Pangalan ng Mag-aaral:______________________________ Baitang/Pangkat:_______________

Guro:_____________________________________________ Petsa ng Pagpasa:_____________

I. SUSING KONSEPTO:

KAKAYAHANG DISKORSAL
hayag
pagpapa
ng
paraan
g
anuman
o
g-usap
an,
gtalastas
pakikipa
sa
tungkol
paksa.
isang
ideya
Kakayahang Pagppapahaba
Diskorsal: ng Pangungusap
Pakikipagtalastasan,
pakikipag-usap o
Pagtataya ng
anumang paraan ng
Kakayahang
pagpapahayag ng Pangkomunatibo
ideya tungkol sa
isang paksa.

Teksto at
Konteksto ng
Diskurso

https://www.kissclipart.com/human-behavior-clipart-clip-art-ee6rzu/

K1_LP7
RO_Filipino_SHS_KOM_K2_LP6 1
 II. KASANAYANG PAMPAGKATUTO

Sa pagtatapos ng gawaing pagkatutong ito, ikaw ay inaasahang:

1. Nahihinuha ang layunin ng kausap batay sa paggamit ng mga salita at

paraan ng pagsasalita; (F11WG-IIf-88)
2. Nakabubuo ng mga kritikal na sanaysay ukol sa iba’t ibang paraan ng
paggamit ng wika ng iba’t ibang grupong sosyal at kultural sa Pilipinas.
(F11EP-IIf-34)

Sa pagkakataong ito, batid kong sabik ka na sa mga gawain

kaya, ihanda ang iyong talento’t kakayahan sa pagsasagawa
ng mga inihandang gawain sa ibaba.
Handa ka na ba? Simulan mo na!

III. MGA GAWAIN

Panimulang Pagsubok

A. Panuto: Tukuyin kung ang mga sumusunod na pahayag ay Tama o Mali. Ipaliwanag sa
isa hanggang dalawang pangungusap kung bakit ito ang iyong kasagutan. Isulat ang
iyong sagot sa hiwalay na papel, o notbuk.

_____ 1. Nakakahawang sakit ang COVID 19.

_____ 2. Maaaring mahawa ng COVID kung hindi ka magsusuot ng facemask o kaya’y
dumistansiya sa ibang tao.
_____ 3. Ang mga sintomas ng COVID ay pagkawala ng panlasa, paninikip ng dibdib at walang
pang-amoy.
_____ 4. Talamak ang sakit na ito sa kontinente lamang ng Asya.
_____ 5. Wala pang lunas sa COVID, subalit mayroon nang bakuna na magsisilbing immune
booster upang hindi mahawaan nito.
_____ 6. Kung nakararamdam ng alinmang sintomas, agad itong ipaalam sa doktor upang
malaman kung positibo ka nga sa sakit at nang hindi makahawa pa sa ibang tao.
_____ 7. Mahalagang maibigay ang helath information checklist ng mga pasaherong bumiyahe
sa loob at labas ng Pilipinas.
_____ 8. Hindi nararapat na maibukod sa ibang tao ang sinumang kakikitaan ng sintomas ng
COVID
_____ 9. Sumunod sa mga protocol na ipinatutupad ng IATF
_____ 10. Kung ika’y nahawaan ng sakit, agad itong ibahagi sa Social Media tulad ng facebook.

B. Basahin at unawain ang mga pahayag. Tukuyin kung anong uri ng diskurso ang ginamit
sa pahayag (Paglalarawan, Pagsasalaysay, Paglalahad, Pangangatwiran). Isulat sa
hiwalay na papel ang iyong sagot.

K1_LP7
2
RO_Filipino_SHS_KOM_K2_LP6
 1. Nagbibbigay-tulong sa tao upang bumuo ng larawan sa kanyang isipan na
magbibigay-daan upang mapalawak nito ang kanyang pagigingmalikhain.
2. Nabibigyan ng pagkakataon ang isang tao na isalaysay ang kanyang mga karanasan
mabuti man o masama upang maipabatid ito sa ibang tao.
3. Isang diskursong nagpapaliwanag ng mga kaganapan maging sa nakaraan o
kasalukuyang pangyayari. Sa pagsasalaysay nabibigyan ng pagkakataon ang isang
tao na isalaysay ang kanyang mga karanasan mabuti man o masama upang
maipabatid ito sa ibang tao.
4. Sa diskursong ito magagawa ng tao na makabuo ng kanyang sariling imbensyon kung
ang nakabasa ay isang imbentor, pamamaraan sa pagtuturo kung ito naman ay isang
guro at marami pang iba.
5. Isang diskurso na dapat ay makahikayat ng mambabasa o tagapakinig tungkol sa
ipinaglalabang isyu o kahit anong argumento.

BASAHIN MO…

KAKAYAHANG DISKORSAL
DISKURSO
2
➢ Tumutukoy sa pakikipagtalastasan, pakikipag-usap o anumang paraan ng
pagpapahayag ng ideya tungkol sa isang paksa.
➢ Ayon kay Webster (1974) isang salitang diskurso ay may iba’t ibang depinisyon. Ayon
sa kanya, ang diskurso ay tumutukoy sa berbal na komunikasyon tulad ng
kumbersasyon. Maaari rin daw itong isang pormal at sistematikong eksaminasyon ng
isang paksa, pasalita man o pasulat tulad halimbawa ng disertasyon.
➢ Samakatuwid, masasabing ang diskurso ay isang anyo ng pagpapahayag ng ideya
hinggil sa isang paksa. Masasabi rin, kung gayon, na ang diskurso ay sinonimus sa
komunikasyon.
DALAWANG ANYO NG DISKURSO
1. Pasalita
Karaniwang magkaharap ang participant kung kaya’t bukod sa kahalagahan ng
mga salitang sinasambit, pinagtutuunan din ng bawat kasapi ang ibang sangkap ng
komunikasyon. Mahalaga ang kakayahang pangwika sa pakikipag-usap ngunit minsan
ay naaapektuhan ang kahulugan kung hindi bibigyang-pansin ang kalagayang sosyal
habang nagaganap ang diskurso kung kaya’t mahalaga rin ang kakayahang
komunikatibo. Dapat na iangkop ang sasabihin sa panahon, sa lugar at maging sa taong
kausap upang makamit ang layunin.
Halimbawa:

K1_LP7
RO_Filipino_SHS_KOM_K2_LP6 3
 Paraan ng pagbigkas, tono, diin, kilos, kumpas ng kamay, tinig, tindig at iba pang salik ng
pakikipagtalastasan na maaaring makapagpabago sa kahulugan ng mensahe

2. Pasulat
Mas nakatuon ang atensyon ng nagsusulat sa kanyang kakayahang pangwika
upang matiyak na malinaw niyang maipapahayag sa kanyang isinulat ang kanyang mensahe
dahil maaaring maging iba ang pagkaunawa ng tatanggap nito. Ngunit sa pagsulat, mayroon
ding mga salik na dapat isaaalang-alang tulad ng anyo ng sulatin o format, uri ng papel at
iba pa. Mahalagang wasto ang gramatika dahil ito ay nakasulat at mayroong ebidensya
ng teksto kaya’t maaaring ikapahiya o di kaya ay maging ugat ng gulo.
Higit na pag-iingat ang isinasagawa ng isang manunulat. Sa sandaling ang
mensaheng nakapaloob sa isang sinulat na diskurso ay nakarating sa tatanggap at ito’y
kanyang nabasa, hindi na maaaring baguhin ng manunulat ang kaniyang sinulat.
Nagbabago ang anyo at pamamaraan ng diskurso maging ang daloy nito depende
sa konteksto ng diskurso Ang konteksto ay tumutukoy sa oras, espasyo at maging ang
taongkasangkot sa diskurso. Dahil dito, ang konteksto ng diskurso ay nararapat na pagtuonan
din ng pansin dahil maaaring makaapekto ito di lamang sa daloy ng komunikasyon
kundi maging ng kalalabasan nito.

DALAWANG KARANIWANG URI NG KAKAYAHANG DISKORSAL

1. Kakayahang Tekstuwal
Kahusayan ng isang indibidwal sa pagbasa at pag-unawa ng iba’t ibang teksto
gaya ng mga akdang pampanitikan, gabay instruksyunal, transkripsyon, at iba pang
pasulat na komunikasyon.
2. Kakayahang Retorikal
Tumutukoy sa kahusayan sa isang indibidwal na makibahagi sa kumbersyon. Ito
ang kakayahang unawain ang iba’t ibang tagapagsalita at makapagbigay ng pananaw at
opinyon.
DALAWANG BAGAY NA DAPAT ISAALANG-ALANG SA KAKAYAHANG DISKORSAL

KOHISYON
Ang kohisyon, ayon kina Halliday at Hassan (1976) ay tumutukoy sa ugnayan
ng kahulugan sa loob ng teksto. Maituturing na may kohisyon ng mga pahayag kung ang
interpretasyon ng isang pahayag ay nakadepende sa isa pang pahayag.
Halimbawa:
Maraming pagbabago sa pakikisama ni Sarah.Naging madalas na ang kanyang
pagdalo sa mga gawain sa komunidad.Napapadalas na rin ang pagboboluntaryo niya
upang manguna sa mga gawain.

K1_LP7
4
RO_Filipino_SHS_KOM_K2_LP6
 Masasabing may kohisyon ang mga ito sapagkat may mga elementong nag-uugnay sa
bawat pahayag. Tinatawag itong cohesive links. Sa halimbawang ito, ito ay ang mga panghalip
na ginagamit upang iugnay sa pangangalang Sarah (Sarah-kanyang (ng)-niya).

Sa kabilang banda, maaari rin namang semantiko ang pag-uugnay.

Halimbawa:
Magara ang sasakyan. Politiko ang may-ari.

Kahit walang leksikal na kohisyon tulad nang sa una, may koneksyon pa rin ang
dalawang pahayag dahil sa relasyong semantiko ng mga ito. Ang pagiging politiko ng may-ari
ng sasakyan ay nagbibigay sa kanya ng kakayahang makabili ng ganoong klaseng
sasakyan (magarang sasakayan). Tinatawag naman itong semantikong kohisyon.
KOHIRENS
Tumutukoy naman sa kaisahan ng lahat ng pahayag sa isang sentral na ideya. Dapat
malaman ng isang naggdidiskurso na may mga pahayag na may leksikal at semantikong
kohisyon ngunit walang kaisahan. Tunghayan ang isang halimbawa:
Maraming pagbabago sa pakikisama ni Sarah. Naging madalas na ang kanyang pagdalo
sa mga gawain sa komunidad. Napapadalas na rin ang pagboboluntaryo niya upang manguna
sa mga gawain. Si Sarah ay may asawa.

Kung tutuusin, may kaugnayang leksikal ang huling pahayag (Sarah-kanya(ng)-niya-

Sarah) sa lahat ng mga naunang pahayag dito, kung gayon ay kohisibo ito, subalit wala itong
kaisahan sa pinakatuon na mensahe ng pahayag-ang pagbabago sa pakikitungo ni Sarah.
Makikita kung gayon ang kawalan ng kohirens sa sitwasyong ito.
Ang kohirens ay hindi talaga nag-eeksist sa wika kundi sa mga taong gumagamit nito
(Yule, 2003). Nakadepende ang pagkakaroon ng kaisahan sa mga pahayag sa
persepsyon ng nakikinig o bumabasa ng diskurso. Sa pagtinging ito, inaasahang ang
pagdidiskurso ay maging maingat sa pagtatatag ng malinaw na kaisahan ng kahulugan
ng bawat niyang pahayag sa isang sentral na ideyang tinatalakay sa kanyang diskurso.
Ito ay upang maging madali ang pagganap ng nakikinig o bumabasa sa kahulugan ng
mga pahayag nito at hindi magkaroon ng taliwas o ibang persepsyon.
URI NG DISKURSO
1. Paglalarawan
Ang diskursong ito ay naglalarawan ng mga detalye tungkol sa isang tao, hayop,
bagay, lugar, pangyayari, at maging sa damdaming nararamdaman ng isang tao athayop.
Samakatuwid ang paglalarawang diskurso ay nagbibigay-tulong sa tao upang bumuo ng
larawan sa kanyang isipan na magbibigay-daan upang mapalawak nito ang kanyang pagiging
malikhain.
2. Pasalaysay
Isang diskursong nagpapaliwanag ng mga kaganapan maging sa nakaraan o
kasalukuyang pangyayari. Sa pagsasalaysay nabibigyan ng pagkakataon ang isang tao

K1_LP7
RO_Filipino_SHS_KOM_K2_LP6 5
 na isalaysay ang kanyang mga karanasan mabuti man o masama upang maipabatid ito
sa ibang tao. Sa pagsasalaysay, marapat lamang na maisaaalang-alang ang pagkakasunod-
sunod ng mga kaisipan. Dahil ang hindi pagsasaalang-alang sa pagkakasunod-sunod ng
kaisipan ay magdudulot ng pagkalito ng mambabasa o tagapakinig.
3. Paglalahad
Diskursong nagpapaliwang kung saan nagpapahayag ang isang tao ng mga ideya,
kaisipan at impormasyon na sakop ng kaniyang kaalaman na inihahayag sa isang
maayos at malinaw na pamamaraan upang maging daan sa pagkakaroon ng bago at dagdag
na kaalaman ng ibang tao.Dahil sa diskursong ito magagawa ng tao na makabuo ng
kanyang sariling imbensyon kung ang nakabasa ay isang imbentor, pamamaraan sa
pagtuturo kung ito naman ay isang guro at marami pang iba. Upang makapagbigay ng
epektibong paglalahad dapat maibigayng mabuti ang kahulugan ng iyong inilalahad, maayos
ang pag-iisa-isa ng impormasyon at maayos ang pagkakasunod-sunod maaring gawing
sikwensyal, kronolohikal at prosidyural ang pagkakasunod-sunod ng iyong nilalahad.
4. Pangangatwiran
Isang diskurso na dapat ay makahikayat ng mambabasa o tagapakinig tungkol sa
ipinaglalabang isyu o kahit anong argumento. Kailangan ang mapalawak na kaalaman sa
pinagtatalunang isyu at may kakayahang maiayos ang kaisipan upang magamit sa
pangangatwiran at nang ganoon ay mapanindigan ang kanyang argumento. Halimbawa nito
ay ang pagtatalo o debate.

PAGPAPAHABA NG PANGUNGUSAP

1. Pagpapahaba sa pamamagitan ng kataga—napahahaba ang pangungusap sa pamamagitan

ng mga katagang gaya ng pa, ba, naman, nga, pala at iba pa.
Halimbawa: May ulam pa? May ulam ba?
2. Pagpapahaba sa pamamagitan ng panuring---- napapahaba ang pangungusap sa tulong ng
mga panuring na na at ng.
Halimbawa: Siya ay anak. Siya ay anak na babae. Siya ay anak na bunsong babae.

a. Pagpapahaba sa pamamagitan ng komplemento--- napapahaba ang pangungusap sa

pamamagitan ng komplemento o ang Bahagi ng panaguri na nagbibigay ng Kahulugan sa
pandiwa. Ang iba’t ibang uri ng komplemento ng pandiwa ay tagaganap, tagatanggap,
ganapan, dahilan o sanhi, layon at kagamitan.

b. Komplementong tagaganap--- isinasaad ang gumagawa ng kilos. Pinangungunahan ng

panandang ng, ni, at panghalip.
Halimbawa: Ibinalot ni Jay ang mga tiring pagkain.

c. Komplementong tagatanggap—isinasaad kung sino ang nakinabang sa kilos,

Pinangunahan ng mga pang-ukol na para sa, para kay, at para kina.
Halimbawa: Naghahanda ng regalo si Thea para sa kaniyang kapatid.

K1_LP7
RO_Filipino_SHS_KOM_K2_LP6 6
 d. Komplementong ganapan--- isinasaad ang pinangyarihan ng kilos. Pinangunahan ng
panandang sa at mga panghalili nito.

Halimbawa: Namalagi sila sa evacuation area.

e. Komplementomg sanhi—isinasaad ang dahilan ng pangyayari o ng kilos. Pinangunahan ng
panandang dahil sa o kay at mga panghalili niyo.

Halimbawa: Nabaon sa utang si Delia dahil sa pagkakalulong sa sugal.

f. Komplementong layon--- isinasaad ang bagay na ipinahahayag ng pandiwa.

Pinangungunahan ng panandang ng.

Halimbawa: Regular na umiinom ng gamot ang aking lola.

g. Komplementong Kagamitan—isinasaad nito ang instrumentong ginamit upang
maisakatuparan ang kilos. Pinangungunahan ng pariralang sa pamamagitan ng at mga
panghalili nito.
Halimbawa: Sa pamamagitan ng Internet, napapabilis ang pagkuha ng impormasyon.
3. Pagpapahaba sa pamamagitan ng pagtatambal--- napagtatambal ang dalawang payak na
pangungusap sapamamagitan ng mga pangatnig na at, ngunit, datapwat, subalit, saka, at iba
pa. Ang mabubuong pangungusap ay Tinatawag na tambalang pangungusap.

Halimbawa:Nagtatrabaho sa pabrika ang kaniyang tatay at nagtitinda sa palengke ang

kaniyang nanay.

ANIM NA PAMANTAYAN SA PAGTATAYA NG KAKAYAHANG PANGKOMUNIKATIBO

Ang kakayahang komunikatibo ay sinusukat nang sama-sama at hindi isa-isa. Hindi

maaaring sabihing ikaw ay may kakayahang pragmatic ngunit walang kakayahang
sosyolingguwistiko o kaya naman may kakayahang diskorsal pero walang kakayahang
lingguwistiko. Dapat tandaan na ang isang taong may kakayahan sa wika ay dapat magtaglay
hindi lang ng kaalaman tungkol dito kundi ng kahusayan, kasanayan, at galing sa paggamit ng
wikang angkop sa mga sitwasyong pangkomunikatibo (Bagari, et. al. 2007).
Anim na pamantayan ayon kina Canary at Cody (2000)
1. Pakikibagay (Adaptability)
Kakayahang mabago ang pag-uugali at layunin upang maisakatuparan ang pakikipag-
ugnayan.

Makikita ang kakayahang ito sa sumusunod:

a. pagsali sa iba’t ibang interaksiyong sosyal
b. pagpapakita ng pagiging kalmado sa pakikisalamuha sa iba
c. kakayahang ipakita ang kaalaman sa pamamagitan ng wika
d. kakayahang magpatawa habang nakikisalamuha sa iba

2. Paglahok sa Pag-uusap (Conversational Involvement)

Kakayahan ng isang taong gamitin ang kaalaman tungkol sa anumang paksa sa
pakikisalamuha sa iba.

K1_LP7
RO_Filipino_SHS_KOM_K2_LP6 7
 Makikita ito kung taglay ang sumusunod:

a. kakayahang tumugon
b. kakayahang makaramdam kung ano ang tingin sa kanya ng ibang tao
c. kakayahang making at mag-pokus sa kausap

3. Pamamahala sa Pag-uusap (Conversational Management)

Kakayahan ng isang taong pamahalaan ang pag-uusap, nakokontrol nito ang daloy ng
usapan at kung paanong ang mga paksa ay nagpapatuloy at naiiba.

4. Pagkapukaw-damdamin (Empathy)
Pagpapakita ng kakayahang mailagay ang damdamin sa katauhan ng ibang tao at pag-
iisip ng posibleng mangyari o maranasan kung ikaw ay nasa kalagayan ng isang tao o
samahan.

5. Bisa (Effectiveness)
Kakayahang mag-isip kung ang kanyang pakikipag-usap ay epektibo at nauunawan.

6. Kaangkupan (Appropriateness)
Kakayahan ng isang taong maiangkop ang wika sa sitwasyon, sa lugar ng
pinagyayarihan ng pag-uusap, o sa taong kausap.

Sipi mula kay: Dayag, A.M., Pinagyamang Pluma Komunikasyon at Pananaliksik sa Wika at
Kulturang Pilipino. Phoenix Publishing House (2016)

GAWAIN 1

Panuto: Basahin at unawaing maigi ang usapan ng magkaibigan sa ibaba. Ipaliwanag ang
nais ipahiwatig ng dalawang nag-uusap sa tatlo (3) at higit pang talata. Gumamit ng mga
pananda o salita sa pagpapalawak ng pangungusap at salungguhitan ang mga ito.

“Masaya ako ‘pagkat marami nang

bakuna ang dumating at patuloy na
ibinabahagi sa buong Pilipinas.
Mayroong Sinovac, AstraZeneca,
Janssen, Pfizer at Moderna. Sa
tingin mo, handa ka bang
mabakunahan kahit na tayo’y nasa
12-17 taong gulang pa lamang?”
"Malaking bagay itong puwede nang
bakunahan tayong mga kabataan
sapagkat marami na ring kabataan ang
tinamaan ng severe na kaso ng COVID
19. Makatutulong din ito upang
magkaroon tayo ng proteksyon laban
sa virus at gayundin ay mabawasan
ang kaso ng nasabing sakit sa ating
bansa. Kaya, magpabakuna na tayo.”

K1_LP7
RO_Filipino_SHS_KOM_K2_LP6 8
 GAWAIN 2

Panuto: Pahabain ang sumusunod na pahayag gamit ang mga paraan sa pagpapahaba ng
pangungusap ayon sa mga nakalahad at mga halimbawa.

1. Maganda ang Pilipinas……

2. Ihanda mo ang iyong sarili…..
3. Nakikita na ang kaunlaran sa timog Silangang Asya…
4. Dumating ang Pangulo….
5. Mahuhusay ang mga Pilipino….
6. Suportahan ang isapang pangkapayapaan….
7. Paglingkuran ang sambayanan…..
8. Bumili ang pamahalaan….
9. Mamumuhunan ang mga dayuhang negosyante…..
10. Ipaglaban ang kalayaan…..

GAWAIN 3

Panuto: Bumuo ng diskurso tungkol sa mga paksa na nakatala sa ibaba. Isulat sa kahon
ang iyong kasagutan.

1. Pagdiriwang ng Araw ng mga Guro

Pagsasalaysay

2. Ang mga katangian ko bilang Pilipinong mag-aaral

Paglalarawan

3. Bakuna laban sa COVID 19

Pangangatwiran

K1_LP7
RO_Filipino_SHS_KOM_K2_LP6 9
 PANAPOS NA GAWAIN

Panuto: Pumili ng isa sa mga paksang-usapin sa ibaba at bumuo ng isang sanaysay. Isulat
ang sanaysay sa isang buong papel. Buoin ang sanaysay ng hindi bababa sa dalawampong
(20) pangungusap. Gawing batayan sa paglikha ng iyong gawain ang rubriks sa pahina 11.
1. Halalan 2022
2. Pagbabalik ng face-to-face na pagtuturo at pagkatuto
3. Pagbabakuna sa kabataan edad 12-17

Binabati kita! Ang galing mo! Natapos mo

na ang lahat ng gawain at pagsasanay.
Hanggang sa muli! Magandang araw.

IV. RUBRIK SA PAGPUPUNTOS

Rubriks sa paggawa ng Sanaysay (Panapos na Gawain)
PAMANTAYAN PUNTOS
Nilalaman
Kaugnay na paksa 20% 50
Kalinawan sa paglalahad 20%
Orihinalidad 10%
Organisasyon
Kaisahan 10% 30
Pagkakaugnay 10%
Diin 10%
Mekaniks
Wastong gamit ng salita 5% 20
Bantas 5%
Baybay 5%
Pagpili ng mga wastong salita 5%
KABUOAN 100%

V. REPLEKSIYON
1. Bakit mahalagang pag-aralan o talakayin ang Kakayahang Diskorsal?
2. Bilang mag-aaral, paano makatutulong ang mga natalakay na aralin sa pagbabahgi ng iyong
saloobin o kuro-kuro tungkol sa mga usaping panlipunan?

K1_LP7
RO_Filipino_SHS_KOM_K2_LP6 10
 VI. SUSI SA PAGWAWASTO
GAWAIN 1
PANIMULANG PAGSUBOK Nasa guro ang desisyon sa
pagmamarka
A.
1. Tama 6. Tama GAWAIN 2
2. Tama 7. Tama
3. Tama 8. Mali
Nasa guro ang desisyon sa
4. Mali 9. Tama pagmamarka
5. Tama 10. Mali
GAWAIN 3
B. Nasa guro ang desisyon sa
1. Paglalarawan pagmamarka
2. Pagsasalaysay GAWAIN 4
3. Paglalahad
4. Paglalahad Gamitin ang Rubriks sa
5. Pangangatwiran pagmamarka
A

- B

-
VII. SANGGUNIAN D
PANAPOS NA GAWAIN
- B
Aklat: Gamit
- C
ang Rubrik

Alma M. Dayag at Mary Grace G. Del Rosario.- Pinagyamang

C
Pluma (2017) Phoenix
Publishing House, INC. - C
Arrogante, Jose A. et al. Sining ng Komunikasyon
- D sa Akademikong Filipino. (2009)
National Book Store. Mandaluyong City 1550.
- A

- B
Website:
“Rubric sa paggawa ng Sanaysay”
https://www.scribd.com/doc/83496714/Rubric-Sa-Paggawa-Ng-Slogan.
Modyul
Kagawaran ng Edukasyon: Self Learning Modules (2020).Filipino 11: Komunikasyon at
Pananaliksik sa Wika at Kulturang Pilipino. Kagawaran ng Edukasyon - Sangay ng
Misamis Oriental

Inihanda ni: Editor:

DARWIN C. BAJAR, Aroroy NHS JORDINITO ARROGANCIA, Mababangbaybay NHS

K1_LP7
RO_Filipino_SHS_KOM_K2_LP6