IKALAWANG GAWAIN SA FILIPINOLOHIYA AT PAMBANSANG KAUNLARAN
Ipinasa ni: Angeli Waigne Sandarasekera
Kurso at seksyon: BSIE 1-2
Pagbasa,Pagsusuri sa artikulong Lisyang Edukasyon na matatagpuan sa mga pahina 9-24
ng ating modyul at sagutin ang mga sumusunod na katanungan.
1. Ano ang naging epekto ng edukasyong kolonyal sa pag-iisip ng mga Filipino?
- Nang dahil sa edukasyong kolonyal, ang mga Filipino ay tila nalilimutan na ang kanilang pagiging makabayan. Nalilimutan na nila kung ano ang sariling atin. Ang ating sariling wika at ang ating pinagmulan ay nakakalungkot na hindi na rin masyadong nabibigyan ng pansin dahil sa edukasyong kolonyal na naibigay ng ating mga mananakop. Ang pagiging nasyonalismo ay hindi na napapahalagahan. Nang dahil din dito, kung ano ang naging tingin ng mga mananakop sa mga Filipino at ang bansa na kanilang pinagmulan, iyon na rin ang nagiging tingin ng mga Filipino mismo sa kanilang mga sarili at bansa.
2. Magbigay ng halimbawa ng epekto ng nabanggit na sitemang pang-edukasyon mula
sa kasalukuyang panahon at ipaliwanag. 2 halimbawa lamang. - Ang halos lahat ng ating mga asignatura sa paaralan ay nakasulat at inaaral sa ingles. At ang asignatura lamang na inaaral sa bawat taon ng pagaaral na nasa wikang Filipino ay mas kaunti parin kaysa sa bilang ng mga asignatura na nasa wikang Ingles. - Ang pagbabawal na magsalita ng wikang Filipino sa ilang paaralan dito sa ating bansa. Sapilitan na pagpapatupad na wikang ingles lamang ang dapat na sambitin ng bawat mag-aaral. Kaya naman mas lumalaki ang populasyon ng mga estudyante na hindi marunong magsalita ng wikang Filipino.
3. Batay sa iyong pagkakaunawa, ano ang nakikita mong solusyon sa lisyang
edukasyon ng mga Filipino? - Una sa lahat, dapat na makita ng ating gobyerno at ng kagawaran ng edukasyon ang kahalagahan ng pagtatangkilik ng sariling atin. Nawa’y kanilang maisip ang importansya ng pag-aaral gamit ang ating wika at ang pagtuturo na rin ng pagiging pusong makabansa sa ating mga mag-aaral sa Pilipinas. Pangalawa, ay maaari na silang magpatupad ng mas maraming kurso, asignatura, at patakaran na nagbibigay tangkilik sa ating pagiging mga Filipino. Sa ganitong paraan, maraming mag-aaral ang mas magkakaroon ng pang-unawa ating sariling pinagmulan at marami na rin ang mas magiging pamilyar sa wika ng ating bansa. Nawa’y makita ng bawat isa na ang ating pinagmulan ay importante at ang edukasyong kolonyal ay hindi dapat na manguna sa sistema ng ating edukasyon.