3

ARTS
Quarter 1 – Module 4.1:
Landscape Drawing

1
Arts – Grade 3
Quarter 1 – Module 4: Landscape Drawing

I. Introduksiyon
Kun nagduduman kita sa ibang lugar, may iba-ibang
mga tan-awon o landscape/land formation kitang
nagugustuhan ta magayon ining paghiling-hilingon.
Minsan, nagpaparitrato pa kita sa mga magagayon na
tan-awon na ini.
An kada lugar, igwang inuurgulyong magayon na
tan-awon. Igdi satuya sa rehiyong Bikol, bistadong maray
an Bulkan Mayon kan Albay na saro sa magayon,
makasaysayan saka misteryosong lugar. An iba pang mga
halimbawa kaini ay ang Mt. Isarog saka Mt. Iriga. Bistado
man sa satong nasyon an mga landscape arog kan
Batangas Plateau, Chocolate Hills kan Bohol, saka Mt. Apo
kan Davao.
Sa modyul na ini, manunud-an ta an mga konteksto
manungod sa landscape o land formation arog kan
foreground, middle ground, saka background nganing
maipahiling an balanse kan mga nasa drowing.

II. Katuyohan
Natutukar kun ano an foreground, middle ground,
saka background sa konteksto kan landscape.
Nasasabi na sa sarong landscape igwa nin balanse
kun may foreground, middle ground, saka background;
Nasasabi man na an pinakaharaning pigdrowing iyo
an foreground; an mga bagay na nasa likod kan
foreground iyo an middle ground; an mga bagay na
pinakaharayo iyo an background (A3EL-Id)

2
III. Bokabularyo

urgulyo – bantog saka ipinagmamalaki

balanse – proporsyon o tama an pakadarakula saka

kinalalaagan na lugar sa artwork

landscape – sarong likas na lugar, magayon na tan-

awon, arog kan bundok, bulkan, burol, saka
iba pa

IV. Ano na an saimong aram sa leksyon na ini?

Isurat an letra kan tamang simbag.
1. Ano an landscape drawing?
a. An landscape drawing an pag drowing nin
may balanse sa paagi kan presensya nin
foreground, middle ground saka background
b. An landscape drawing ay pag drowing gamit
an cross hatching
c. An landscape drawing ay pag drowing gamit
an pointillism
2. Ano an foreground sa landscape?
a. An foreground an nasa inotan saka
pinakaharani sa taong naghihiling
b. An foreground an nasa likod na parte kan
drowing.
c. An foreground an pinakaharayo sa naghihiling
3. Ano an middle ground sa landscape?
a. An middle ground an inotan na parte
b. An middle ground an nasa tahaw kan foreground
saka background
c. An middle ground an pinakaharayo sa
3
 naghihiling
4. Ano an background sa landscape?
a. An background an pinakaharani sa naghihiling
b. An background nasa tahaw kan foreground
saka background
c. An background an pinakaharayo sa naghihiling
5. Ano an kaipuhan na mahiling sa artwork nganing
magkaigwa ining balanse?
a. Kaipuhan na may foreground an artwork
nganing magkaigwa nin balanse
b. Kaipuhan na may middle ground an artwork
nganing magkaigwa nin balanse
c. Kaipuhan na may foreground, middle ground,
saka background nganing magkaigwa nin
balanse

Kumusta an pag simbag mo sa mga kahaputan?

Hilingon kun tama an saimong mga simbag sa huring
pahina kan modyul, Susi sa Kasimbagan.

Kun tama an gabos na simbag mo, Congratulations!

Gustong sabihon, aram mo kun ano an tutukaron saka
manunud-an sa modyul na ini. Alagad mas maray man
giraray na adalan mo an yaon digdi nganing mas
maging klaro saka mas madagdagan an saimong
kaaraman.

Kun hababa an nakua mong iskor, dai mo dapat ini

ikamundo. Para talaga sa saimo an modyul na ini.
Matatabangan ka na manud-an an mga konseptong
tutukaron sa leksyon na ini. Kun aadalan mong maray,
magigibo mo na an gibuhon na masukol kan saimong
nanud-an sa modyul na ini.
4
 Handa ka na sa satong leksyon?

V. Mag-adal Kita

A. Girumdumon Ta

Ano an mga teknik ta nganing maipahiling an

visual texture sa drowing o artwork?

B. Pag-engganyo

Hilingon an mga drowing o ladawan.

pinterest.com

• Ano an saimong nahihiling sa ritrato?

• Sa ritrato kan Bulkan Mayon, ano an
mahihiling sa parteng inotan?
• Ano man an mahihiling sa parteng tahaw?
• Ano an nasa likudan?

Tama an simbag mo.

An nasa parteng inotan ay ang lalaking
paraoma saka an saiyang karabaw.
5
 An nasa parteng tahaw ay ang harong saka
mga poon nin niyog.
An nasa likudan ay ang Bulkan Mayon saka an
panganoron sa kalangitan.

Kun satong mapapansin, dakula saka mas

detalyado an nasa parteng inotan kan ritrato na
iyo an paraoma saka an karabao.
Daradakula man na hilingon an mga poon nin
niyog saka an harong.
Harayong hilingon an Bulkan Mayon ta
natatahuban an pamitisan kaini nin mga kahoy
saka saradit an detalyeng mahihiling digdi.
Aram ta na may mga kahoy, harong, saka iba
pang mga nasa lugar harani sa bulkan pero
halos dai na ini mahiling ta ini an pinakaharayo
sa nagritrato.

C. Tukaron Ta

An sarong artist nagigibo na ipahiling sa saiyang

drowing an mga bagay na mas dakula saka mas
sadit depende sa kinalalagan kan mga ini sa
foreground, middle ground saka background.

An mga bagay sa foreground kadaklan

nahihiling ta na dakula huli ta sinda nasa inotan saka
harani sa naghihiling, mantang an mga bagay na
nasa background nahihiling na mas sadit ta sinda
harayo sa naghihiling. An mga bagay na nasa
middle ground mahihiling sa tahaw kan foreground
saka background.

Obserbaran an drowing sa ibaba.

6
 An prinsipyo kan pagiging balanse kan ritrato
nahihiling sa paagi kan foreground, middle ground,
saka background.

VI. Gibohon Ta

Gibohon 1
Hilingon an drawing. Isurat an mga mahihiling sa
foreground, middle ground, saka background.

7
 Gibohon 2
Hilingon an drowing. Isurat kun sain mahihiling an
foreground, middle ground, saka background. Isurat
man kun ano an mga mahihiling digdi.

Ibuod Ta
Anu-ano an mga nanud-an mo sa satuyang
mga ginibo?

• Pwedeng maipahiling an balanse sa artwork kan

sarong artist kun igwa ining foreground, middle
ground, saka background.
• An foreground sa artwork ang nasa inotan saka
harani sa naghihiling kaya mas dakula saka
detalyado an mga bagay igdi.
• An middle ground an nasa tahaw kan
foreground saka background. Mas sadit an mga
bagay na mahihiling sa parteng ini.
• An background an nasa likudan o harayo sa
naghihiling kaya pinakasadit an mga bagay na
mahihiling digdi saka dai detalyado.
8
VII. Pagsukol kan Kaaraman

Landscape Drawing

• Mag-isip nin sarong view o landscape sa

saindong lugar.
• Magdesisyon kung anong mga bagay an mga
kaipohan na iayon sa drowing.
• Magdrowing nin sarong landscape na
nagpapahiling kan foreground, middle ground,
saka background.
• Iposisyon an mga bagay na nasa landscape
tanganing balanse ini.
• Koloran an saimong drowing saka lagan nin titulo.
• Maggibo nin sarong talata na nagpapaliwanag
kun papano mo naipahiling an balanse sa
saimong gibo.

• Rubriks
3 2 1
Mga Pagbabasehan Nagibo Dai Dai
Gayo Nagibo
Nagibo
1. Nakadrowing nin landscape na
may balanse nin huli sa presensya
kan foreground, middle ground,
saka background.
2. Naipahiling ang pagiging
artistiko sa paagi kan tamang mga
posisyon kan bagay sa drowing,
9
may harani, nasa tahaw, saka nasa
harayo sa tawong naghihiling kan
drowing.

3. Naipaliwanag an konteksto nin

ginibong landscape.
•

VIII. Gibohon sa Harong

Magdara nin ritrato kan landscape sa saindong lugar.

Susi sa Kasimbagan:

1. a

2. a

3. b

4. c

5. c

Mga Sanggunian:

➢ Music, Arts, P.E. and Health 3 LM pp. 125-127

➢ Music, Arts, P.E. and Health 3 TM pp. 140-141
➢ Regional Daily Lesson Plan p.___ - _____.

Prepared by:

MELANIE C. BAGASALA
Siruma District

10