Դաս 14: Բաժնետիրական ընկերությունների ֆինանսական

հաշվետվություններ
1.1. Բաժնետիրական ընկերություն
1.2. Կանոնադրական կապիտալ
1.3. Չբաշխված շահույթ և շահաբաժիններ
1.4. Լուսաբանող խնդիր. ֆինանսական արդյունքների մասին
հաշվետվություն
1.5. Լուսաբանող խնդիր. հաշվապահական հաշվեկշիռ
1.6. Թեսթային որոշ առաջադրանքներ

1.1 Բաժնետիրական ընկերություն

Բաժնետիրական ընկերությունն առևտրային

կազմակերպություն հանդիսացող տնտեսական ընկերություն է:
Բաժնետիրական ընկերությունը համարվում է
իրավաբանական անձ. այն ունի իր բաժնետերերի գույքից
առանձնացված գույք և ինքնուրույն հաշվապահական
հաշվեկշիռ: Ընկերությունը կարող է ձեռք բերել իրավունքներ,
կրել պարտականություններ, իր շահերը ներկայացնել
դատարանում: Բաժնետիրական ընկերության կանոնադրական
կապիտալը բաժանված է որոշակի թվով բաժնետոմսերի:

Եթե նախկինում ներկայացված հիմնական հաշվապահական

հավասարումը վերաձևենք բաժնետիրական ընկերության
համար, ապա կստացվի հետևյալը`

Ակտիվներ = Պարտավորություն + Բաժնետերերի կապիտալ

/սեփական կապիտալ/

1
Եթե հավասարության մեջ կատարենք փոխատեղում, ապա
բաժնետերերի /սեփական/ կապիտալն կարտահայտվի որպես
ընդհանուր ակտիվների և ընդհանուր պարտավորությունների
տարբերություն:

Բաժնետիրական ընկերության սեփականատերերը անվանվում

են բաժնետերեր, որովհետև սեփականության իրավունքով
նրանց է պատկանում ընկերության բաժնետիրական
ունեցվածքը: Բաժնետերերի սեփականության վկայությունը
հաստատվում է բաժնետոմսերի հավաստագրով: Վերջինս
անվանական արժեթուղթ է, որը հավաստում է բաժնետիրոջ
սեփականության իրավունքը մեկ կամ մի քանի բաժնետոմսերի
նկատմամբ: Բաժնետիրական ընկերությունը կարող է թողարկել
հասարակ /սովորական/, ինչպես նաև մեկ կամ մի քանի
տեսակի արտոնյալ բաժնետոմսեր:

Աշխարհի խոշորագույն ընկերությունների մեծ մասն իրենց

գործունեությունն են ծավալում բաժնետիրական ընկերության
կարգավիճակով: Բաժնետիրական ընկերության և
իրավաբանական անձ չհամարվող անհատ ձեռնարկատիրոջ
համեմատման արդյունքում կարելի է առանձնացնել
բաժնետիրական ընկերության որոշ նպաստավոր և ոչ
նպաստավոր կողմեր:

Բաժնետիրական ընկերության առավելություններից կարելի է

մատնանշել`
 սահմանափակ պատասխանատվությունը. ընկերությունը
պատասխանատու չէ իր բաժնետերերի
պարտավորությունների համար, իսկ բաժնետերերը
պատասխանատվություն չեն կրում ընկերության

2
 պարտավորություրնների համար: Ընկերությունն իր
պարտավորությունների համար պատասխանատու է իրեն
պատկանող ամբողջ գույքով: Բաժնետերերն իրենց
պատկանող բաժնետոմսերի արժեքի սահմաններում են
կրում ընկերության գործունեության հետ կապված
վնասների ռիսկը /սահմանափակ
պատասխանատվություն/:
 բաժնետերերի կողմից իրենց բաժնետոմսերը վաճառելու
հեշտությունը. ցանկության դեպքում ընկերության
բաժնետերերը իրենց բաժնետոմսերը կարող են վաճառել
արագ և դյուրին կերպով`շատ հաճախ այդ գործընթացում
ներգրավելով համապատասխան միջնորդ անձանց:
 շարունակականությունը. երբ բաժնետերը վաճառում է
իրեն պատկանող բաժնեմասը, ապա գործարքը կայանում
է բաժնետոմսի սեփականատիրոջ և գնորդի միջև: Քանի
դեռ ընկերությունն ինքը չի հանդիսանում գնորդ կամ
վաճառող, այն տվյալ գործառնության մեջ ներգրավված չէ:
Նշանակում է, որ նույնիսկ ընկերության բաժնետոմսերի
վաճառքի և բաժնետերերի ակտիվ փոփոխության
պայմաններում, ընկերության գործունեությունը լայն
իմաստով չի դանդաղում կամ տուժում: Նշենք, որ
բաժնետոմսերի սեփականատերերի վերաբերյալ
ընկերության բաժնետերերի ռեեստրում կատարվում են
համապատասխան գրառումներ:
 ֆինանսական միջոցներ համախմբելու /ներգրավելու/
հեշտությունը. սահմանափակ պատասխանատվությունն
ու բաժնետոմսերի առքուվաճառքի գործընթացի
հարաբերական հեշտությունն ու հարմարությունը
հասկանալի են դարձնում այն հանգամանքը, թե
ներդրողներն ինչու են ավելի շատ հակված լինում ներդնել

3
 բաժնետիրական ընկերություններում, քան այլ
կազմակերպաիրավական ձեռնարկումներում: Իսկ
ներդրողների ներգրավումը ընկերությանը
հնարավորություն է տալիս ունենալ անհրաժեշտ
կապիտալ և ընդարձակել տնտեսական գործունեությունը:
ս
Բաժնետիրական ընկերության հարաբերականորեն ոչ
նպաստավոր կողմերից կարելի է մատնանշել, օրինակ,
ընկերություն սկզբնավորելու և վարելու առնչությամբ
իրավական դաշտի հետ կապված որոշ համեմատական
բարդություններ: Ընկերությունը հիմնադրվում է հիմնադիր
ժողովի որոշմամբ և հիմնադիրների միջև գրավոր պայմանագիր
կնքելու և բաժնետոմսեր տեղաբաշխելու ճանապարհով, որոնք
ունեն իրավական ընթացակարգեր և կարգավորումներ: Ի
հակադրություն դրա, օրինակ, անհատ ձեռնարկատիրությունը
կարող է սկզբնավորվել րոպեների ընթացքում`իրավական
առավել պարզ ընթացակարգերի կիրառմամբ:
Wսսսhs a Corporation?
Բաժնետիրական ընկերության կառավորումը
Ինչպես նշվեց, բաժնետիրական ընկերության
սեփականատերերն ընկերության բաժնետերերն են:
Վերջիններս ունեն բաժնետոմսեր, որոնք հավաստում են նրանց
սեփականության իրավունքը: Քանի որ շատ հաճախ
գործնականում հնարավոր չէ բազմաթիվ /երբեմն հազարավոր/
բաժնետերերի հավաքել մի սեղանի շուրջ և այդ կերպով
խելամտորեն կազմակերպել արդյունավետ քննարկում,
ընկերության ընդհանուր ղեկավարումը սովորաբար
իրականացվում է ընդհանուր ժողովի կողմից ընտրված
խորհրդի կողմից: Վերջինս կարող է ունենալ բազմաթիվ
կարևոր հարցերի վերաբերյալ որոշումներ ընդունելու

4
իրավասություններ, այդ թվում, օրինակ, բաժնետոմսերի
անվանական արժեքի մեծացման, պարտատոմսերի
տեղաբաշխման, գույքի արժեքի որոշման, գործադիր մարմնի
ձևավորման և այլ բազմաթիվ հարցերում: Խորհրդի
իրավասությունն է պատկանում նաև վճարվելիք տարեկան
շահաբաժինների չափի վերաբերյալ ընդհանուր ժողովին
առաջարկությունների ներկայացումը, միևնույն ժամանակ,
միջանկյալ շահաբաժինների չափի սահմանումը: Խորհրդի
աշխատանքները սովորաբար կազմակերպվում են խորհրդի
կողմից ընտրված նախագահի միջոցով: Ընկերության
գործունեության ընթացիկ ղեկավարումը իրականացնում է
գործադիր մարմինը /գործադիր տնօրենը/: Վերջինս տնօրինում
է ընկերության գույքը, գործարքներ է կնքում ընկերության
անունից, ստորագրում է պայմանագրեր /այդ
թվում`աշխատանքային/, և այլն:
Ընկերության ֆինանսական պլանավորման և հաշվապահական
հաշվառման գործառույթներն դրվում են համապատասխան
պաշտոնյաների վրա: Ֆինանսատնտեսական գործունեության
վերահսկումն իրականացվում է վերստուգող հանձնաժողովի
կողմից: Սովորաբար այն ընտրվում է ժողովի կողմից: Ժողովը
նաև հաստատում է ընկերության արտաքին աուդիտն
իրականացնող անձին:

1.2 Կանոնադրական կապիտալ

Բաժնետիրական ընկերության կանոնադրական կապիտալը

կազմվում է բաժնետերերի կողմից ձեռք բերված բաժնետոմսերի
անվանական արժեքից: Ինչպես նշվել է, ընկերությունը կարող է
թողարկել հասարակ /սովորական/, ինչպես նաև մեկ կամ մի
քանի տեսակի արտոնյալ բաժնետոմսեր: Ընդ որում,

5
ընկերությունն իրավունք ունի մեծացնելու բաժնետոմսերի
անվանական արժեքը, ինչպես նաև լրացուցիչ բաժնետոմսեր
տեղաբաշխելու միջոցով ավելացնելու կանոնադրական
կապիտալը: Իսկ կանոնադրական կապիտալի նվազեցում
ընկերությունը կարող է կատարել բաժնետոմսերի անվանական
արժեքի փոքրացման կամ դրանց ընդհանուր քանակի
պակասեցման միջոցով:

Ընկերության բաժնետերերի կողմից ձեռք բերված

բաժնետոմսերի /տեղաբաշխված բաժնետոմսերի/ քանակն ու
անվանական արժեքը սահմանվում են ընկերության
կանոնադրությամբ: Կանոնադրությամբ կարող են սահմանվել
նաև հայտարարված բաժնետոմսերի քանակն ու անվանական
արժեքը: Դրանք այն բաժնետոմսերն են, որոնք ընկերությունը
կարող է տեղաբաշխել, բացի տեղաբաշխված բաժնետոմսերից:
Այլ խոսքով, բաժնետոմսերի այն առավելագույն քանակն է, որը
թույլատրված է թողարկել տվյալ ընկերության կողմից: Երբեմն
այն անվանվում է բաժնետոմսերի թողարկման թույլատրելի
քանակություն:

Լուսաբանող օրինակ
Ընդունենք, որ նոր ստեղծվող ընկերության հիմնադիրները
գնահատում են, որ ընկերության ֆինանսավորումն
ապահովելու և գործունեությունը հունի մեջ դնելու համար
ահնրաժեշտ է թողարկել /տեղաբաշխել/ 1 000 հասարակ
բաժնետոմսեր: Միաժամանակ, մեկ տարի հետո հիմնադիրները
նախատեսում են ընդլայնել ձեռնարկության գործունեությունը,
որի համար անհրաժեշտ կլինի թողարկել լրացուցիչ
բաժնետոմսեր: Բացի դրանից, բաժնետերերը պլանավորում են
հինգ տարի հետո գնել այլ ընկերություն և դրա ձեռքբերման

6
պահին նորից նախատեսում են թողարկել լրացուցիչ
բաժնետոմսեր:

Այսպիսով, իրենց կատարած պլանավորման ու գնահատման

արդյունքում հիմնադիրները որոշում են, որ ընկերության
կանոնադրությամբ կարիք կլինի հայտարարել 100 000
բաժնետոմս, չնայած որ հիմնադրման պահին նրանք
նախատեսում են թողարկել միայն 1 000 բաժնետոմս:

Որոշ մեկնաբանություն
Երբ ընկերությունը վաճառում է իր կողմից հայտարարված
բաժնետոմսերի մի մասը, ապա այդ մասը համարվում ու
բնութագրվում է որպես տեղաբաշխված: Շատ հաճախ,
տեղաբաշխված բաժնետոմսերի քանակը նկատելիորեն պակաս
է լինում հայտարարված բաժնետոմսերի քանակից:

Եթե բաժնետոմսը տեղաբաշխվել է և հետ չի գնվել ընկերության

կողմից, ապա ասվում է, որ այն գտնվում է շրջանառության
մեջ /շրջանառվող է/: Օրինակ, եթե ընկերությունը տեղաբաշխել
է
2 000 բաժնետոմս և դրանցից հետ չի գնել ոչ մեկը, ապա
շրջանառության մեջ գտնվող բաժնետոմսերի քանակը 2 000 է:
Շրջանառության մեջ գտնվող բաժնետոմսերի քանակը
մշտապես փոքր կամ հավասար է տեղաբաշխված
բաժնետոմսերի քանակին: Տեղաբաշխված բաժնետոմսերի
քանակը մշտապես փոքր կամ հավասար է հայտարարված
բաժնետոմսերի քանակին:
Մաթեմատիկորեն կարելի է պատկերել`
Շրջանառության մեջ գտնվող բաժնետոմսերի քանակ <=
տեղաբաշխված բաժնետոմսերի քանակ <=

7
հայտարարված բաժնետոմսերի քանակ:

Ներդրողները բաժնետոմսերի դիմաց ընկերությանը կարող են

վճարել ինչպես դրամական միջոցներով, այնպես էլ նյութական
կամ ոչ նյութական ակտիվներով: Դրամական միջոցներով
վճարելու դեպքում ընկերության գրանցամատյանում տրվում է
հետևյալ հաշվապահական ձևակերպումը`
Դտ Դրամական միջոցներ /դրամարկղ, հաշվարկային հաշիվ, և
այլն/
Կտ Կանոնադրական կապիտալ,

Իսկ այլ ակտիվներով վճարելու դեպքում`

Դտ Այլ ակտիվներ /Հիմնական միջոցներ, ոչ նյութական

ակտիվներ, և այլն/
Կտ Կանոնադրական կապիտալ

Երբ ընկերությունը տեղաբաշխել է բաժնետոմսեր, սակայն

ներդրողներից դրանց դիմաց չի ստացել կամ ստացել է
մասնակի վճարում, ապա տրվում է`

Դտ Չվճարված կապիտալ
Կտ Կանոնադրական կապիտալ`

բաժնետոմսերի անվանական արժեքի և դրանց դիմաց վճարված

գումարի տարբերության չափով:

Երբ ընկերությունն իր բաժնետոմսերում ներդրում կատարած

անձանցից հետ է գնում բաժնետոմսերը, ապա նմանատիպ

8
գործարքները ֆինանսական հաշվառման մեջ արտացոլվում են
հետևյալ կարգով`
Դտ Հետ գնված կապիտալ
Կտ Դրամական միջոցներ /գնման գնով/

Թե չվճարված և թե հետգնված կապիտալն արտացոլող

հաշիվները բնույթով ակտիվային`կարգավորող հաշիվներ են:
Հաշվապահական հաշվեկշռում այդ հաշիվների մնացորդը
ենթակա է սեփական կապիտալից նվազեցման, իսկ ավելի
կոնկրետ`կանոնադրական կապիտալի ընդհանուր գումարում
դրանք ներառվում են բացասական նշանով:

Երբ ընկերությունը տեղաբաշխում է բաժնետոմս, և վաճառքի

շուկայական գինը ավելի բարձր է, քան անվանականը, ապա
բաժնետոմսի վաճառքի և անվանական արժեքի տարբերության
չափով հաշվառման մեջ տրվում է նման ձևակերպում`

Դտ Դրամական միջոցներ
Կտ Բաժնետոմսերի հավելավճար /կամ էմիսիոն եկամուտ/

Օրինակ
Գործառնություն 1.1:
Ընկերությունը թողարկել է 25 000 բաժնետոմս: Մեկ
բաժնետոմսի անվանական արժեքը 4 պ.մ. է: Բաժնետոմսերն
իրացվել են 6 պ.մ. գնով:

Հաշվապահական գրանցամատյանում տրվում է հետևյալ

ձևակերպումը`
Դտ Դրամական միջոցներ 150 000
Կտ Կանոնադրական կապիտալ /անվան.արժեք/ 100 000

9
Կտ Կապիտալի հավելավճար /կամ էմիսիոն եկամուտ/ 50 000

Այս հաշիվների ազդեցությունը հաշվեկշռի վրա կլինի`

Ակտիվներում
Դրամական միջոցներ 150 000

Կապիտալում
Կանոնադրական կապիտալ 100 000
Հավելավճար /էմիսիոն եկամուտ/ 50 000

Գործառնություն 1.2:
Ընկերությունը n ամսաթվին հետ է գնում 100 հատ սեփական
բաժնետոմս`8 պ.մ.-ով:

Հետգնումը արտացոլվում է`
Դտ Հետ գնված կապիտալ
Կտ Դրամական միջոցներ /կամ ընթացիկ պարտավոր./ 800

Այս հաշվի ազդեցությունը հաշվեկշռի վրա կլինի`

Ակտիվներում
Դրամական միջոցներ 149 200
Կապիտալում
Կանոնադրական կապիտալ 100 000
Հավելավճար /էմիսիոն եկամուտ/ 50 000
Հետ գնված կապիտալ (800)

Գործառնություն 1.3:
Ընկերությունը n+1 ամսաթվին n ամսաթվին հետգնված
բաժնետոմսերից վաճառում է 40 հատը`10 պ.մ. գնով և ստանում
է գործարքի գծով վճարման ենթակա գումարը:

10
Հետգնված բաժնետոմսերի վաճառքի գործառնությունը
հաշվապահական մատյանում գրանցվում է`
Դտ Դրամական միջոցներ 400
Կտ Հետգնված կապիտալ /հետգնման գին/ 320
Կտ Հետգնված բաժնետոմսերի հավելավճար 80

Այս գործառնության ազդեցությունը հաշվեկշռի վրա կլինի`

Ակտիվներում
Դրամական միջոցներ 149 600
Կապիտալում
Կանոնադրական կապիտալ 100 000
Հավելավճար /էմիսիոն եկամուտ/ 50 080
Հետ գնված կապիտալ (480)

1.3 Չբաշխված շահույթ և շահաբաժիններ

Պարզ խոսքով, ընկերությունն իր գործունեության ընթացքում

զուտ շահույթի հետ կարող է վարվել երկու հիմնական ձևով`ա.
վճարել շահաբաժիններ բաժնետերերին կամ բ. զուտ շահույթը
պահել և օգտագործել հետագա գործունեության նպատակով:
Զուտ շահույթի գումարը, որն ընկերությունը պահում է և չի
բաշխում բաժնետերերին, ներառվում է սեփական կապիտալում
և անվանվում է չբաշխված շահույթ: Վերջինս արտացոլող
հաշիվը սովորաբար ունենում է կրեդիտային մնացորդ:

Այսպիսով, “չբաշխված շահույթ” հասկացությունը վերաբերվում

է ընկերության կուտակած զուտ եկամտին /շահույթին/: Այն
արտացոլում է ընկերության գործունեության սկզբից

11
կուտակված զուտ շահույթի և ընկերության կողմից
հայտարարված շահաբաժինների ընդհանուր գումարի
տարբերությունը: Նկատելի է, որ շահութաբեր
կազմակերպությունը տարիների գործունեության արդյունքում
հնարավոր է ունենա չբաշխված շահույթի բավականին մեծ
կրեդիտային մնացորդ, որը շատ հաճախ կարող է գերազանցել
ներդրողներից ներգրաված կանոնադրական կապիտալը:
Սակայն, մյուս կողմից, եթե ընկերությունը տարիների
գործունեության արդյունքում զուտ հաշվով կրել է վնասներ,
ապա կուտակված ֆինանսական արդյունքներն արտացոլող
մնացորդը կլինի բացասական: Այս դեպքում, հաշվեկշռային
հոդվածի բնորոշման համար կիրառվում են “Չծածկված վնաս”
կամ “Կուտակված վնաս” անվանումները, և այս հաշիվը
սովորաբար ունենում է դեբետային մնացորդ:

Բաժնետիրական ընկերությունն իրավունք ունի որոշում

ընդունել /հայտարարել/ իր բաժնետերերի /հիմնադիրներ,
մասնակիցներ/ բաժնետոմսերի դիմաց միջանկյալ
/եռամսյակային կամ կիսամյակային/ կամ տարեկան
շահաբաժինների վճարման մասին: Շահաբաժինները վճարվում
են զուտ շահույթից /չբաշխված շահույթից/: Այլ խոսքով,
շահաբաժինների վճարման աղբյուրը ընկերության տվյալ
տարվա զուտ շահույթն է, և նախորդ տարիների գործունեության
ընթացքում զուտ շահույթը չբաշխելու /չօգտագործելու/
հետևանքով կուտակված շահույթը: Ընկերության կողմից
հայտարարված տարեկան շահաբաժինների չափը չի կարող
պակաս լինել արդեն վճարված միջանկյալ շահաբաժինների
չափից: Եթե տարեկան շահաբաժինների չափը սահմանվում է
արդեն վճարված միջանկյալ շահաբաժինների չափին
հավասար, ապա տվյալ տեսակի բաժնետոմսերի դիմաց

12
տարեկան շահաբաժիններ չեն վճարվում: Բնականաբար,
տարեկան շահաբաժինների` վճարված միջանկյալ
շահաբաժիններից ավելի մեծ չափով սահմանման դեպքում,
վճարվում է նշված գումարների տարբերությունը: Ընկերության
ընդհանուր ժողովն իրավունք ունի որոշում ընդունել առանձին
տեսակի բաժնետոմսերի դիմաց շահաբաժիններ չվճարելու,
ինչպես նաև կանոնադրությամբ շահաբաժնի սահմանված չափ
ունեցող արտոնյալ բաժնետոմսերի դիմաց շահաբաժինները ոչ
լրիվ չափով վճարելու մասին:
Այսպիսով, շահաբաժինների վճարման գործընթացի
տեսանկյունից տարբերակվում են հայտարարման և վճարման
ամսաթվերը: Առաջին դեպքում խոսքն ընկերության կողմից իր
բաժնետերերին շահաբաժիններ վճարելու վերաբերյալ որոշման
ընդունման /հայտարարման/ ամսաթվի, իսկ երկրորդ
դեպքում`հայտարարված շահաբաժինների փաստացի
վճարման ամսաթվի մասին է:
Տարեկան շահաբաժինների հայտարարման գործառնությունը
ֆինանսական հաշվառման մեջ արտացոլվում է հետևյալ կերպ`
Դտ Չբաշխված շահույթ
Կտ Կարճաժամկետ կ/պ հիմնադիրներին /մասնակիցներին/,
իսկ միջանկյալ շահաբաժինների հայտարարման դեպքում
տրվում է`
Դտ Միջանկյալ շահաբաժիններ
Կտ Կարճաժամկետ կ/պ հիմնադիրներին /մասնակիցներին/:
Ընդ որում, տարեկան շահաբաժինների հայտարարումից հետո
հայտարարված միջանկյալ շահաբաժինները դուրս են գրվում
հակադարձ գործառնությամբ`
Դտ Կարճաժամկետ կ/պ հիմնադիրներին /մասնակիցներին/
Կտ Միջանկյալ շահաբաժիններ

13
1.4 Լուսաբանող խնդիր. ֆինանսական արդյունքների մասին
հաշվետվություն

14
15
Խնդրի լուծում

16
17
18
1.5 Լուսաբանող խնդիր. հաշվապահական հաշվեկշիռ

19
20
1.6 Թեսթային որոշ առաջադրանքներ
1. Ընկերության կողմից հայտարարված տարեկան
շահաբաժինների չափը արդեն վճարված միջանկյալ
շահաբաժինների չափից
ա. չի կարող ավելի լինել,
բ. չի կարող հավասար լինել,
գ. չի կարող պակաս լինել,
դ. չի կարող ավելի կամ պակաս լինել:

21
2. Երբ ընկերությունը տեղաբաշխում է բաժնետոմս, և վաճառքի
շուկայական գինը ավելի բարձր է, քան անվանականը, ապա
բաժնետոմսի վաճառքի և անվանական արժեքի տարբերության
չափով հաշվառման մեջ արտացոլվում է`
ա. չվճարված կապիտալ,
բ. հետգնված կապիտալ,
գ. բաժնետոմսի հավելավճար,
դ. չբաշխված շահույթի մեծացում:

3.Երբ ընկերությունը վաճառում է իր կողմից նախկինում

հետգնված բաժնետոմսը, ապա հետգնված բաժնետոմսի
վաճառքի գնի և հետգնման գնի դրական տարբերության չափով
հաշվառման մեջ արտացոլվում է`
ա. չվճարված կապիտալ,
բ. հետգնված կապիտալ,
գ. բաժնետոմսի հավելավճար,
դ. չբաշխված շահույթի մեծացում:

Հաջորդ թեմաներ
Դաս 15: Պահուստներ, պայմանական պարտավորություններ և
պայմանական ակտիվներ
Դաս 16: Ակտիվների արժեզրկում

22