Ako po ay si Mely Sumilhig nakatira sa Phase2 C1 Karangalan Village
Ito ang totoong nangyari sa anak naming na namatay sa sakit na
Leukemia, si Grace Sumilhig sa taon 1985 buwan ng Oktubre. Namamalengke ako at ibinilin ko si Grace sa kapitbahay naming na ninang niya, pag balik ko galing palengke sumalubong sa akin si Grace na may bukol na sa ulo, ang sabi ng ninang niya ito daw ay nahulog sa tapat ng bahay naming na kung saan may hinukay na kanal at ito daw ay patiwarik na nahulog. Doon nag umpisa na palagi ng nilalagnat si Grace, dinala naming sa health center at sinabi ng doctor dalhin na raw naming si Grace sa Ospital para daw masuri kung ano ang dahilan sa pabalik- balik na lagnat kaya dinala naming siya sa Veterans Hospital, doon nilabaratory kaagad ang bata at nakitaan sa batok na mayroon ugat na nakabaluktot. Pinag aralan ng mga doctor at Nakita na ang dugo na dumadaloy doon sa ugat ay puti na hindi na mapula, dahil sa mapuri na ang dumadaloy ng dugo kaya kailangan ng Salinan siya ng dugo at dahil maputla na ang bata dalawang beses sa isang linggoang pagsalin ng dugo niya type AB. At kapag bibili kami ng dugo kailangan pa na screened na ang bilhin naming para diretso na itong isalin sa bata at kapag nasalinan na ng dugo ang bata makikita mo ang lakas-lakas na ng katawan ng bata. Kapag hindi siya masalinan mahinang mahina ang katawan niya. At dumating ang araw na kailangan i-bone marrow na siya, kaya kailangan ipasok nanaman naming siya sa Ospital, nung i-bone marrow na siya ang laki pala ng karayom na itutusok sa likod niya. Simisigaw ang bata sa sobrang sakit, awang – awa ako sa kanya ang sabi niya Mama ayaw ko na hindi ko na kaya, ang sakit habang sumisigaw ang anak ko parang tinutusok rin ng karayom ang puso ko, dahil sa awang awa ako sa kanya kaya sa mga oras na yun nasabi ko sa Panginoong Diyos ko asan ka sa mga oras na ito kailangang – kailangan ka ng anak naming, tulungan mo siya hindi ko kayang marinig ang kanyang sigaw at nasabi ko Lord, sa akin mo na lang ibigay ang sakit niya, dahil hindi ko kayang Makita na nasasaktan ang anak ko. Nang matapos i-bone marrow ang anak ko naka iskedule na naman siyang I-cobalt, nang ipasok siya sa radiation room doon sumisigaw nanaman siya sa takot baka ano na naman daw ang gagawin sa kanya, anak sandal lang yan at pumayag din siya. Mamg nilabas siya sa radiation room na yon, mahinang mahina ang bata, parang lantang gulay ang bata hindi makalakad, kaya inuuwi ko siyang karga hanggang makarating kami sa aming tahanan. Nan mga ilang araw unti – unting nalalagas ang buhok niya, ang sabi niya mama makakalbo na ako ubos na ang buhok ko, ang sabi ko anak wag kang mag alala dahil bibilhan kita ng wig para may buhok ka parin at maganda ka parin at gaganda ka sa wig na yon. At doon ko Nakita na sa likod ng kanyang paghihirap, tuwang tuwa siya na may luha ang kanyang mga mata dahil sa hirap na diranas at dahil alam na niya na hindi na magtatagal ang buhay niya dahil tinapat na kami ng Doktor niya na anim na buwan lang daw ang buhay ng anak naming. Ang sabi ko Doktor may taning kaagad? Hanggang kailan yon Dok. Ang sabi ng Doktor hanggang June nalang ang buhay niya, nang mga oras na yon parang tinakloban ako ng langit at lupa, hindi ko matanggap ang sinabi ng Doktor. Doon nag mamakaawa na naman ako sa panginoon, Diyos ko bakit ang anak ko bakit mo pinabayaan ang anak naming. Dahil doon nagsikap kaming mag asawa na gumawa ng iba pang paraan para sa kagalingan ng bata. Inilabas naming siya sa Ospital at kung saan – saang albularyo naming dinala ang bata, makarating lang sa sinasabing manggagamot pero wala din nangyari. Dumating ang huling pasok naming sa Ospital, alam na ng Doktor na oras na ng anak naming, hindi kami nilagay sa kwartong maliwanag sa halip doon kami nilagay sa kwartong madilim malayo sa kwato ng mga pasyente at doon hinihintau naming ang oras ng anak naming. June 15, 1986 dumating ang huling oras niya sa edad apat at kalahating taon, napakabata pa para kunin siya sa amin ni Lord. Mapakasakit mawalan ka ng isang mahal sa buhay, pero tanggap na naming yon, dahil talagang hanggang doon lang ang buhay niya, ang paulit ulit kong tanong Diyos ko, Diyos ko, bakit mo kami pinapabayaan?