III. Bakit mahalagang pag-aralan at balikan ang pinagmulan ng wika?
Panno ito makakatulong sa intelektwalisasyon ng wikang Filipino?
Mahalagang pag-aralan natin at balikan ang pinagmulan ng ating wika dahil sa
pamamagitan nito ay ating maintindihan at matutukoy kung saan at ano ang pinagmulan ng wikang ating ginagamit sa pang-araw-araw na buhay. Isa pa ay matutukoy natin ang mga dahilan ng pinagmulan ng mga ideya, impormasyon at kaalaman na nauugnay sa ating wikang ginagamit sa panahon ngayon. Sa pamamagitan ng pag-alam sa pinagmulan ng ating wika ay magkakaroon tayo ng kaalaman kung paano nabuo ang mga salitang ating ginagamit. Higit pa ay ating maiintindihan kung paano ito naging sagisag ng wika. Ang kasaysayan ng ating wika ngayon ang nagsisilbing pundasyon ng kasalukuyang wika ngayon. Bilang paggalang at pagrespeto sa ating pinagmulan ay mahalaga ang pagbabalik tanaw sa pagkakakilanlan ng ating wika. Ayon nga kay Rizal na ang hindi marunong lumingon sa pinanggalingan ay hindi makakarating sa paroroonan, napatunayan dito ang pagiging marespeto at makabayan ng isang indibidwal sa kasaysayan ng ating wika. Sa pag-aaral at pagbabalik tanaw sa pinagmulan ng ating wika ay ating natutukoy kung ano ang maaari pang maitaas. Kung ano ang dapat na isailalim sa proseso upang ang wikang di pa intelektwalisado nang ay maitaas at mailagay sa antas na intelektwalisado nang sa gayoy mabisang magamit sa mga sopistikadong lawak ng karunungan. Magiging mas mabisa ang wikang intelektwalisado hindi lamang bilang wika ng tahanan, wika ng lansangan, wika ng malikhaing panitikan kundi bilang wika rin ng agham, teknolohiya at ng iba pang teknikal at mataas na antas ng karunungan. Kung hindi rin dahil sa mga dating gamit ng wika ay hindi magkakaroon ng pag- usbong ng mga panibagong wika ngayon. Maaring hindi magiging ganito kaunlad at kalawak ang ating wika sa kasalukuyan kung hindi dahil sa kasaysayan ng atig wika. Kinakailangan na dapat ay balikan ang kasaysayan ng ating wika dahil maaari rin mapagkuhaan ito ng inobasyon hindi lang sa pakikipagkomunikasyon.