Pagtalakay sa Binasa Sagutin ang sumusunod na katanungan:
1. Ano-anong mga katangian ni Mandela ang masasalamin sa
mga anekdotang ito? Mula sa mga anekdotang nabasa ko, masasabi ko na nagtataglay ng kabaitan si Mandela at siya ay mapagkumbaba sa kaniyang kapwa. Ang mga nagawa niya ay tungo sa ikabubuti ng mga taong nasa paligid niya at hindi siya mapagmataas sa kaniyang sarili na nagdudulot para magustuhan siya ng mga tao.
2. Anong katangian kaya ang taglay niya na nagiging dahilan
kung bakit maging ang mga bata ay nahahalina sa kanya? Dahil sa kababaang loob at kabaitan ni Mandela, ang mga bata ay naaakit sa kaniya sapagkat gusto nilang gayahin ang paggawa ng mabuti ni Mandela na magbubunga ng magandang kinabukasan.
3. Alin-alin sa mga katangian ni Mandela ang gusto mo rin
sanang maging katangian ng mga pinuno o lider sa ating bayan? Bakit? Nais ko na maging mabait at ang hindi maging makasarili na tinataglay ni Mandela. Gusto kong maging katangian ang mga ito dahil para sa akin, ito ay magiging malaking tulong sa pag-unlad ng isang bayan at ng isang pinuno. 4. Ano ang masasabi mo sa pananaw niyang hindi siya apektado kung ang “matataas” na tao ay masaktan o masagasaan sa kanyang mga ginagawa o ipinaglalaban subalit ayaw niyang may “maliliit” na taong sumama ang loob o masaktan nang dahil sa kanya? Para sa akin, ang pananaw na ito ay nangangahulugan na gagawin ni Mandela ang kailangang gawin para sa mga ‘maliliit’ na tao na walang pribilehiyo o sapat na pribilehiyo at hindi alintana sa kaniya kung masaktan ang mga ‘matataas’ na tao na may mga pribilehiyo. Sa tingin ko mabuti ito sapagkat hindi lahat ng tao ay ‘matataas’ at karamihan sa atin ay ‘maliliit’ na mga tao. Bilang isang pinuno, dapat na pakinggan ang mga mamamayan na mga ‘maliliit’ na mga tao dahil kung wala sila at masasaktan sila, balewala lang ang ipinaglalaban ni Mandela.
5. Kung ikaw ang nasa kalagayan niya, sisikapin mo rin bang
maging mabuti sa mga taong kabilang sa lahing nadiskrimina, nagpahirap, at hindi gumawa nang tama sa iyo at sa mga kalahi mo? Bakit? Kahit may napagdaanan akong mga masasamang karanasan, sisikapin ko pa rin maging mabuti sapagkat ang kabutihan ay makakatulong sa pag-unlad ng ating lipunan. Hindi ko na nais palaganapin ang kasamaan dahil gusto ko na maganda ang kinabukasan ng mga susunod na henerasyon sa akin.