Professional Documents
Culture Documents
მავნებლები 1
მავნებლები 1
დასახელება-ლივორქნული სფინქსი
კვების ტიპი-
გამრავლება-ლივორნული სფინქსი
ზამთრობს ჭუპრის სახით ნიადაგში.
ჭუპრიდან პეპლების გამოფრენა ხდება
მაის-ივნისის პირველ რიცხვებში. კვერცხისდება იწყება 2-3 დღის შემდეგ
ფოთლის ქვედა მხარეს, ფოთლის ყუნწზე ან ნიადაგზე.
მწერი თუ ტკიპა-მწერი
დაზიანების სიმპტომები-მასობრივი გამრავლების წლებში მისი
მიზეზით ვაზი ზოგჯერ სრულიად უფოთლოდ რჩება და ყურძენი ვეღარ
მწიფდება.
რას აზიანებს- სფინქსი, ძირითადად, ფოთლებს, ყლორტებსა და კოკრებს
აზიანებს. მატლები ზოგჯერ ყუნწიან-რბილობიანად მთლიანად ჭამენ
ფოთოლს.
ბრძოლის ღონისძიებები: ლივორნული სფინქსის I და II ხნოვანების
მატლების წინააღმდეგ ბრძოლა ტარდება ქიმიური მეთოდით, შეიძლება
გამოყენებულ იქნეს 0,2%-იანი ბი-58 ახალი, ან 0,02%-იანი ფასტაკი, ან
0,04%-იანი კარატე ზეონი, ან 0,15%-იანი აქტელიკის სამუშაო ნაზავი.
პირველი წამლობა უნდა ჩატარდეს მაისის შუა რიცხვებში, ხოლო მეორე
წამლობა, საჭიროების შემთხვევაში, აგვისტოს დასაწყისში.
დასახელება-ბუკნა ანუ კვირტის ჭია
კვების ტიპი-პოლიფაგი
გამრავლება-პოლიფაგი
მწერი თუ ტკიპა-მწერი
დაზიანების სიმპტომები-დაზიანებულ კვირტს გარედან წითელი
ხვრელი ემჩნევა. მთლიანი გამოღრღნის შემდეგ გადადის სხვა
კვირტებზე დაიწყებს ხელახალ დაზიანებას. მისი მასობრივი
გამრავლებისას ვენახში 50%-მდე კვირტი ზიანდება.
რას აზიანებს- როგორც ევროპულ, ისე ამერიკულ ვაზს აზიანებს–
იკვებება მათი კვირტებითა და ფოთლებით. კერძოდ, კვირტს გარედან
აზიანებს, შემდეგ კი შიგ შედის. ზამთრობს მატლის ფაზაში, როგორც
ვაზის მიწისზედა ცოცხალ ვეგეტატიურ ორგანოებზე (ვაზის შტამბზე,
რქაში), ისე–საყრდენების ქერქის დამსკდარ და დამპალ ადგილებში.
ახალ გამოჩეკილი მატლები ერთი დღე იქვერჩებიან, შემდეგ კი
ფოთლებზე გადადიან და ცალ-ცალკე ცხოვრებას იწყებენ.
ბრძოლის ღონისძიებები: ბუკნას წინააღმდეგ ბრძოლა ტარდება ქიმიური
მეთოდით, გამოიყენება რომელიმე ფოსფორორგანულიან
პირეტროიდული პრეპარატებით(ფასტაკი, კარატე) წამლობა. შესხურება
წარმოებს ყველამხრიდან, რათა სამუშაო ნაზავით მთლიანად დაიფაროს
კვირტები და ფოთლები. უნდა ვეცადოთ, ფოთლის ქვედა მხარე კარგად
დასველდეს, რადგან ბუკნას მატლები უმეტეს შემთხვევაში ამ მხარეს
სხედან. პირველი წამლობა ტარდება კვირტების დაბერვის დასაწყისში,
მარტის ბოლოს ან აპრილის შუა რიცხვებში, მეორე წამლობა–კვირტების
გაშლის დამთავრებისთანავე, მესამე–ივლისში, როდესაც ბუკნას ახალი
თაობის მატლები გამოიჩეკება.
დასახელება-ყურძნის ჭია
კვების ტიპი-
გამრავლება-
მწერი თუ ტკიპა-მწერი
დაზიანების სიმპტომები-პირველი გენერაციის მატლი
ყვავილედებს აზიანებს, მათ წვრილი აბლაბუდის
ქსელში ახვევს. დაყვავილების შემდეგ მატლი ახალგამონასკვულ
ნაყოფსაც ახვევს აბლაბუდის ქსელში და იკვებება.
რას აზიანებს- აზიანებს ყვავილობის და სიმწიფის პერიოდში.ის ერთი
მარცვლიდან მეორეზე გადადის, ზოგჯერ მთელ მტევანს აზიანებს.
ძლიერ დაზიანებული მარცვალი ცვივა, ნაწილობრივ დაზიანებული
მარცვალი სიმწიფეს კი აღწევს, მასზე სოკოვანი ორგანიზმები
სახლდებიან და ალპობენ, რაშიც გამოიხატება ჭიის მეორადი
მავნებლობაც. უნდა აღინიშნოს, რომ მავნებლის ძლიერი გავრცელების
შემთხვევაში მოსავლის 50-60% იღუპება.
ბრძოლის ღონისძიებები: ვაზის დროულად გაფურჩქვნა, რადგან ამ
პირობებში მავნებლის კვერცხების დიდი ნაწილი მზის პირდაპირი
სხივებსგან იღუპება.
ქიმიური პრეპარატებიდან გამოიყენება 0,03-0,04%-იანი
პირეტროიდული პრეპარატები (ფასტაკი, კარატე, კარატე ზეონი).
ბიოლოგიური პრეპარატებიდან კარგ შედეგს იძლევა 1%-იანი
ბიტოქსიბაცილინი ან ლეპიდოციდი. პირველი წამლობა ტარდება მაშინ,
როდესაც მტევნები კოკრებშია, მეორე – ყვავილობის
დამთავრებისთანავე, მესამე კი – სიმწიფის წინ, მარცვლების
შეთვალებისას. კარგ შედეგს იძლევა ფერომონიანი მჭერების
გამოყენებაც.
აგროტექნიკური მეთოდი ყლორტების აკვრა, ზედმეტი ამო-ნაყრებისა
და ნამხრევების შეცლა, სარეველასთან ბრძოლამ ტევნების ზონაში. რის
შედეგად მტევნების განათება და განიავება უმჯობესდება. მზის
სხივებით განათებულ მტევნებზე ყურძნის ჭიის კვერცხების
რაოდენობის 60-75% იღუპება. ვაზებს, რომლებსაც მწვანე ოპერაცია
ჩაუტარდა, წვიმა და ქარი ადვილად ხოცავს მავნებლის ადრე გამოჩეკილ,
ანუ მოხეტიალე მატლებს.
ფიზიკურ-მექანიკური ღონისძიება ეს ღონისძიება შედარებით
შრომატევადია, აუცილებელია შტამბისა და ძველი ქერქის ჩამოფხეკა,
ანაფხეკის და ანასხლავის ვენახიდან გატანა და დაწვა, ამ ღონისძიების
გატარებით ყურძნის ჭია 80 -90%-ით მცირდება.
დასახელება-ვაზის ფქვილისებრი ცრუფარიანა
კვების ტიპი-
გამრავლება-
მწერი თუ ტკიპა-მწერი
დაზიანების სიმპტომები-დაზიანებული
ფოთოლი ყვითლდება, მტევნები ჭკნება და
ცვივა. ვაზი თანდათან კნინდება და ხმება.
ვაზის ფქვილისებრი ცრუფარიანა
გამონაყოფზე სახლდებიან სოკოები კაპნოდიუმის გვარიდან და ფარავენ
შავი მურით, რაც უაყოფითად მოქმედებს ყურძნის, შემდეგ ღვინის
ხარისხეზე.
რას აზიანებს- მიწისზედა ყველა ორგანოს აზიანებს, განსაკუთრებით
ფოთლებს, რომლებსაც წუწნის.
ბრძოლის ღონისძიებები: მათ რიცხოვნობაზე უარყოფითად მოქმედებს
ზამთრის ყინვები, ხოლო უფრო მეტად – ზაფხულის პირობებში
პარაზიტი და მტაცებელი მწერები, რომლებიც მათ ანადგურებენ,
ზოგჯერ 80%-ით. მავნებლის გავრცელებას ხელს უწყობს ქარები, სანერგე
მასალისა და ყურძნის ტრანსპორტირება.
ქიმიური მეთოდი- პრეპარატებით შეწამვლა-მტევნებზე და ფოთლებზე
ორჯერ შესხურება. შესხურებისას მავნებელი გულდასმით უნდა
დასველდეს, წინააღმდეგ შემთხვევაში პესტიციდი მასზე არ იმოქმედებს.
ფოთლებზე ცრუფარიანების დასახლებიდან გამომდინარე, შესხურება
ქვედა მხრიდან უნდა მოხდეს.
ბიოლოგიური კარგ შედეგს იძლევა მტაცებელი ხოჭო კრიპტოლემუსი,
რომელსაც საწარმოო ბიოლაბორატორიები საკმაო რაოდენობით
ამრავლებენ. ხოჭოები უნდა გავუშვათ აგვისტოს დასაწყისში – ჰექტარზე
10 ათასი ცალი.
დასახელება-ვაზის ბალიშ ცრუფარიანა
კვების ტიპი-
გამრავლება-
მწერი თუ ტკიპა-
დაზიანების სიმპტომები-
რას აზიანებს- იგი წუწნით აზიანებს მცენარის მიწისზედა
ორგანოებს, სახლდება რა ვაზის ფოთლის ორივე მხარეს, მტევნის
ყუნწზე და კლერტზე, ასევე მწვანე ყლორტებზე, პწკალზე. მავნეობით
ძალიან წააგავს ვაზის ფქვილისებრ ცრუფარიანას, მაგრამ მათ შორის
ერთი არსებითი განსხვავებაა: ის ერთწლიანი გენერაციით ხასიათდება.
ბრძოლის ღონისძიებები: ქიმიური მეთოდი-პრეპარატების შესხურება
ცრუფარიანების კვერცხებიდან მატლების მასობრივად გამოჩეკის
პერიოდში, ორჯერ, 7-10 დღის ინტერვალით. ეფექტურია
კვერცხისდების დროს მავნებლის მექანიკური გასრესაც.
დასახელება-აკაციის ცრუფარიანა
კვების ტიპი-პოლიფაგი
გამრავლება-
მწერი თუ ტკიპა-
დაზიანების სიმპტომები-მცირდება
ყურძნის ხარისხი, მასობრივი გავცელებისას ყლორტები, ფოთოლი და
კლერტი ჭკნება და ხმება, იღუპება მტევანიც.
რას აზიანებს- აზიენებს ნორჩ ყლორტებს, შტამბს, ფოთლებსა და
მტევნის კლერტებს, თან გამოყოფს ტკბილ წვენს, რაზეც სახლდებიან
სოკოები კაპნოდიუმის გვარიდან. ეს სოკო მრავლდება სწრაფად და
სქელი მურის სახით ეფინება ვაზის სხვადასხვა ორგანოს.
ბრძოლის ღონისძიებები: იგივეა რაც სხვა ცრუფარიანებზე.
დასახელება-ქლიავის ანუ ვაზის აბლაბუდიანი ტკიპა
კვების ტიპი-
გამრავლება-მისი მეზამთრეობიდან გამოსვლა ვაზის
კვირტების გაშლის ფაზას ემთხვევა.ისინი
ახალგამოსულ ფოთლებზე გადადიან და მაშინვე
იწყებენ კვებას და კვერცხისდებას. ტკიპები ჯერ ნორჩ
ფოთლებზე ზედა მხრიდან სხედან,ხოლო ფოთლების
ზრდასთან ერთად ისინი მის ქვედა მხარეს, ძირითადად,ძარღვების
გასწვრივ სახლდებიან.
მწერი თუ ტკიპა-ტკიპა
დაზიანების სიმპტომები-დაზიანებული ყლორტები შავდება და შემდეგ
ხმება.
რას აზიანებს- მავნებელი წუწნით აზიანებს ფოთლებს, კვირტებს,
ყლორტებს. დაზიანებული ფოთლები დეფორმირდება, ხმება და ცვივა.
ბრძოლის ღონისძიებები: : აბლაბუდიანი ტკიპას წინააღმდეგ კარგ
შედეგს იძლევა აკარიციდების გამოყენება,ის ფოთლებზე ქვედა
მხრიდან უნდა შესხურდეს კარგად. პირველი შესხურება ყლორტებზე 3-4
ფოთლის გამოტანისას ტარდება, მეორე – წამლობიდან 10 დღის შემდეგ.
დასახელება-მილმხვევი
კვების ტიპი-პოლიფაგი
გამრავლება-
მწერი თუ ტკიპა-მწერი
დაზიანების სიმპტომები-მილმხვევი ზამთრობს ნიადაგში, ხოჭოს სახით.
დაახლოებით აპრილში ხოჭო გამოდის მოზამთრეობიდან და იწყებს
კვებას ჯერ ახლად დაბერილი კვირტებით, ხოლო შემდეგ ფოთლებით.
ფოთლებს ხოჭო ახვევს, ფოთლის ყუნწის წინასწარ შემოღრღნით.
დახვეული ფოთოლი მალე მიწაზე ვარდება და ლპება, რაც შესანიშნავ
საკვებს წარმოადგენს ახლად გამოჩეკილი მატლებისათვის.
რას აზიანებს- ფოთლებს და კვირტებს.
ბრძოლის ღონისძიებები: აპრილ-მაისში ხოჭოები და სიგარისებურად
დახვეული ფოთლები უნდა შეგროვდეს და განადგურდეს - ვინაიდან
ვაზის მილმხვევი ნიადაგში ზედაპირულად იზამთრებს, შემოდგომით
ნიადაგი ვენახში ღრმად უნდა დამუშავდეს. ამ დროს ეს მავნებელი
ნიადაგის სიღრმეში აღმოჩნდება და იღუპება.
დასახელება-ვაზის ჭიჭინობელა
კვების ტიპი-
გამრავლება-კვერცხით
მწერი თუ ტკიპა-მწერი
დაზიანების სიმპტომები-მავნებლის მატლი,
ნიმფა და ზრდასრული ფორმები წუწნიან ვაზის ფოთლის ქვედა
მხრიდან, რის შედეგად მათზე ჩნდება მოთეთრო – წერტილოვანი
ლაქები. დაზიანების შედეგად ყლორტები მახინჯდება. ძლიერი
დაზიანების დროს ყლორტების ძირითადი მასა მოუმწიფებელია და
ზამთრის ყინვებს ვერ უძლებს.ჭიჭინობელას მიერ გამოყოფილ
ექსკრემენტებითა და გამონაცვალი კანით ისვრება ფოთოლი და
მტევნები. საგრძნობლად მცირდება ყურძნის მოსავალი და უარესდება
ხარისხი.ჭიჭინობელა კვერცხებს დებს მტევნის კლერტში, ყლორტის ქვეშ
და ფოთლებზე.
რას აზიანებს- ფოთლებს, ყლორტებს, მტევნებს.
დასახელება-დროზოფილა
კვების ტიპი-პოლიფაგი
გამრავლება-კვერცხებს დებს დახიანებულ ან
დაუცველ ხორცოვან ქსოვილში.
მწერი თუ ტკიპა-მწერი
რას აზიანებს- ამ მავნებელს მჟავე ლპობის ორგანიზმები, მტევანიდან
მტევანზე გადააქვს მთელ ვენახში.
დასახელება-თრიფსი
კვების ტიპი-პოლიფაგი
გამრავლება-პართოგენეზის გზით.
მწერი თუ ტკიპა-მწერი
დაზიანების სიმპტომები-ფოთოლი კარგავს მწვანე
ფერს და იფერება ვერხლისფერ/თეთრად.
თრიფსები პრობლემაა სათბურში.
რას აზიანებს- ფოთლებს, ყვავილედებს.
დასახელება-ანთრაქნოზი
კვების ტიპი-პოლიფაგი
გამრავლება-გაზაფხულზე თბილ და წვიმიან
ამინდში, 13-14℃ სითბოსა და 75-85% ტენის
პირობებში, იწყება ავადმყოფობის პირველი
ინფექცია, რომელიც ახალგაზრდა ყლორტების
დაავადებას იწვევს.
მწერი თუ ტკიპა-სოკოვანი დაავადება
დაზიანების სიმპტომები-ის ფოთლებზე წვრილ, მოწითალო არშიებით
შემოვლებულ ყავისფერ ლაქებს ქმნის. ძლიერი დაზიანების დროს
ლაქები ხმება, ფოთოლი იცხრილება. ყლორტებზე ეს ავადმყოფობა
ჩაღრმავებული მუქი ლაქების სახით წარმოიქმნება. ლაქები დიდდება და
ელიფსისებურ ან ოდნავ კუთხისებურ ფორმას იღებს. თუ ანთრაქნოზი
ყვავილობის პერიოდში განვითარდა,თანაყვავილედზე მოწითალო
ლაქები ჩნდება გარშემო შავი არშიებით. დაავადებული ყვავილები
მასობრივად იწყებს ცვენას. მარცვალზე ანთრაქნოზი აჩენს მრგვალ
ყავისფერ ან შავ ჩაზნექილ ლაქებს, წითელი არშიით. ლაქები ერთდება,
დიდდება. როცა ანთრაქნოზი მარცვალს ორივე მხარეს უჩნდება,
მარცვალი ხმება, ჭკნება და ცვივა.სოკო
რას აზიანებს- ანთრაქნოზით ავადდება ვაზის ფოთლები, ყლორტები,
თანაყვავილედები და მარცვლები.
ბრძოლის ღონისძიებები: საჭიროა, ფოთლების გამოჩენისთანავე
გამოვიყენოთ სპილენძშემცველი პრეპარატი, შემდგომი წამლობისას კი
ფუნგიციდები.
დასახელება-ვაზი ფუზარიოზი
კვების ტიპი-პოლიფაგი
გამრავლება-
მწერი თუ ტკიპა-სოკოვანი დაავადებაა
დაზიანების სიმპტომები-იგი ლერწის მექანიკურად
დაზიანებულ მკვდარ ქსოვილზე სახლდება, რომელიც კარგად მოჩანს
ლერწის განივ ირიბ ჭრილზე, შავი წერტილების სახით. ეს შავი
წერტილები ლერწის მკვდარ ქსოვილებს წარმოადგენს, რომელიც
ფუზარიოზის დასახლების გარეშე ადვილად ხორცდება.
რას აზიანებს- ფილოქსერგამძლე ვაზის ყველა ჯიშზე გვხვდება, უფრო
ხშირად ერთწლიან ნერგებზე და აჭრილი ლერწის შენახვისას
სათბურებში. საღი ლერწის ქსოვილზე ვერ სახლდება, დაზიანებულ
მკვდარ ქსოვილს ირჩევს.
ბრძოლის ღონისძიებები: ვერიდოთ მექანიკურად დაზიანებული
ლერწის შენახვას. საწყობში, სადაც ლერწი ინახება, წინასწარ უნდა
გაკეთდეს დეზინფექცია ფორმალინით და შეთეთრდეს. ლერწი,
რომელიც სილაში ინახებოდა წინა წლებში, საჭიროა, შეიცვალოს ახლით,
ვინაიდან მასში ფუზარიოზი შეიძლება ბუდობდეს.
დასახელება-ფომოფსისი
კვების ტიპი-პოლიფაგი
მწერი თუ ტკიპა-სოკოვანი დაავადება
დაზიანების სიმპტომები-დაავადებული
ყლორტები მუქდება, შავდება,
მუხლთაშორისები შემოკლებული და
კანი დამსკდარია, ულვაშები ზონაზე მეტად დახვეული და
გაშავებულია. დაავადებულ ყლორტებს აშკარად ემჩნევათ ნორმალური
განვითარებიდან გადახრა. როცა ყლორტებზე ლაქები ერთდება და
რკალად ეკვრება გარშემო, მაშინ იგი ხმება. ბევრ შემთხვევაში შავი
ლაქიანობა ყლორტებზე გარეგნული სიმპტომებით ბაქტერიული
კიბოთი დაავადებულსაც ჩამოჰგავს.
დაავადებულ ფოთლებზე წარმოიწმნება მუქი ყავისფერი, ხშირ
შემთხვევაშ გაბნეული შავი ლაქები. დაზიანების ადგილები სკდება,
ხმება დაცვივა.დაავადებული რქიდან დამზადებული საკალმე მასალა
შავი ლაქიანობის გავრცელების ძირითად წყაროს წარმოადგენს.
რას აზიანებს- ფომოფსისის დროს ავადდება ვაზის ყველა მიწისზედა
ორგანო: რქები, ყლორტები, ფოთლები, ულვაშები, ყვავილედები,
მტევნები.
ბრძოლის ღონისძიებები: იგივეა რაც ჭრაქის შემთხვევაში.