1. Paano mailalarawan ang iyong naging karanasan sa paggawa ng
pananaliksik sa Senior High School? Paano mauulit ang iyong mabubuting karanasan at paano maiiwasan ang mga hindi mabubuting karanasan?
Determinasyon at Pagtutulungan. Sa kabila ng tambak naming mga gawain,
napakahalaga na mayroong determinasyon ang bawat isa sa pangkat pagdating sa paggawa ng pananaliksik. Ang determinasyon ay isa sa aspetong naging daan ng aming pangkat pagdating sa paggawa ng pananaliksik. Isa sa naging mabuting karanasan ko sa paggawa ng pananaliksik noong ako'y senior high student pa lamang ay ang pagtutulungan ng bawat isa sa paggawa ng pananaliksik mula simula hanggang wakas. Gayunpaman, isa sa hindi mabuting aking naging karanasan ay ang hindi pagiging mahusay sa pagsagot ng mga katanungan patungkol sa pananaliksik na aming ginawa. Bilang estudyante, naniniwala ako na ang karanasan na ito ay magiging mabuting aral para sa'kin.
2. Ano-ano ang mga batayang kasanayag kailangan sa pananaliksik? Paano
matagumpay na maisasagawa ang bawat isa?
Ang mga batayang kasanayang kailangan sa pananaliksik ay ang mga
sumusunod: Paghanap ng mga sanggunian, pagpili ng batis ng sanggunian, pagbabalangkas, at pagbuo ng konseptong papel. Pagdating sa paghahanap ng sanggunian, napakahalagang ma-akma ang uri ng impormasyong ating gagamitin sa paksang nais nating talakayin. Gayundin, napakahalaga na sapat ang dami ng impormasyon nang sa gayon ay magkaroon tayo ng sapat na kaalaman patungkol sa paksang tatalakayin. Pagdating naman sa pagpili ng batis ng sanggunian, dapat ay alam natin kung ang sanggunian ay pinagmumulan ng raw data, ulat pampananaliksik base sa raw data, o mga aklat at artikulo base sa raw data at iba't ibang mga ulat pampananaliksik. Sumunod ay ang pagbabalangkas, dito dapat ay mayroon tayong kakayahang magbuo ng sistematikong paghahanay ng iba't ibang ideya. Sa pamamagitan nito, mas magiging maayos ang daloy ng mga ideya at impormasyon sa ating panananaliksik. Panghuli, ay ang pagbuo ng konseptong papel, napakahalaga na mayroon tayong kakayanang magsaad ng pangkalahatang balak o plano sa isasagawa nating pananaliksik gaya ng pagsagot sa katanungang "Ano ang layunin ng isasagawa niyong pananaliksik?" at kung ano ang pamamaraan o metodolohiya ng isinagawang pananaliksik.