ФОРМИРАЊЕ НА ПРВАТА ВЛАДА НА

ДЕМОКРАТСКА ФЕДЕРАТИВНА МАКЕДОНИЈА

На Првото заседание на АСНОМ не постоеле услови да се формира влада

иако тоа било предвидено со неговите решенија. Таа функција привремено ја
извршувал Президиумот на АСНОМ.
Президиумот на АСНОМ е раководен орган на АСНОМ со извршни и
законодавни ингеренции. Своите законодавни ингеренции ги извршува во
периодите помеѓу пленарните заседанија на АСНОМ, а извршните ингеренции
- самостојно. Избран е на Првото заседание на АСНОМ на 2 август 1944
година, а постои до Третото заседание на АСНОМ од април 1945 година, кога
се реконституира како Президиум на Народното Собрание на Македонија.
Претседател на Президиумот на АСНОМ е Методија Андонов - Ченто.

СОСТАВ НА ПРВИОТ ПРЕЗИДИУМ НА АСНОМ

Во составот на првиот Президиум на АСНОМ, избран на Првото заседание на
АСНОМ, влегуваат следните 22 делегати на АСНОМ:
 Методија Андонов - Ченто (претседател)

 Панко Брашнаров (прв потпретседател)

 Емануил Чучков (втор потпретседател)

 Љупчо Арсов (секретар)

 Владимир Полежиновски (секретар)

 Венко Марковски

 Цветко Узуновски

 Богоја Фотев

 Михаило Апостолски

 Страхил Гигов

 Петре Пирузе

 Кирил Петрушев

 Јован Ѓоргов

 Епаминонда Поп Андонов

 Генадие Лешков

 Кемал Аголи

 Лазар Соколов
  Вера Ацева
 Камбер Хасан
 Ацо Петровски
 Младен Георгиев Челопечки
 Лилјана Чаловска

За поефикасно вршење на извршните ингеренции, на 6 август во рамките

на Президиумот на АСНОМ се формираат осум поверенства. За повереници се
назначени: Брашнаров (за информации), Петрушев (за внатрешни работи), Поп
Андонов (за просвета), Соколов (за народно стопанство и обнова), Фотев (за
финансии), Гигов (за сообраќај и градежништво), Петровски (за социјална
политика) и Пирузе (за судство).

Манастир Прохор Пчински, каде е одржано Првото заседание на АСНОМ

Владата на Македонија од 1945 е првата влада на македонската

република во составот на ново-формираната југословенска федерација. Избрана
е на 16 април 1945 година, на Третото заседание на АСНОМ. Со нејзиното
формирање, таа ги презема извршните ингеренции на дотогашниот Президиум
на АСНОМ. Таа била од посебно значење за натамошниот развој на
македонската држава. Основна преокупација на извршната власт е политичката,
стопанската и образовно-културната обнова и изградба на НР/СР Македонија.
Во тој процес доминантна раководна улога има Комунистичката партија на
Македонија (КПМ), подоцна Сојуз на комунистите на Македонија (СКМ),
помогната од страна на масовните организации (Народниот фронт, подоцна
ССРНМ, синдикалната и младинската организација, АФЖ и др.).
 Првата влада на Македонија, од 16 април 1946. Негативот се чува во
Државниот архив на Република Македонија, подарок од Лазар Колишевски

СОСТАВ НА ПРВАТА ВЛАДА НА МАКЕДОНИЈА

Владата е составена од претседател, два потпретседатели и 10 министерства.
Нејзиниот состав е следниот:
 претседател на владата: Лазар Колишевски

 прв потпретседател и министер за финансии: Љупчо Арсов

 втор потпретседател: Абдураим Мехмед

 министер за внатрешни работи: Кирил Петрушев

 министер за просвета: Никола Минчев

 министер за правосудство: Павел Шатев

 министер за индустрија и рударство: Страхил Гигов

 министер за трговија и снабдување: Тодор Ношпал

 министер за земјоделство и шумарство: Богоја Фотев

 министер за народно здравје: Вукашин Попадиќ

 министер за социјална политика: Неџат Аголи

 министер за градежништво: Георги Василев

Владата била извршен орган и ги извршувала донесените закони.

Оваа влада е реконструирана на 11 февруари 1946 година, а мандатот ѝ
завршува по една година, на 18 април 1946 година, кога е избрана нова влада.