Јазикот е мускулен орган покриен со слузница.

Неговата анатомска структура се состои од врв

(апекс лингве), тело (корпус лингве) и корен (радикс лингве). Од трите, само првите две се наоѓаат
на дното на усната празнина. На горниот дел од телото, како и од страните на јазикот, слузницата
создава папили со групи на зрнца за вкус со кои се оформува сетилото за вкус и тие можат да
разликуваат четири главни типови на вкус: слатко, кисело, солено и горчливо. Со комбинирање на
овие четири основни категории на вкус, може да се примат и доживеат најразлични информации
за вкус.

Гингивите се дел од оралната слузница која ги исполнува сите меѓузабни простори. Тие ги
покриваат и вратот на забите и дел од максиларните и мандибуларните алвеоларни израстоци со
што ги штитат другите пародонтални формации од несакани механички повреди и инфективни
нарушувања.