EXEMPL Guro DENSEL JAMES ABUA Asignatura ARALING AR SILVANIA PANLIPUNAN Petsa January 9-13, 2023 Markahan Unang Markahan Ika-siyam Oras 9:55-10:35 – DIAMOND Bilang ng Araw 3 na linggo 11:15-11:55 - RUBY
I. LAYUNIN Pagkatapos ng aralin, ang mga mag-aaral ay inaasahang:
a. nababasa ang teksto tungkol sa kabihasnang Maya; b. nabibigkas ang mga piling salita ayon sa kahulugan nito; at c. nasasagutan ang mga tanong tungkol sa Kabihasnang Maya;
II. NILALAMAN Pag-usbong at Pag-unlad ng mga Klasikal na Lipunan sa America, Africa,
at mga Pulo sa Pacific III. KAGAMITAN PANTURO A. Mga Sanggunian a. Mga Pahina sa Gabay ng Guro B. Listahan ng mga Kagamitang Panturo para sa mga Gawain sa Modyul ph. 174 Pagpapaunlad at Pakikipagpalihan IV. PAMAMARAAN Paksa: Kabihasnang Maya (250 C.E. – 900 C.E.) Namayani ang Kabihasnang Maya sa Yucatan Peninsula, ang rehiyon sa Timog Mexico hanggang Guatemala. Nabuo rito ang mga pamayanang lungsod ng Maya tulad ng Uaxactun, Tikal, El Mirador, at Copan. Nakamit ng Maya ang rurok ng kaniyang kabihasnan sa pagitan ng 300 C.E. at 700 C.E. Sa lipunang Maya, katuwang ng mga pinuno ang mga kaparian sa pamamahala. Pinalawig ng mga pinunong tinatatawag na halach uinic o “tunay na lalaki” ang mga pamayanang urban na sentro rin ng kanilang pagsamba sa kanilang mga diyos. Nang lumaon, nabuo rito ang mga lungsod-estado. Sila ay nagtataglay ng ganap na kapangyarihan. Naiugnay ng malalawak at maayos na kalsada at rutang pantubig ang mga lungsod-estado ng Maya. Banaag sa kaayusan ng lungsod ang pagkakahati-hati ng mga tao sa lipunan. Hiwalay ang tirahan ng mahihirap at nakaririwasa. Ang sentro ng bawat lungsod ay isang pyramid na ang itaas na bahagi ay dambana para sa mga diyos. May mga templo at palasyo sa tabi ng pyramid. Sa larangan ng ekonomiya, kabilang sa mga produktong pangkalakal ay mais, asin, tapa, pinatuyong isda, pulot-pukyutan, kahoy, at balat ng hayop. Nagtatanim sila sa pamamagitan ng pagkakaingin. Ang pangunahing pananim nila ay mais, patani, kalabasa, abokado, sili, pinya, papaya, at cacao. Dahil sa kahalagahan ng agrikultura sa buhay ng mga Maya, ang sinamba nilang diyos ay may kaugnayan sa pagtatanim tulad ng mais gayundin ang tungkol sa ulan. Nakamit ng Maya ang tugatog ng kabihasnan matapos ang 600 C.E. Subalit sa pagtatapos ng ikawalong siglo C.E., ang ilang mga sentro ay nilisan, ang paggamit ng kalendaryo ay itinigil, at ang mga estrukturang panrelihiyon at estado ay bumagsak. Sa pagitan ng 850 C.E. at 950 C.E., ang karamihan sa mga sentrong Maya ay tuluyang inabandona o iniwan. Wala pang lubusang makapagpaliwanag sa pagbagsak ng Kabihasnang Mayan. Ayon sa ilang dalubhasa, maaaring ang pagkasira ng kalikasan, paglaki ng populasyon, at patuloy na digmaan ay ilan lamang sa mga dahilan ng paghina nito. Maaari rin na sanhi ng panghihina nito ang pagbagsak sa produksiyon ng pagkain batay sa mga nahukay na labi ng tao na nagpapakita ng kakulangan sa sapat na nutrisyon. Ang mga labi ay natuklasang hindi gaanong kataasan samantalang mas manipis ang mga buto nito. Mga Katanungan 1. Saan namayani ang Kabihasnang Maya? a. Chaldean b. Yucatan Peninsula, ang rehiyon sa Timog Mexico hanggang Guatemala. c. Egypt d. Assyria 2. Kailan nakamit ng Maya ang rurok ng kaniyang kabihasnan? a. 14 B.C.E b. sa pagitan ng 300 C.E. at 700 C.E. c. 105 B.C.E d. 45 B.C.E 3. Sa lipunang Maya, Sino ang katuwang ng mga pinuno sa pamamahala? a. Guro b. Doktor c. Mayor d. Pari 4. Ano ang kahulugan ng salitang halach uinic? a. “Tunay na Lalaki” b. “Tunay na Babae” c. “Tunay na Magulang” d. “Tunay na Kapatid” 5. Ano ang sentro ng bawat lungsod ng Maya na ang itaas na bahagi ay dambana para sa mga diyos? a. spartan b. Antartic c. Watch Tower d. Pyramid 6. Sa larangan ng ekonomiya, alin sa mga sumusunod ang hindi kabilang sa mga produktong pangkalakal ng mga Mayan? a. Mais b. Asin c. Tapa d. Papel 7. Bakit ang sinambang diyos ng mga Mayan ay may kaugnayan sa pagtatanim tulad ng mais gayundin ang tungkol sa ulan. ? a. Dahil sa kahalagahan ng agrikultura sa buhay ng mga Maya b. bumuo ng malaking hukbo at plota c. Nagtayo ng gusali d. Dahil sa mga lupain IV. ASIMILASYON "Bilang isang estudyante, ano ang kahalagahan na malaman o maunawaan ang mga mahuhusay na gawain at disiplina ng mga Maya? Isulat ang iyong kasagutan sa sagutang papel.