kakilala, masasabing ang labis na takot at kawalan ng tiwala ang isa namang malaking
balakid upang matamo ng 2 taong may magkaibang kultura ang matagumpay na komunikasyon.
• Rasismo. Ang diskriminasyon sa ibang kultura ay isang malaking balakid sa pagtatamo ng
matagumpay na komunikasyon. Buhay na halimbawa nito ang maling pagtingin at pagmamaliit sa
mga taong may maitim na balat, makapal na labi, at mga kapintasang kaugnay nito.
• Etnosentrismo (Ethnocentrism). Problematikong maituturing ang pagkakaroon ng paniniwala ng
isang indibidwal na mas mataas ang kanyang kultura kaysa sa iba.
 GE 5 – Malayuning Komunikasyon

“People have tendency to be biased toward their own cultural values, and to feel that their values
are right and the values of others are wrong or not as good”.
• Stereotyping. Ito ay isang uri ng de-kahong paglalarawan sa isang kultura o lahi na ikinakapit natin
sa bawat taong bahagi ng nasabing kultura. At hindi iniisip ang indibidwal na katangian ng bawat
isa. Upang maiwasan ang ganitong pananaw mahalaga ang tinatawag na pag-iindeks.
“Stereotyping is particularly destructive when negative traits or characteristics are imposed on
all members of a cultural group”.
• Pagkakaiba ng Wika. Malaking sagabal na maituturing ang hindi pagkakaunawaan tungkol sa
gamit ng wika. Problematikong maituturing ito sapagkat nakasalaylay sa wika ang
pagkakaintindihan ng bawat bahagi ng komunikasyon dahil ito ang nagsisilbing instrumento upang
maipahayag ang ating kaalaman at emosyon.

Pagtatasa:
Pumili ng isang bansa at gumawa ng isang minutong bidyo patungkong sa “cultural modes of
communication” ng bansang napili.

Mga Reperensiya:
• Kontekstwalisadong Filipino sa Malayuning Komunikasyon ni Acorpa, J., Soriano, M., et al (2018)
• https://www.slideshare.net/CNuggets/komunikasyon-56876352