Awtput No. 3 : Tulang Liriko – Marchloe Shaun C.

Manalo

Boses Ng Kabataan
By: Marchloe Shaun C. Manalo

Kabataan ang pag-asa ng bayan

Bayang sinilangan, pag-asa'y kabataan
Kabataang bukas ang isipan, lakas ng loob ay laging nariyan
Para sa bayang kailanma'y hindi nawalan ng suliranin

Korapsyon, kahirapan
Patayan, katrayduran
Pagpapahirap, kawalan ng hustisya
Rehimeng pasista!

Alam mo na, na ang bayang ito'y hindi matatapos ang pagdurusa kung hindi ka
tatayo't iparirinig ang pusong nag-aalab at isipang naghihimagsik
Tumindig na parang isang tunay na makabayan
Ipaglaban hanggang patayan ang karapatan.

Ika nga; hindi pagdurusa ang pagdaan sa napakatinding pasakit

Para kang tumanggap ng basbas, parang pag-ibig.
Hindi lamang sa pisikal na pakikipaglaban nasusukat ang aking kakayahan,
kundi pati sa pagboses para sa buong sambayan.