Pagsulat blg.

Gawain: (Nakalimbag, long bond paper, tipo ng titik-12, istilo ng tipo- TNR, espasyo-1.15)

Bumuo o sumulat ng isang di-pormal na sanaysay. Malaya kayong makapapamili kung anong
paksa ang inyong bibigyang-pansin. Gawing batayan ang “Organisasyon ng Teksto” na
nakabatay sa apat na bahagi.

Personal na Interaksyon sa Paaralan, Dapat na nga bang ibalik?

Ang pagbabalik ng klase sa paaralan ay isa sa matinding isyu na pinag uusapan dito sa
ating bansa. Marahil ikaw mismo na nakakabasa ng akdang ito ay maraming kritisimo pagdating
sa usapin na ito. Kung ating titingnan, halos lampas isa’t kalahating taon na ang nakakalipas
pamula noong nasuspindi ang klase dahil sa pagdating ng pandemya at ngayon ay isa ang ating
bansa sa mga natitirang lugar na hindi pa naibabalik ang dating pormat ng pag aaral. Para sa’yo,
karapat dapat na nga ba itong ibalik? O mas mainam na ipagpatuloy padin ang bagong set-up ng
pag aaral na kinakaharap ng karamihang estudyante ngayon?

Samut-saring mga komento at ideya ang paulit ulit na umiikot sa iba’t ibang social media
account ukol sa pagbabalik ng klase sa paaralan ng mga estudyante. Karamihan sa aking mga
nakikitang estudyante ay nais na ibalik ang dating proseso ng edukasyon sa kadihalanan na
marami na ang sobrang nahihirapan sa kasalukuyang pamamaraan ng pag aaral. Kasabay nito,
marami din akong nasisilayan na mga opinyon ng mga magulang kung saan ay hindi sila
pumapayag na ipahamak ang buhay ng kanilang mga anak dahil lamang sa pag aaral sa
eskwelahan. Dahil sa mga ito, hindi maiiwasan ang walang hangganan na pagtatalo sa pagitan ng
mga taong gusto at ayaw ng personal na interaksyon ng mga estudyante sa paaralan.

Ayon sa mga detalye at impormasyon na aking nabasa, sa aking palagay,

nangangailangan na ang ating bansa na bumalik sa dating pamamaraan ng pag aaral. Isa sa mga
dahilan na aking nakikita ay ang patuloy na pagdami ng mga kabataan na hindi magkaroon ng
kakayahan na makapasok dahil lamang wala silang mga materyales na gagamitin sa mga online
classes. Bukod pa dito, ang kasalukuyang pamamaraan ng edukasyon ay madaming negatibong
epekto sa kalusugan ng malaking numero ng mga estudyante, na kaugnay din ng hindi
pagkakaroon ng epektibong pagkakatuto.

Bilang isa rin sa mga estudyanteng nagpapatuloy ng edukasyon sa gitna ng pandemya,

ramdam ko ang iba’t ibang paghihirap na nararanasan din ng aking kapwa mag aaral. Marahil
maraming tao ang magsasabing hindi ligtas ang pagbabalik sa paaralan ng mga estudyante,
ngunit alam ko na may paraan na maaring gawin upang maipatupad ito nang maayos at
maingatan ang kalusugan naming mga estudyante. Ikaw ba? Anong palagay mo sa
napapanahong isyu na ito? Sang-ayon kaba o hindi?