FILIPINO REVIEWER ˚୨୧⋆｡˚ ⋆

ang kahon ni pandora (summarized) ˚୨୧⋆｡˚ ⋆

● May dalawang magkapatid na Titan — ito ay si Prometheus at Epimetheus. Si

Prometheus ay may kakayahang makakitasa hinaharap, kaya nabatid niyang matatalo
ng mga Olimpian ang mga Titan. Bunga nito, sumanib sila sa mga Olimpian.Dahil sa
katapangan na ipinakita ng dalawa, binigyan sila ni Zeus ng kapangyarihang makalikha
ng sarili nilang nilalang.Binigyan din sila ng kakayahang bigyan ng sariling proteksiyon
ang mga ililikha nila, subalit limitado lamang ito sa kungsino man ang mauunang
lumikha. Sapagkat si Epimetheus ang unang nakalikha, naubusan si Prometheus ng
proteksiyanna sana’y gagamitin niya para sa mga tao. Kaya, bigla niyang naisip na
magpaalam kay Zeus upang humiram ng apoy.Tumanggi naman si Zeus at sinabihan
siya na para sa mga diyos lamang ang apoy. Subalit, hindi pa rin nakinig siPrometheus
at sinuway ang sinabi ni Zeus. Tumungo siya sa tirahan ni Hephaestos, ang diyos ng
apoy at bulkan, atkumuha ng apoy nang walang paalam man lang. Nang malaman nito
ni Zeus, labis siyang nagalit kay Prometheus nanagbunga sa matindinding kaparusahan
niya. Ikinadena si Prometheus sa kabundukan ng Caucasus sa loob ng maramingtaon.
Araw-araw din pumupunta ang mga agila ni Zeus para tukain ang atay ni Prometheus
(ngunit bumabalik naman ito pagkatapos). Hanggang sa pinalaya ni Herakles si
Prometheus sa pamamagitan ng pagpatay sa mga agila ni Zeus.Gayunman, hindi pa rin
nakuntento si Zeus sa pagpapahirap na ginawa niya kay Prometheus kaya naisipan pa
niyangidamay ang buong sangkatauhan. Naisip ni Zeus na gamitin si Epimetheus sa
kaniyang plano. Dahil dito, nagsama-samaang mga iba’t ibang diyos at diyosa sa
paglilikha ng isang babaeng na ipinangalang Pandora. Binigyan siya ng iba’t
ibangkatangian ng mga diyos tulad ng kagandahan at ang pagiging mausisa. Matapos
ilikha si Pandora, siya’y ipinadala kayEpimetheus. Binalaan na siya dati ni Prometheus
na huwag na huwag tatanggap ng anumang handog mula sa mga diyossapagkat alam
niyang isa itong patibong at makakadala lamang ito ng kapahamakan, subalit hindi
niyang mapigilangumibig sa dalaga nang makita niya ang kagandahan at
kahali-halinang itsura niya. Sigla at saya ang idinulot ni Pandora para kay Epimetheus,
kaya hindi na niya naisip na maaaring makadulot ng kasamaan ni Pandora sa ibang tao.
Kayanaman, agad na inihanda ang kasal ng dalawa. Bilang handog, binigyan ni Zeus
ang mag-asawa ng isang kahon na maykasama ring susi. Mayroong babalang din
nakalagay na “Huwag itong bubuksan”.Sinabi ni Epimetheus kay Pandora na huwag
buksan ang kahon. Sumang-ayon naman siya. Itinago ni Epimetheus ang susiupang
hindi pa rin mabuksan ang kahon. Subalit, dahil sa mausisang pagiisip ni Pandora, lagi
siyang nagiisip kung anoang maaaring laman ng kahon. Sinubukan niya pa rin sundin
ang tagubilin ni Epimetheus ngunit hindi talaga siyamapakali hanggang sa malaman
niya kung ano nga ba ang nasa loob ng kahon. Kaya, isang araw, maagang tumungo sa
bukid si Epimetheus. Mag-isa nanaman si Pandora, at muli niyang tinititigan ang kahon,
natutuksong buksan ito. Ginawani Pandora ang kaniyang makakaya upang hindi siya
 bumigay sa panunukso, gayunman nakita niya ang susi na nakasabitsa itaas na bahagi
ng dingding. Dali-dali niyang kinuha ang susi at naisipang sumilip lang nang unti sa loob
ng kahon.Pero noong binuksan na ni Pandora ang kahon, napalabas niya na ang lahat
ng mga kasamaan sa mundo. Nadatnan niEpimetheus na humahagulgol si Pandora at
nabatid niya agad na binuksan niya na ang kahon. Subalit, habang umiiyak parin si
Pandora, mayroong maliit, maganda, at maningning na insekto na lumabas sa kahon. Ito
ang espiritu ng pag-asa. Sakabila ng mga kasamaang nararanasan natin sa mundo,
nananatili pa rin ang pag-asa sa huli ng mga paghihirap natin, atito ang nagtutulak para
sa mga tao upang ipagpatuloy ang laban sa buhay.

ang parabula ng sampung dalaga (summary) ˚୨୧⋆｡˚ ⋆

● May malaking kasalan ang inihahanda. Mahaba ang inilaan na panahon sa paghahanda
nito sapagkat ito’y karaniwang gawi ng mga Hudyo sa bayan ng Israel. Nagsimula ito sa
pagkakasundo ng ama ng binata at ng ama ngdalagang ikakasal. Susunod, plinano
naman nila ang mga magiging detalye sa kasalan. Pagkatapos ng kasunduan aylalayo
ang binata upang paghahandaan ang kanilang magiging tahanan. Halos isang taon ang
pagkakalayo ngmagkasintahan kaya dito nasubok ang kanilang pagiging matatag.
Subalit, sa wakas, dumating na ang gabing pinakahinihintay ng lahat — ang kasal.
Pumunta muna ang binata sa bahay ng dalaga upang sunduin ito, pagkatapos
aytutungo naman sila sa tirahan ng binata kung saan doon gaganapin ang kasal. Sa
labas ng bahay ng binata ay maysampung dalagang may dala-dalang ilawan na
nakatalagang maghintay sa kaniya. Lima sa mga dalaga ay matatalinosamantala ang
natitirang lima naman ay tinawagang hangal sapagkat nagbaon nga sila ng ilawan
ngunit hindi sapat anglangis na dinala nila. Matagal na naghintay ang mga dalaga.
Lumalalim na ang gabi ngunit wala pang dumarating na binata. Hanggang
samaghahatinggabi na, dumating ang isang tagapagbalita na nagsabing paparating na
ang binatang ikakasal. Masayangnagsigawan ang mga tao habang ang sampung dalaga
naman ay nag-ayos ng kanilang mga ilawan bilang paghahanda sa paparating na
ikakasal. Subalit, ang ilawan ng mga dalagang hangal ay aandap-andap na. Dahil sa
matagal na paghihintay,naubos na ang langis ng kanilang ilawan. Sinubukan nilang
makiusap sa mga dalagang matatalino na bigyan sila ng langisngunit hindi sila pumayag
sa kadahilanan na para sa kanila lamang ang natitirang langis nila. Kaya naman,
napilitan angmga hangal na dalaga na umalis upang bumili ng langis.Habang sila’y
bumibili ng langis, dumating na ang binatang ikakasal. Agad siyang sinamahan ng
limang dalagangnakahanda at saka isinara ang pinto. Ito ay isang kaugalian noon kung
saan tanging ang mga taong naghihintay sa labas pagkadating ng ikakasal ay ang mga
maaaring pumasok upang maiwasang papasukin ang mga taong hindi namanimbitado o
hindi kilala ng ikakasal. Nasa loob na lahat ang mga tao nang dumating ang mga
dalagang hangal.Pinakiusapan nilang papasukin sila ng binatang ikakasal na siya ring
Panginoon ngunit tumugon ito at sinabing hindi niyakilala sila. Walang nagawa ang mga
dalaga kundi pagsisihan ang hindi nilang paghahanda para sa pagdating ng kanilang
Panginoon.

ang apat na buwan ko sa espana ˚୨୧⋆｡˚ ⋆

 ● Ako si Rebecca, labing-anim na taong gulang, anak ng mag-asawang OFW na kapwa
nagtatrabaho sa Barcelona, Espanya. Walong taon na rito sina nanay at tatay subalit ito
pa lang ang unang pagkakataong naisama nila ako. Nagkaton kasing nagbago ang
school calendar ng unibersidad na papasukan ko. Sa halip na sa nakasanayang Hunyo
ay sa buwan ng Agosto pa magbubukas ang klase kaya sinamantala namin ang
mahaba-habang bakasyon mula sa Abril hanggang huling linggo ng Hulyo upang sa
halip na sila ang umuwi sa Pilipinas ay ako ang pinapunta nila sa Barcelona, isa sa
pinakakilalang lungsod sa Espanya. Sa isang malaking hotel sa Barcelona nagtatrabaho
ang aking magulang. Bago pa ako dumating ay inayos na nila ang oras ng kanilang
pagpasok upang lagi akong may makasamang isa sa kanila. Magkaiba ang kanilang
shift sa trabaho subalit nagawan nila ng paraang tuwing Sabado at Linggo ay maging
libre sila pareho para makasama ako. Dahil dito, napasyalan namin ang magagandang
lugar sa mga lungsod ng Madrid, Seville, Toledo, at Valencia. Sa apat na buwan ng
pamamalagi ko sa Espanya at pamamasyal namin sa iba't ibang lungsod dito ay marami
akong natutuhan at naranasan sa kanilang mga kaugalian, kultura, at tradisyon.

Klima at Panahon ˚୨୧⋆｡˚ ⋆

● Sa unang buwan ng aking pagbisita (Abril hanggang Hunyo) ay nakaranas ako ng

katamtamang panahon. Subalit sa buwan ng Hulyo gayundin daw sa buwan ng Agosto
(na hindi ko na inabot) na itinuturing na tag-init sa kanila ay sadyang napakainit ng
panahong maihahambing sa ating nararanasan sa Pilipinas sa mga buwan ng Marso at
Abril. Sa mga panahong ito'y napakaraming turista ang dumarayo sa Espanya lalo na sa
Lungsod ng Barcelona upang mapasyalan ang kanilang magagandang dalampasigang
nasa baybayin ng Dagat Mediterranean.

Kultura at tradisyon ˚୨୧⋆｡˚ ⋆

● Isa sa ipinagmamalaki ng mga Espanyol ay ang kanilang mayamang kultura at

tradisyong nag-uugat pa sa malayong nakaraan. Napakarami nilang museo at mga
teatro kung saan masasalamin ang kanilang kasaysayan. May mga araw at oras silang
nakalaan para sa libreng pagpasok sa mga museo. Halimbawa, napasok namin nang
libre ang Reina Sofia sa Madrid, isang museong tanyag sa buong mundo. Libreng
nakapapasok dito ang publiko sa mga araw ng Lunes, Miyerkoles, Huwebes, at Biyernes
mula ikapito hanggang ikasiyam ng gabi. Libre rin ang pagpasok dito mula 2:30 ng
hapon kapag araw ng Sabado at kapag Linggo, libre ito mula umaga hanggang 2:30 ng
hapon. Sa pamamasyal namin sa iba't ibang museo nakita ko ang mga obra maestra ng
mga tanyag na alagad ng sining tulad nina Salvador Dali, Pablo Picasso, Joan Miro,
Antoni Tapies, at iba pa. Ang isa pang tanyag na museong napasok di nnamin nang libre
ay ang National Art Museum of Catalonia kung saan ang gusali pa lang ay
kahanga-hanga na. Bahagi rin ng kanilang makulay na kultura ang pagsasagawa ng
bullfight kung saan ang mga lalaki ay nakikipagtagisan ng lakas sa isang toro gayunding
ang pagsayaw ng flamenco, na labis kong nagustuhang panoorin dahil sa
kahanga-hangang bilis ng paa ng mga mananayaw na tila nakaangat sa hangin at hindi
lumalapat sa sahig.
Ang mga tahanan at Gusali. ˚୨୧⋆｡˚ ⋆

● Ang isa sa pinakamagagandang bagay na nakita ko sa Espnaya ay ang kanilang mga

gusali. Marami na ring makabagong tahanan at gusali subalit ipinagkakapuri nila ang
mga gusaling naitayo pa noong gitnang panahon at nagpapakita ng mayamang
kasaysayan ng kanilang lugar. Ilan sa mg aito ang Palacio Real sa Madrid, ang Toledo's
Ancient Rooftops sa Toledo, isa sa pinakamatandang lungsod sa Espanya kung saan
matatagpuan ang lumang bahay at makasaysayang mga gusali, at ang hindi pa
natatapos na Basilica de la Sagrada Familia, isang UNESCO World Heritage Site na
sinasabing sinimulang gawin sa pamumuno ng tanyag na arkitektong si Antoni Gaudi
noon pang 1883. Ang lumang gusaling dinisenyo rin ni Gaudi sa Barcelona tulad ng
Casa Vicens, Casa Battlo, Guell Pavillions, at iba pa ay isa-isa rin naming pinasyalan.
Ang bawat gusali ay may taglay na kasaysayang maiuugnay sa kasaysayan ng lungsod
at maging ng bansa.

Wika ˚୨୧⋆｡˚ ⋆

● Ang kanilang wikang pambansa ay Spanish o Castilian na tinatawag naman nating

Espanyol. Mayroon din silang ilang diyalektong ginagamit ng ilang pangkat tulad ng
Galician, Catalan, at Basque. Ang Ingles ay nauunawaan ng ilang subalit ang
pagsasalita nito ay hindi gaanong laganap. Sabi ng aking magulang, mas kakaunting
Espanyol daw ang nakapagsasalita ng English kompara sa ibang mga bansa sa Europa.
Gayunpaman, sa hotel kung saan sila nagtatrabaho ay mahuhusay sa Ingles ang
kanilang mga katrabahong Espanyol dahil ang karamihan sa kanilang mga bisita ay mga
turistang mula sa iba't ibang panig ng mundo. Kung titira ka sa nang matagalan sa
bansang ito ay kailangan mong matuto ng wikang Espanyol dahil ang halos lahat ng
mababasa tulad ng mga babala sa daan, mga paskil o signages, mga pangalan ng
produkto, at mahahalagang dokumento ay nasusulat sa kanilang wika. Natuwa lang ako
dahil may mga salita silang agad kong naintindihan tulad ng mga salitang bano, calle,
ventana, coche, at iba pa. Nasakop nga pala nila tayo sa loob ng mahigit na tatlong
daang taon kaya naman marami silang naging impluwensiya sa ating kultura kasama na
ang ating wika.

Relihiyon o Pananampalataya ˚୨୧⋆｡˚ ⋆

● Ang isa sa mga bagay na kapansin-pansin sa Espanya ay ang pagkakaroon ng

naglalakihang Simbahang katoliko sa halos lahat ng dako kaya't ang dayuhang
manggagawa tulad ng aking magulang na naghahanap ng masisimbahan ay tiyak na
hindi mahihirapan. Nakararami pa rin sa mga Espanyol ang Katoliko na nasa humigit
kumulang na 80% hanggang 90% ng populasyon subalit marami na ring ibang relihiyon
o pananampalataya ang laganap dito tulad ng Islam at ng ibang pananampalatayang
Kristiyano gaya ng mga Protestante, Jehova's Witnesses, Mormons, at iba pa.
Gayunpaman, sa aming pagsisimba ay napansin kong di tulad ng ating bansa, hindi
napupuno ang mga simbahan. Ayon sa aking magulang, kahit malaki ang bilang ng mga
Katoliko ay marami sa kanila ang hindi regular na nagsisimba at nagsasagawa lamang
 ng mga ritwal ng simbahan tulad ng pagbibinyag, pagpapakasal, at pagbabasbas sa
namatay.

Ang Kanilang Pagkain at Iba Pang Kaugalian ˚୨୧⋆｡˚ ⋆

● Kung may isang bagay na labis na naiiba o natatangi sa mga Espanyol, ito ay ang
kanilang mga kaugaliang kaugnay ng pagkain. Ang kanilang almusal na tinatawag nilang
El Desayuno ay karaniwang kapeng may gatas at tinapay lang. Magaan lang ito dahil sa
bandang ikasampu o ikalabing-isa ng umaga ay muli silang kakain. Karaniwang tapas
ang kinakain nila s aoras na ito. Ang tapas ay mga pagkaing nakalagay sa maliliit na
lalagyan tulad ng platito na maaaring damputin lang (fingerfood) tulad ng pritong maliliit
na pusit, tinapay na may nakapatong na kamatis at keso, nakatuhog na tuna at olive, at
iba pa. Sa kanila pala natin nakuha ang nakaugalian nating pagkain sa pagitan ng
agahan at tanghalian.
● Ang kanilang tanghalian na tinatawag nilang la comida ang pinakamalaki nilang kain sa
maghapon. Maraming putahe ang nakahanda para sa kanilang tanghalian at hindi sila
nawawalan ng tinapay sa kanilang hapag. Tinapay ang kanilang pinakakanin at ito ang
ginagamit nila upang masimot ang sarta sa kanilang pinggan. Ang ilang putaheng
paborito nila ay kilala rin natin tulad ng paella, gambas, conchinillo asado (na kahawig
ng ating lechon de leche), at iba pa. Naglalaan sila ng dalawang hanggang tatlong oras
para sa pananghalian dahil bukod sa marami silang nakahandang pagkain para rito ay
nakaugalian din nilang magkaroon ng siesta o sandaling pagtulod o pagpapahinga
pagkatapos kumain. Ang buong bansa ay nagis-siesta kaya't karaniwang nagasasara
ang mga tindahan, paaralan, at pagawaan mula ikaisa hanggang ikaapat na hapon para
sa mahabang pananghalian at siesta. Gayunpaman, napansin kong sa Barcelona at sa
Madrid na pinakamalaki nilang lungsod at may pinakamaraming dayuhan ay bukas ang
malalaking supermarket at mga tindahan maging sa mga oras na ito.
● Pagsapit ng ikalima o ikalima't kalahati ng hapon ay muli silang kumakain ng tinatawag
nilang La Merienda (sa kanila pala galing ang katawagan nating meryenda). Magaan
lang ang pagkaing ito na karaniwang tinapay na may palaman. Ikasiytang naman ng
gabi ang karaniwang oras ng kanilang hapunang tinatawag nilang La Cena. Mas kaunti
ang pagkaing nakahain na minsa'y pritong itlog o isda at ensaladang gulay lang./ Hindi
rin nawawala ang paborito nilang minatamis na karaniwang gawa sa itlog at gatas na
tinatawag naman nating leche flan.
● Kung ikokompara ang oras ng ating hapunan sa kanila ay masasabing huli na ang
ikasiyam ng gabi subalit hindi pa rito nagtatapos ang maghapon ng mga Espanyol.
Pangkaraniwan na sa kanila ang lumabas pa pagkatapos ng hapunan at
maglakad-lakad (tinatawag nilang paseo) at dumaan sa mga restaurant o bar. Umuuwi
lang sila upang matulog kapag maghahatinggabi o lagpas hatinggabi na. Sa mga araw
na walang pasok ay inaabot sila ng ikatlo o ikaapat ng umaga sa labas ng tahanan at
bago umuwi ay karaniwang kumakain uli sila ng churros o tila pahabang donuts na
prinito at binudburan ng asukal. Isinasawsaw nila ito sa mainit at malapot na tsokolate.
Naiisip kong ang hilig nating mga Pilipino sa pagkain ay namana natin sa mga Espanyol
na sumakop sa atin subalit kahit anong gawin kong paggaya sa kaugalian nila kaugnay
ng pagkain at pagtulog ay hindi ko talaga kaya. Maging ang magulang kong walong taon
 na rito ay hindi rin magawa ang nakagawiang ito ng mga Espanyol lalo na ang oras ng
pagtulog dahil na rin sa regular na oras ng trabaho nila sa hotel.

Isports ˚୨୧⋆｡˚ ⋆

● Kung sa Pilipinas ay may basketball court sa halos lahat ng sulok ng barangay, sa

espanya ay soccer o football naman ang tanyag na laro at nilalaro o nilalahukan ng
halos lahat ng kabataan saanmang bahagi ng bansa. hindi makokompleto ang kanilang
linggo kung hindi sila makakapanod ng paborito nilang koponan ng soccer. Ang Real
Madrid, isang koponan ng soccer na nakabase sa Madrid, Espanya ang itinuturing na
pinakapopular na soccer club sa buong mundo na may mahigit na 228 milyong
tagasuporta.

Kasuotan ˚୨୧⋆｡˚ ⋆

● Napansin kong higit na pormal ang pananamit ng mga Espanyol kumpara sa atin.
tanging mga kabataan ang nakita kong nakasuot ng pantalong maong at t-shirt lalo na
sa Lungsod ng Madrid. Ang mga nakatatandang abbae ay karaniwang nakasuot ng
blusa at palda o bestida. Ang kalalakihan ay karaniwan namang nakasuot ng mayu
kuwelyong pang-itaas, pantalong slacks (hindi maong), at sapatos na balat. Sa aming
pag-ikot ay halos wala akong nakitang naka-rubber o tennis shoes maliban sa mga
turistang namamasyal sa mga baybayin ng Barcelona. Sa loob ng simbahan ay pormal
ang pananamit. Katunayan, mayoon silang dress code at ipinagbabawal ang mga damit
o kasuotang hindi angkop sa simbahang itinututring na banal na lugar. sa pamamasyal
nila pagkatapos ng hapunan ay maayos at pormal din ang kanilang pananamit.
● Napakarami kong natutuhan sa apat na buwang patira sa Espanya. Marami silang mga
kaugaliang nahahawig sa atin dahil na rin sa impluwensiya ng matagal nilang
pananakop subalit nanatili silang iba at natatangi sa maraming bagay.
Ipinagpapasalamat ko kina nanay at tatay ang pagkakataong ibinigay nila sa akin upang
matuto ng maraming bagay at lalong maging bukas at gumagalang sa pagkakaiba-iba
ng mga tao at lahi sa mundo.

pandiwa mga uri at aspekto nito ˚୨୧⋆｡˚ ⋆

pandiwa

● Bahagi ng Pananalita na nagsasaad ng kilos o galaw.

● Binubuo ng salitang-ugat at ng isa o higit pang panlapi.

salitang ugat

● root word sa english

● pinakasimpleng anyo ng isang salita na hindi pa nababago o hindi pa napapalitan ng
mga panlapi.

panlapi
 ● mga salitang nilalagay sa simula, gitna, o dulo ng salita upang makadagdag kahulugan

tatlong uri ng panlapi

● unlapi - nilalagay sa simula (mag-, um-, pa-, ma ang mga halimbawa)

● gitlapi - nilalagay sa gitna (-in, -um, -in ang mga halimbawa)
● hulapi - nilalagay sa dulo ng salita (-an, -han, -in ang mga halimbawa)

mga uri ng pandiwa ˚୨୧⋆｡˚ ⋆

palipat

● may tuwirang layon na tumatanggap sa kilos

● pinapangunahan ng mga katagang ng, ng mga, sa, sa mga, kay o kina.

katawanin

● hindi nangangailangan ng tuwirang layong tatanggap ng kilos at kayang tumayo ng mag

isa
● naglalahad lamang ng kilos, gawain, o pangyayari.

mga aspekto ng pandiwa ˚୨୧⋆｡˚ ⋆

naganap o perpektibo

● nagsasaad na tapos na o nangyari na ang kilos

nagaganap o perpektibo

● nagsasaad na ang kilos ay kasalukuyang nangyayari (currently happening)

magaganap o kontemplatibo

● nagsasaad na ang kilos ay hindi pa nagagawa o mangyayari pa lamang

mga berbal, di berbal, at pasulat na pakikipagtalastasan ˚୨୧⋆｡˚ ⋆

berbal

● Pasalitang pakikipagtalastasan na karaniwang isinasagawa nang harapan o face to

face.

di berbal

● pagpapaabot ng mensaheng hindi nangangailangan ng pagbigkas.

● Kumpas ng kamay, pagtango, pagngiti, pagtitig sa kausap, pagkunot ng noo.

pasulat
 ● Tampok ang liham, e-email, sms o short messaging system gaya ng text message.
● Kasama rin ang mga mensaheng ipinapadala sa social networking sites gaya ng
messenger, pagpopost ng comment sa fb, twitter, instagram
● Maaari rin sa mga aklat, magasin, diyaryo at blog.

mga pahayag na nagbibigay ng sariling pananaw ˚୨୧⋆｡˚ ⋆

mga pahayag:

● Ang masasabi ko ay
● Ang pagkakaalam ko ay
● Ang paniniwala ko ay
● Ayon sa nabasa kong datos/impormasyon /balita
● Hindi ako sumasang-ayon sa sinabi mo dahil
● Kung ako ang tatanungin
● Maaari po bang magbigay ng mungkahi?
● Maaari po bang magdagdag sa sinabi ninyo?
● Mahusay ang sinabi mo at ako man ay
● Para sa akin
● Sa aking palagay
● Sa tingin ko ay
● Tutol ako sa sinabi mo dahil

mga dapat isaalang-alang ˚୨୧⋆｡˚ ⋆

● Ilahad ang pananaw sa maayos at malumanay na paraan kahit pa hindi nito

sinasang-ayunan ang pananaw ng iba.
● Huwag pilitin ang kausap na sumang-ayon sa iyong pananaw o paninindigan kung may
matibay siyang dahilan para maniwala sa kasalungat ng iyong pananaw.
● Mas magiging matibay at makakukumbinsi sa iba kung ang pananaw na iyong
ipinaglalaban ay nakabatay sa katotohanan o sinusuportahan ng datos.
● Gumamit ng mga pahayag na simple para madaling maintindihan ng mga tagapakinig
ang iyong opinyon o pananaw.
● Kung magpapahayag ka sa isang pormal na okasyon, gumamit ka rin ng pormal na
pananalita at huwag kalimutang maging magalang gamit ang mga katagang po at opo.

paanong maayos at malumanay

● Iwasang magtaas ng boses.

● Iwasang maging sarkastiko
● Iwasang makasakit ng damdamin ng kapwa

you can disagree without being disagreeable

● pwede ka hindi sumangayon, pero bawal ka magsimula ng gulo

mga salitang hudyat sa pagsusunod-sunod na pangyayari ˚୨୧⋆｡˚ ⋆

● Paggamit ng pang-uring pamilang na may uring panunuran o ordinal upang malinaw na

masundan o makita ang tamang pagkakasunod-sunod.

hal: una, pangalawa, pangatlo

● Paggamit ng mga salitang naghuhudyat ng pagkakasunod-sunod.

hal: pang-uring pamilang+salitang hakbang: Unang hakbang o kasunod, pagkatapos, sa huli

● Kapag naman mga pangyayari sa kwento, napanood o nasaksihan ang

pinagsusunod-sunod madalas hindi gumagamit ng mga hudyat. Dapat nakaayos na
lamang nang sequencial ang mga ito.