Океанија е заедничко име за неколку групи на острови што се наоѓаат во
водите на Тихиот Океан.Тие се : -Меланезија -Микронезија -Полинезија -Нов Зеланд Меланезија ги опфаќа островите што се наоѓаат североисточно од Австралија.Во оваа група најголеми се островите Нова Гвинеја кој е претежно планински остров со височина од близу 5000 метри поделен помеѓу Индонезија и Папуа Нова Гвинеја,потоа Нова Британија,Нова Каледонија, Саломонови острови,Вануату и други. Микронезија зафаќа група на мали острови што се наоѓаат североисточно од Меланезија.Тука покарактеристични острови се Маријанските острови,Маршалските, Каролинските острови и Кирибати.Голем број од нив се корални острови(настанати со таложење на корални наноси и измерни организми). Полинезија опфаќа голем број на острови и островски групи во Тихиот Океан од кои најпознати се Хавајските острови,Божиќниот остров,Куковите Острови,островот Туамоту и други. Нов Зеланд е посебна група на острови.Најголеми се Северниот и Јужниот остров кои се претежно планински острови.На Јужниот остров се наоѓа највисокиот врв Кук кој е висок 3764 метри.Сите острови имаат вулканска активност,гејзири и жешки минерални води.Оваа група острови и припаѓа на државата Нов Зеланд. Бидејки повеќето од островите се наоѓаат во екваторскиот појас климата е претежно тропска со релативно високи температури и голема влажност.Реките се куси и полноводни со развиена и бујна тропска вегетација и со убави песочни плажи. Нов Зеланд се одликува со суптропска клима на Северниот и умерена клима на Јужниот остров.Најнаселени се островите Нова Гвинеја и Нов Зелан.Стопански најразвиен остров во Океанија е Нов Зеланд со високоразвиена индустрија и високо механизирано земјоделство.