2

KHUTBAH IDUL ADHA

Oleh:

‫ الحم د هلل‬.‫ وس بحان هللا بك رة واص يال‬. ‫× هللا اكبر كبيرا والحم د هلل كث يرا‬9 ‫هللا اكبر‬
‫ أشهد ان ال ال ه اال هللا وح ده ال‬.‫الذى فرض الحج علىعباده المسلمين والمسلمات الى بيته الحرام‬
‫ اللهم صل وسلم وب ارك على س يدنا محم د وعلى آل ه‬.‫ وأشهد ان محمدا عبده ورسوله‬.‫شريك له‬
‫ أوص يكم وإي اي بتق وى هللا وطاعت ه لعلكم‬،‫ فيا أيها المسلمون ْال ِك َرام‬.‫ بعد‬.‫ أما‬.‫وصحبه أجمعين‬
‫ إن ا اعطين ا‬.‫ بسم هللا الرحمن ال رحيم‬.‫ فقد قال هللا تعالى اعوذ باهلل من الشيطان الرجيم‬.‫ترحمون‬
.‫ك الكوثر فصل لربك وانحر إن شانئك هو االبتر‬
Kaum Muslimin Dan Muslimat Sidang Jamaah Id Kami Muliakan
Maha Besar Allah, yang senantiasa melimpahkan rahmat, nikmat dan karunia-Nya
khususnya dalam wujud bertambahnya usia, sehingga kita masih sempat berkumpul pada
hari ini untuk melaksanakan dan merayakan hari Idul Adha, sebagai hari raya yang
melambangkan keagungan syiar agama Islam.
Umma Selleng Engkae Rimasei Ri Puang Allah Ta’ala
De’topa nasiaga ettana labe’na uleng ramalang rigau engkana natarongekki upe
maraja nenniya appalang malleppi-leppi nenniya samanna inappamua purana riaddua-
ruaseng alleppereng pittarae nasibawai addamppeng nenniya pammase pole ri sese
arajanna Puang pamaseie.
‫× وهلل الحمد‬3 ‫هللا اكبر‬
Natakkappoisiki iyyae essoe, esso malebbi namasero raja ri sesena idi umma
sellengnge, dengan melaksanakan hari raya Idul Adha onrong ri onroie sipakario rennu pada
ruwasiwi ritu sikira-kira pada pannessai tanra asukkuruketta nenniya attarimakasitta ri sese
arajanna Puang sewwae.
Kaum Muslimin Dan Muslimat Sidang Jamaah Id Kami Muliakan
Ri lalenna iyyae essoe dua tellu gau kajajian maraja ri lalenna wanuwa lino iya
mancajie tanra alebbirenna nenniya arajangenna sellengnge nenniya sikira-kira tanra
asseddingenna sellengnge padamui ritu mannessae nenniya mallinrungnge.
Nomoro 1:
Kajajiang marajae ri lalenna iyyae essoe iyanaritu maddatu sebbu umma selleng
orowane nenniya makkunrai pada pura manenni pasilennerengngi roko battuana
pakkasiyyang hajjie, iyanaritu wokkopo’e ri Padang Arafah, aga napada engkana iyyae essoe
maelo pasilennerengngi akkarobana rigau engkana mallai-laingeng apolengenna madupa-
rupang bahasana enrengnge bangsana iyarega sukunna kuwatopa ulina.
Iyamanenna ritu pada lao ri tana mapaccingnge nasibawai pengorbanan dan
perjuangan, nasalai waramparanna, nasalai jama-jamanna, bainena, orowanena, wija-
wijanna nenniya tana ancajingenna dengan ikhlas mappasi mata-mata karena Puang Allahu
Ta’ala.
‫× وهلل الحمد‬3 ‫هللا اكبر‬
Nomoro 2:
Kajajiang marajae ri lalenna iyyae essoe iyanaritu maddatu sebbu umma selleng,
orowane makkunrai, anana tomatowa, ri siagae egana negara selleng pada lao ri tanah
lapangnge iyarega masigie, pasilennerengngi sempajang akkarobangnge, rigau engkana
massamang parajai takabbere’na, iyya mancajie tanra assedingenna umma sellengnge lahir
dan batin. Tokasi-asi tettong ri seddena tau sugie, rayae tettong ri seddena to mapparentae
de assilaingenna ritu ri sesena Puang Allah Ta’ala, roko pada roko, suju pada suju, tudang
pada tudang rigau engkana seddi komando iyanaritu komandona Imangnge.
 Jaji de nasitinaja idi umma sellengnge situna-tunai, de nasipato engkaki matanre akka
nasaba abbatiretta. Karena engkaki umma selleng tongeng-tongeng, mattentu mabelaki pole
ri sifa’-sifa’ mappadang entengnge ripadatta rupa tau, nasaba appongetta (ancajingetta)
seddimi bawang yanaritu pole koimiki ri neneta Adam. Naseng Nabitta Muhammad saw.
.‫هللا اَ ْت َقا ُك ْم‬
ِ َ‫َض عَ لَى اَسْ َو ِد ِإنَّ اَ ْكرَ َم ُك ْم عِ ْند‬
ِ ‫ب الَ َفضْ َل لِعَ رَ ِبيٍّ عَ لَى اَعْ جَ مِيِّ َوالَ أل ْبي‬ ٍ ‫ال َّناسُ مِنْ آدَ َم َوآدَ ُم مِنْ ُترَ ا‬
Nomor 3:
Kajajiang marajae rilalenna iyyae essoe pada engkasiki pakabarui teppetta lao ri
sejarana Nabi Ibrahim, nasaba iyya essoe nariuji Nabi Ibrahim pole ri Puangnge riwettu
risurona gerei ana’na.
Rilanenna sejarae, Nabi Ibrahim mappulo taunni purana nakawingi bainena risengnge
St. Sarah, nade ana’na gangkanna masara atinna nawa-nawai pikkirikiwi pekkogi matu
narekko mateka degaga patterui perjuangakku, gangkanna risuroni Nabi Ibrahim ri bainena
sarekkoammengngi nakawingi ritu pattettenna riasengnge St. Hajar.. bara iyaparo matu
jajiang ana. Rimunri purana kawing sibawa St. Hajar mellau duanni Ibrahim Lao ri Puang
Allah Ta’ala.
َ‫رَ بِّ َهبْ لِى مِنَ الصَّالِ ِح ْين‬
Bettuanna: E…Puang tapakkedallekika koromai ana’ shaleh, ana’ patuju.
Aga ritarimai parillau duanna Nabi Ibrahim sibawa ripacaddioriona ritu nasaba ana’
orowane sabbara, nenniya riwettu engkanana ananna Nabi Ibrahim, ana’ iya napumenisaie
riasengE Ismail temmaka riona koritu, nasaba Ismail saisa ana matturu riparentae, ana’
marengkalinga ada, ana’ mancajie cahayana matanna buana atinna.
Kaum Muslimin Dan Muslimat Sidang Ied Yang Saya Muliakan
Aga naricobana teppe’na Nabi Ibrahim ri Puang Allah Ta’ala sarekko ammengngi
nagere’i ana’na pegae ritu masero napoji, puanna iyarega ana’na. Naekiya Nabi Ibrahim
saisai maraja tau nenniya maraja tunru gangkanna mareso napuji Puangna na ana’na,
nasaba Nabi Ibrahim temmakkeda ana’ temmakkeda waramparang narekko parenta Puang
relai tarimai sibawa madeceng.
‫× وهلل الحمد‬3 ‫هللا اكبر‬
Agana ripannippini Pangulutta Nabi Ibrahim ri Puang Allah Ta’ala, naitai nagere ana’na
Nabi Ismail padatoha ri makedannai Puang Allah Ta’ala ri lalennai akorang malebbie
.‫ظرْ مَا َذا َترَ ى‬ ُ ‫يَا ُب َنيَّ ِإ ِّنى َأرَ ى فِى ْال َم َنام ِا ِّنى َأ ْذ َبحُكَ َفا ْن‬
ِ
Bettuanna: E…anakku majeppu witako ri laleng tinroku ugereko ana’, magatu tangngata
ana’.
Naiyya riwettu naengkalinganana adanna ambo’na, Pangulutta Ismail de’ namalampe
nawa-nawanna bahkan langsung nabaliwi adanna ambo’na nasaba pappebali madeceng iya
tompo’e pole ri laleng atinna makkedae.
ِ ‫ت ا ْفعَ ْل مَا ُتْؤ َم ُر سَ َت ِج ُدنِى ِإنْ َشا َء هللا ُ مِنَ الص‬
. َ‫َّاب ِر ْين‬ ِ ‫يَاَأ َب‬
Bettuanna: E…ambokku tapaddupani masitta anu naparentangekki Puang Allah Ta’ala
namattipi taruntukka Insya Allah saisaka anak sabbara’ namatturu.
‫× وهلل الحمد‬3 ‫هللا اكبر‬
Riolo tenrigerena Pangulutta Ismail ri ambona, agana napolena setangnge iyarega iblis
godai Nabi Ibrahim makkedae E..Ibrahim aja mugerei ana’mu degaro namassi babuamu ana’
seddi-eddi, ceyyana matammu buana atimmu. Agana nakkeda Nabi Ibrahim ajamuhalangika
Iblis papolei parentana Puakku jaji rirempe’ni setangnge ri Nabi Ibrahim gangkanna lari
setangnge. Najokkaisi Sitti Hajar bainena Nabi Ibrahim nagodasi makkedae E… Hajar
halangiwi lakkaimmu aja nagerei ana’mmu, makkedani Sitti Hajar E.. Iblis namuni iyya
relatokka nagere, narekko parentana Puang Allah Ta’ala. Jaji rirempe’si Iblis ri Sitti Hajar.
Gangkanna larisi Iblis jokka godai Pangulutta Ismail makkedae E… Ismail salai onrommu
maeloitu gereko ambo’mu. Agana ribalini Iblis ri Ismail makkedae E.. Iblis makkokkoe relaka
 8

nagere ambokku, napassarangngi ulukku nawatakkaleku narekko parentana Puang Allah

Ta’ala. Gangkanna rirempessi Iblis ri Pangulutta Ismail.
Jaji iyanaritu saba’na narekko tomenre Mekka tomaddempe ri tellue onrong riniakengngi
rempe’i setangnge sikira-kira akkacuereng ri Pangulutta Nabi Ibrahim nenniya ri binena Sitti
Hajar enrengnge ana’na Ismail.
‫× وهلل الحمد‬3 ‫هللا اكبر‬
Aga maelo tongenni paddupai nippinna Nabi Ibrahim gere’i ana’na, nasani pisona
napassangka-sangkai tarenna, nainappa mala tulu narenrenni ana’na riasengnge Ismail
natiwina lao ri empe’na bulue ri Mina, aganasioni limanna nenniya ajena. Naekiyya riolo
tenrigerena Ismail napasengngi ambona nasaba dua tellu pappaseng:
1. E… ambo’ku narekko melokki gereka tasio laloi yolo kasina limakku sibawa ajeku na’aja
urapa-rapa. Jaji pole kotonie narekko maelokki maggere olokolo tasio laloi yolo ajena
nenniya limanna sikira-kira akkacuereng ri Ismail.
2. E… ambo’ku narekko meloki gereka, tataro laloi kasinna matareng pisota sarekko
ammengngi namasitta pettu ure’ ellokku na’aja kuwanrasa-rasa. Jaji pole kotonie
narekko maelokki maggere olokolo tataroi matareng pisota sarekkoammengngi aja
nanrasa-rasa olokolo rigere’e.
3. E…ambo narekko tagereka aja’ lalo tatangngai rupakku namessi ammenni babuata
mitaka nade najaji tagereka, nasabani natomadoraka ri Puang Allah Ta’ala.
4. E…ambo narekko melokki gereka tallilingngi yolo limanna wajutta napecciki amengngi
dara’, nasabani umadosa ri idi.
5. E…ambo narekko lisuni matu ri bolae tapalettukeng laloka selleng paccapurekku lao ri
indo’ku nenniya tasuroi tarimai, enrengnge sabbarekengngi paccobana Puang
AllahTa’ala.
‫× وهلل الحمد‬3 ‫هللا اكبر‬
Jaji ri wettu lettunana pappasenna Ismail lao ri ambo’na, aga nagere tongenni ana’na,
naekiyya raja akuasanna Puang Allah Ta’ala de namaelo makkanre pisona Nabi Ibrahim ri
ellonna Ismail gangkanna riobbini Nabi Ibrahim ri Puang Allah Ta’ala makkedae:
. َ‫يَا ِإ ْبرَ ا ِهيْم َق ْد صَ َّد ْقتَ الرُّ ْؤ يَا ِإ َّنا َك َذلِكَ َنجْ ِزى ْالمُحْ سِ ِن ْين‬
Bettuanna: E.. Ibrahim majeppu pura mupaddupani parentana Puangmu ia ri laleng
nippimmu majeppu makkoniro riwerengngi pamale sininna tau
mappedecengnge.
Agana ripasullengenni Nabi Ibrahim nasa seddi olokolo riasengnge kibase, iyanaro
nagere Pangulutta Nabi Ibrahim sikira-kira passullena Ismail untu’ turusiwi parentana Puang
Allah Ta’ala.
Makkoniro sejarah ringkasnya Nabi Ibrahim sibawa ana’ Ismail nenniya bainena St.
Hajar urapi rampengekki. Jaji nesseriki mala akkalerapangeng.
E… sininna tau matoa malebbiku alaki contoh ri Nabi Ibrahim batena pasilennerengngi
parentana Puanna namua ana’na nakkarobatto, iyamua idi naparentakki Nabitta
makkarobangngi pada-padanna, sapitta, bembe’ta narekko engka masagena ri seseta.
E… sininna umma makkunraie alaki contoh ri pangulutta St. Hajar de’ nahalangi lakkainna
paddupai parentana Puang Allah Ta’ala, iyakeppaha napangessiwi.
E… sininna anana’e iyarega selessurekku pemudae, pada alaki contoh ri pangulutta Ismail
namoni alena, nyawana rela nakkarobang assaleng parentanamua Puang Allah Ta’ala.

Riolo tekkusalainna iyyae ongrong malebbie. Kupuminasai palettukenggi dua tellu

pappasenna anre gurutta pahikmae.pappasenna tau madecengge atinna. Narimakuannanaro
taengkalingani madeceng nenniya coling madecenggi ada ada makkebettuang fangaja fole
rikittae makkeda :
-Ee sininna tau mateppe e narekkko meloko manyameng nyameng lino akhera taro laloi
marepe repe subbemu namabeccu ttimpumu . narekko meloko berhasil rajinlah bekerja dan
sabar atas segalah penderitaan , makkedai angre gurutta degaga anyameng nyameng
narekko de negka rirasakanggi riasenggi peddi,
-Tettong batakko nasaba leppu
-Mubessi kelling nasaba getteng
-Makkawaliko nasaba ada tongeng
-Musangre indo abomu temmapasilengeng
Mupusifai sipana uwwaiyye e nala mariawae namaladde gunana ripada anu ripangcajie
Engrengge dua tellu to sipa naposipa idi tau mateppe e
-Risappai deceng mappedecengge ripadatta rupa tau.
Upanna upanna makkedaki taroni masolang asseleng madeceng mokka , ritellani jaana
tauwe nala deceng.
-Ribelai gala galawi i tomelo e pegau deceng nasaba sifa makkuero riasengi sifa cakke awo ,
sining lao sining nagala ,sining nasoppakki
-Sirina padatta rupa tau siritta to, tempedenggi idi nassabari natasangra sirina, nasaba tau de
e naisenggi taro siri riasenggi tau masebbo timpo
Tellu gau pasalamaki rilino
1. Apecaki narekko teaki marepa
2. Alemmaki narekko taeki polo
3. Akkompekki narekko teaki pettu
-Terima i anu madecengge tollai anu masalae,. Nasaba tau naisenngi pasilaingengi
maja e nenniya madecengge ritellai tau maccaca wali, mallise rijae nenniya mallise to
ridecengge
-Tala i appunnatta na aja ttalai appunanna tauwwe, nasaba tau denaisenggi
appunannana na apunnanna tauwe riasenggi tau majekko kaddaro
Akkatenni massekki ri agama e ,
-Aja tapabbiasa i aleta ri jae nasaba lele bulu telelle abiasang, pingra mua
abbiasengge nasaba abiasang.
KAUM MUSLIMIN dan MUSLIMAT yang berbahagia
Makkedai angre gurutta pahikmae lima tapakessinggi siona
1. Sio i teppetta nasaba sempajang
2. Sio i waramparatta nasaba sekke
3. Sio i lilata nasaba mekko
4. Sio i paddisenggetta nasaa oki
5. Sio amalata nasaba nyameng kining nawa

Neniiya engka seppulo tau negelling langre puang ALLAH ta’ala

1. Tau sogi namasekke
2. Tau kasi asi natakabboro
3. Tau fangrita namagua
4. Tomatuae namalampe nawa nawa
5. Tau malebbie namaja ampe
6. Makkungrai namakurang siri
7. Pakkamala nadennuang amalana
8. Tau malolo namakuttu
9. Tomaparetae namaceko ceko
10. Tau pegaui pakkasiwiyang napoji ale
HADIRIN MALEBBI....
Alitutui gau mu , atikeriwi kedomukuetopa ampe kedomu. Kedona timmu,
makkutoparo kedona nawa nawammu, padecenggi lanro alemu. Musu i
cinnana inapsummu, tahanggi ecci kelomu. Namupangolo madeceng atimmu
 ripaung dewatae seuwaae..ebbu memeng mettono tonanggeng, passadia
memenno bokong temmawari, nasaaba tasi maloang riolomu, maloang
temakkiwiring,amalamung tengri gangkanggi, nairing anging teppaja,
napolena bombang temmaka loppona, maggalengrong pada bulu,,
narimakkuannanaro teppe mu muala lopi, taumu muala wise, muattaroi
asalewangeng, muabbetterei nasaba tike., muattokkongiwi nasaba alitutu,
tinulumu muala pedomang namusompe nasaba acaddio diongeng,. Musore
ritana arajangge , nsmudit arung marajae yanaritu dewata sewwae.
HADIRIN yg berbahagia.
Jaji pada laoni mae natopada mellao doang ripuang ALLA TA’ALA
Ee puang engkaki menyye, pura pasilennerenggi aleppereng karobae
degaga laing akkatta sangadinna riotami engrengge pammasetami
puang simata,.pada riakkattai, barakuamenggi na enceng pulana teppe
e,, nenniya tau e ri idi puang,,mammuare engkaki kasi pada lolongneg
coppona atuwo tuowengnge decengge.,sanreseng puranae assipa binru
binrusengge, pabbura ati matojo e..nasaaba engkani mattugengkeng
teppe nenniya tau e lao ri idi puang. Mamuare i simata yakkatenni
massei agama asellengenge.

‫بارك هللا لى ولكم فى القرآن العظيم ونفعنا وإياكم بما فيه من االي ات وال ذكر الحكيم‬
.‫وتقبل منى ومنكم تالوته انه هو الغفور الرحيم‬

‫الخطبة الثانية‬

.‫ وس بحان هللا بك رة واص يال‬. ‫× هللا اكبر كبيرا والحمد هلل كثيرا‬7 ‫هللا اكبر‬
‫ أش هد ان ال ال ه اال‬.‫ أحمده سبحانه أن خلق وص ور‬.‫الحمد الذى أعاد االعياد وكرر‬
‫ اللهم صل وس لم وب ارك على‬.‫ وأشهد ان محمد عبده ورسوله‬.‫هللا وحده ال شريك له‬
.‫سيدنا محمد وعلى آله وصحبه أجمعين‬
‫ فق د ق ال هللا‬.‫ فيا عباد هللا اتقوا هللا فيما أمر واتهوا عما نهى هللا عنه‬.‫ بعد‬.‫أما‬
‫ إن هللا ومالئكت ه يص لون على الن بي ي ا ايه ا‬.‫تعالى اعوذ باهلل من الش يطان ال رجيم‬
‫ اللهم ص ل وس لم على س يدنا محم د خ ير‬.‫ال ذين آمن وا ص لوا عليهم س لموا تس ليما‬
.‫الخلق‬
‫وارض اللهم عن كل الصحابة أجمعين وعن التابعين ومن تبعهم بإحسان الى‬
‫ اللهم اغف ر للمس لمين والمس لمات والمؤم نين والمؤمن ات االحي اء منهم‬.‫ي وم ال دين‬
‫ ربنا آتن ا فى ال دنيا‬.‫واالموات إنك سميع قريب مجيب الدعوات ويا قاضي الحاجات‬
.‫حسنةوفى االخرة حسنة وقنا عزاب النار‬
‫عباد هللا إن هللا يأمر بالع دل واالحس ان وايت اء ذاالق ربى وينهى عن الفحش اء‬
.‫والمنكر والبغى يعدكم لعلكم تذكرون ولذكر هللا أكبر وهللا يعلم ما تصنعون‬