Դաս 16.

Ակտիվների արժեզրկում

1.1. Իրական արժեք`հանած վաճառքի ծախսումներ,

օգտագործման արժեք, փոխհատուցվող գումար
1.2. Արժեզրկումից կորուստ
1.3. Արժեզրկման հայտանիշներ
1.4. Արժեզրկման կորստի ճանաչումը և չափումը
1.5. Դրամաստեղծ միավոր և դրամաստեղծ միավորի
արժեզրկում
1.6. Ակտիվների արժզրկմանն առնչվող հաշվապահական
գրանցումներ
1.7. Թեսթային որոշ առաջադրանքներ

1.1 Իրական արժեք`հանած վաճառքի ծախսումներ,

օգտագործման արժեք, փոխհատուցվող գումար
Իրական արժեք`հանած վաճառքի ծախսումներ
Ակտիվի “իրական արժեք`հանած վաճառքի ծախսումներ”
հասկացությունը արտահայտում է այն գինը, որը կստացվի
կանոնավոր գործառնության ընթացքում շուկայի
մասնակիցների միջև ակտիվը վաճառելիս կամ
պարտավորությունը մարելիս, որից հանվում են վաճառքի
կազմակերպման համար անհրաժեշտ ծախսումները: “Իրական
արժեք`հանած վաճառքի ծախսումներ” արտացոլող գումարի
չափումը կարող է կատարվել`
o վաճառողի և գնորդի միջև պարտավորեցնող
պայմանագրի գումարով, եթե նման պայմանագիր առկա
է, կամ`
o ընթացիկ շուկայական գնով`հանած օտարման
ծախսումները (երբ առկա է գործող շուկա):

1
Ուրեմն, ընթացիկ շուկայական գնին հղումը կիրառելի է, երբ
առկա է գործող շուկա: Վերջինիս առկայությունը բնորոշող
պայմանները կամ հատկանիշները բերված են ստորև`
 շուկայում շրջանառվող բոլոր միավորները միատեսակ
/համասեռ/ են,
 սովորաբար ցանկացած պահի հնարավոր է գտնել
պատրաստակամ գնորդներ և վաճառողներ,
 գների մասին տեղեկատվությունը մատչելի է
հանրությանը:
Գործնականում, նման շուկաներ հազվադեպ են հանդիպում:
Գործող շուկայի բացակայության դեպքում, իրական արժեքին
կամ ընթացիկ շուկայականին փոխարինող գին պետք է վերցվի
այն գումարը, որը կազմակերպությունը կվճարի անկախ
կողմերի միջև գործարքում`”մեկնած ձեռքի հեռավորության”
սկզբունքով:

Օգտագործման արժեք
Ակտիվի օգտագործման արժեքն ակտիվից ակնկալվող ապագա
դրամական ներհոսքերի և արտահոսքերի /զուտ հոսքերի/
ներկա արժեքն է: Այսպիսով, օգտագործման արժեքը կարող է
որոշվել`գնահատելով ակտիվից ակնկալվող դրամական զուտ
հոսքերը և կիրառելով համապատասխան զեղչման
տոկոսադրույք`դրանց ներկա արժեքն արտահայտելու համար:
Հասկանալի է, որ ակտիվի օգտակար ծառայության վերջում`
դրա հնարավոր օտարումից ակնկալվող դրամական
ներհոսքերը նույնպես ենթակա են հաշվի առնման:
Միաժամանակ, կարելի է ավելացնել, որ գնահատման
ժամանակ ենթակա չեն ներառնման այն դրամական հոսքերը,
որոնք առնչվում են ֆինանսական գործունեությանը և
շահութահարկին:

2
Փոխհատուցվող գումար
Ակտիվի փոխհատուցվող գումարն ակտիվի իրական
արժեքից /առանց վաճառքի ծախսումների/ և օգտագործման
արժեքից առավելագույնն է:

Այդպիսով, որպես փոխհատուցման գումար դիտվում է հետևյալ

երկու արժեքային արտահայտություններից ավելի մեծը`
 իրական արժեք`հանած վաճառքի ծախսումներ,
 օգտագործման արժեք:

1.2 Արժեզրկումից կորուստ

ՀՀՄՍ 36 “Ակտիվների արժեզրկում” ստանդարտը
ներկայացնում է խնդրո թեմային առնչվող համապատասխան
կարգավորող ուղեցույցներ: Ստանդարտի նպատակն է
սահմանել կազմակերպության կողմից կիրառման ենթակա
կանոններ, որոնք կապահովեն և կտան կանոնակարգում, որ
կազմակերության ակտիվները չհաշվառվեն ավելի մեծ
գումարով, քան դրանց փոխհատուցվող գումարն է:

ՀՀՄՍ 36 “Ակտիվների արժեզրկում” ստանդարտի

գործողությունը տարածվում է, մասնավորապես, հետևյալ
ակտիվների վրա`
o հողամասեր,
o շինություններ,
o մեքենաներ և սարքավորումներ,
o ոչ նյութական ակտիվներ,
o գուդվիլ, և այլն:

 Ակտիվը համարվում է արժեզրկված, եթե դրա

փոխհատուցվող գումարը փոքր է ընթացիկ զուտ

3
 հաշվեկշռային արժեքից: Համապատասխան
արժեզրկումից կորուստն անմիջապես ճանաչվում ու
արտացոլվում է ֆինանսական արդյունքների
հաշվետվության մեջ:

Օրինակ-Փոխհատուցվող գումար, արժեզրկումից կորուստ

Ակտիվ 1-ի, ակտիվ 2-ի և ակտիվ 3-ի վերաբերյալ առկա է
հետևյալ տեղեկատվությունը`
Ակտիվ 1 Ակտիվ 2 Ակտիվ 3
000 պ.մ. 000 պ.մ. 000 պ.մ.
Զուտ
հաշվեկշռային
արժեք 90 140 110
Զուտ
իրացման
արժեք 100 120 90
Օգտագործման
արժեք 110 130 80

ա. Որքան է կազմում փոխհատուցվող գումարը`յուրաքանչյուր

ակտիվի համար
բ. Հաշվարկել արժեզրկումից կորուստը`երեք ակտիվներից
յուրաքանչյուրի համար

Լուծում- Փոխհատուցվող գումար, արժեզրկումից կորուստ

Փոխհատուցվող գումարն ակտիվներից յուրաքանչյուրի համար
կկազմի`
Ակտիվ 1. 110 000 պ.մ.
Ակտիվ 2. 130 000 պ.մ.
Ակտիվ 3. 90 000 պ.մ.

4
Արժեզրկումից կորուստն ակտիվներից յուրաքանչյուրի համար
կկազմի`
Ակտիվ 1. 0 պ.մ. /ակտիվն արժեզրկված չէ/
Ակտիվ 2. 10 000 պ.մ.
Ակտիվ 3. 20 000 պ.մ.

1.3 Արժեզրկման հայտանիշներ

ՀՀՄՍ 36 “Ակտիվների արժեզրկում” ստանդարտը պահանջում
է, որ յուրաքանչյուր հաշվետու ժամանակաշրջանի վերջի
դրությամբ կազմակերպությունը գնահատի, թե արդյոք առկա են
որոշակի հայտանիշներ, որոնք կարող են վկայել ակտիվն
արժեզրկված լինելու մասին:

Արժեզրկման հայտանիշները կարող են ծագել ինքնին

կազմակերպության ներսում /տեղեկատվության ներքին
աղբյուրներից/ կամ էլ դրանք կարող են ի հայտ գալ արտաքին
շուկայական իրավիճակների արդյունքում /տեղեկատվության
արտաքին աղբյուրներից/:

Արժեզրկման հայտանիշներ`տեղեկատվության արտաքին

աղբյուրներից
 Ակտիվի շուկայական արժեքն ընկել է ավելի, քան իրապես
ակնկալվում էր:
 Տեխնոլոգիական, շուկայական, տնտեսական կամ
իրավական միջավայրի փոփոխությունները ոչ
բարենպաստ ազդեցություն են գործել կազմակերպության
գործունեության վրա:
 Շուկայական տոկոսադրույքներն աճել են`այդպիսով
ավելացել է զեղչման տոկոսադրույքը, որը կիրառվում է

5
 ակտիվի օգտագործման արժեքի գնահատման
նպատակով:

Արժեզրկման հայտանիշներ`տեղեկատվության ներքին

աղբյուրներից
 Առկա է վկայություն ակտիվի զգալի հնացածության կամ
վնասման վերաբերյալ:
 Փոփոխություններ են են տեղի ունեցել կամ ակնհայտորեն
հստակ է, որ ակտիվի օգտագործման եղանակները կամ
ուղղությունները փոփոխվել են:
 Ներքին հաշվետվական աղբյուրներից առկա է
վկայություն, որ ակտիվի տնտեսական գործառնության
արդյունավետությունը կամ օգտակարությունը նվազել է,
կամ էլ կնվազի ավելի մեծ աստիճանով, քան իրապես
ակնկալվում է:

Եթե առկա են արժեզրկման հայտանիշներ, ապա ակտիվն

արժեզրկված լինելու վերհանմանն ուղղված պետք է
իրականացվեն դիտարկումներ:

Արժեզրկման վերաբերյալ տարեկան դիտարկում

Համանման վերևում ասվածին, եթե ակտիվների արժեզրկման
վերաբերյալ վկայություններ կամ հայտանիշներ առկա չեն,
ապա կարիք չկա իրականացնել որևէ գործողություն այդ
կապակցությամբ:

Այս կանոնից բացառություն են կազմում հետևյալ խումբ ու

հետևյալ առանձնահատկություններ ունեցող ակտիվները`
 ձեռնարկատիրական գործունեության միավորման
արդյունքում առաջացած գուդվիլը,

6
  օգտակար ծառայության անորոշ ժամկետ ունեցող ոչ
նյութական ակտիվները,
 օգտագործման համար դեռևս ոչ պիտանի ոչ նյութական
ակտիվները:

Բերված ակտիվների առնչությամբ, անկախ այն

հանգամանքից, թե արդյոք նկատվել են արժեզրկման
հայտանիշներ, թե ոչ, ՀՀՄՍ 36-ը պահանջում է արժեզրկման
տարեկան դիտարկում /նկարագրված ներքևում/:

1.4 Արժեզրկումից կորստի ճանաչումը և չափումը

Եթե առկա են արժեզրկում վկայող հայտանիշներ, ապա պետք է
իրականացվի արժեզրկման վերաբերյալ դիտարկում: Այդ
կապակցությամբ`
 պետք է գնահատվի ու հաշվարկվի ակտիվի
փոխհատուցվող գումարը,
 ակտիվի արժեքը պետք է նվազեցվի /դուրս գրվի/ մինչև
փոխհատուցվող գումար,
 արժեզրկման կորուստը պետք է անմիջապես ճանաչվի
ֆինանսական արդյունքների մասին հաշվետվության մեջ
/շահույթ կամ վնասում/:
Միակ բացառությունը կլինի, երբ արժեզրկման կորուստը
հակադարձում է նախկինում արձանագրված վերագնահատման
աճը, որն արտացոլվել է վերագնահատման պահուստում
/սեփական կապիտալ/: Այս դեպքում, արժեզրկման կորուստը
նախ կարտացոլվի վերագնահատման պահուստում /սեփական
կապիտալում/ առկա կրեդիտային մնացորդի չափով /իհարկե,
սկզբնապես գրանցվելով այլ համապարփակ արդյունքում/: Երբ
նախկինում տեղի ունեցած վերագնահատման աճը կամ
վերագնահատման պահուստի կրեդիտային մնացորդը

7
ամբողջությամբ կհակադարձվի, ապա այդուհետ, արժեզրկման
կորստի մնացած մասը /եթե առկա է/ կարտացոլվի
ֆինանսական արդյունքներում`շահույթ կամ վնասում:

Օրինակ-Արժեզրկման կորստի հաշվապահական արտացոլումը

Կազմակերպությանը սեփականության իրավունքով
պատկանում է սարքավորում, որը սկզբնապես ձեռք է բերվել
200 000 պ.մ. գումարով: Նշված հիմնական միջոցի արժեքը`
հետագա վերագնահատման արդյունքում`կազմել է 400 000 պ.մ.,
ըստ այդմ, վերագնահատման 200 000 պ.մ. աճը արտացոլվել է
այլ համապարփակ ֆինանսական արդյունքում, և
այնուհետ`սեփական կապիտալի “վերագնահատման
պահուստ” հաշվում: Սարքավորման տվյալ պահի /ընթացիկ/
զուտ հաշվեկշռային արժեքը կազմում է 380 000 պ.մ., սակայն
հենց վերջերս կատարված գնահատման արդյունքում ակտիվի
փոխհատուցման գումարը եղել է 150 000 պ.մ.:

Որքան է կազմում ակտիվի արժեզրկման կորուստը և ինչպես

պետք է այն արտացոլվի ֆինանասական հաշվետվության մեջ:

Լուծում- Արժեզրկման կորստի հաշվապահական արտացոլումը

Սարքավորման գծով արժեզրկումը կազմել է 230 000 պ.մ.
/380 000-150 000/, այսինքն`զուտ հաշվեկշռային արժեքի
գերազանցումը փոխհատուցման գումարի նկատմամբ:

Քանի որ, նշված վերագնահատման աճի արդյունքում սեփական

կապիտալի վերագնահատման պահուստում առկա է
կրեդիտային մնացորդ`200 000 պ.մ. գումարով, ապա
արժեզրկման կորուստը`վերագնահատման պահուստում առկա
կրեդիտային մնացորդի չափով`նախ կվերագրվի սեփական

8
կապիտալին /մինչ սեփական կապիտալում ներառնվելը`
վերաչափումից կորուստը կարտացոլվի այլ համապարփակ
ֆինանսական արդյունքում/.

Դտ “Ոչ ընթացիկ ակտիվների վերաչափումից կորուստ” /այլ

համապարփակ ֆինանսական արդյունք/ 200 000
Կտ “Ոչ ընթացիկ ակտիվների արժեզրկում”

Դտ “Ոչ ընթացիկ ակտիվների վերագնահատումից արժեքի

աճ” /սեփական կապիտալ/ 200
000
Կտ “Ոչ ընթացիկ ակտիվների վերաչափումից կորուստ” /այլ
համապարփակ ֆինանսական արդյունք/

Իսկ արժեզրկման կորստի գումարի մնացած մասը`30 000

պ.մ.-ը /230 000-200 000/ իր արտացոլումը կգտնի ֆինանսական
արդյունքներում /շահույթ կամ վնասում/.

Դտ “Ոչ ընթացիկ ակտիվների վերաչափումից կորուստ”

/շահույթ կամ վնաս/ 30 000
Կտ “Ոչ ընթացիկ ակտիվների արժեզրկում”

1.5 Դրամաստեղծ միավոր և դրամաստեղծ միավորի

արժեզրկում
Երբ գնահատվում է ակտիվների արժեզրկումը, ոչ բոլոր
դեպքերում է հնարավոր լինում արժեզրկման դիտարկումն
իրականացնել առանձին վերցրած կամ անհատական ակտիվի
նկատմամբ: Ստորև բերվում են այդ հանգամանքը լուսաբանող
նկարագրություններ:

9
  Օգտագործման արժեքի գնահատումն ու հաշվարկումը
հաճախ անհնար է լինում կատարել մեկ առանձին
վերցրած /անհատական/ ակտիվի համար, քանի որ շատ
դեպքերում հենց այդ մեկ, սակայն այլ ակտիվների հետ
համատեղ շահագործվող ակտիվից ակնկալվող
դրամական հոսքերը չեն կարող տարբերակվել կամ
նույնականացվել:
 Նմանատիպ դեպքերում, ակտիվի արժեզրկման
դիտարկումն ու առնչվող հաշվարկները պետք է
վերաուղղվեն ոչ թե այդ առանձին ակտիվի, այլև
ակտիվների համախմբի /դրամաստեղծ միավորի/
նկատմամբ:

 Դրամաստեղծ միավորը ակտիվների որոշելի

/տարբերակելի/ այն փոքրագույն համախումբն է, որը
դրամական ներհոսքեր է առաջացնում /ստեղծում/ մյուս
այլ ակտիվներից անկախ:

Օրինակ, ռեստորանային ցանց ներառող ընկերությունում,

որպես ակտիվների փոքրագույն համախմբի օրինակ կարող է
ծառայել տվյալ`մեկ առանձին ռեստորանի ակտիվները: Մյուս
կողմից, օրինակ հանքային արդյունաբերության ոլորտում
գործող ընկերության համար, դրամաստեղծ միավորը կարող է
բաղկացած լինել տվյալ ձեռնարկության բոլոր ակտիվներից:

Դրամաստեղծ միավորի արժեզրկման գնահատում ու

հաշվարկում
Դրամաստեղծ միավորի արժեզրկումը գնահատելիս`

10
  դրամաստեղծ միավորը դիտվում է որպես մեկ ակտիվ, ըստ
այդմ`
 դրամաստեղծ միավորի մեջ ներառնվող բոլոր ակտիվների
զուտ հաշվեկշռային արժեքների հանրագումարը
ներկայացնում է դրամաստեղծ միավորի զուտ
հաշվեկշռային արժեքը, և
 դրամաստեղծ միավորի մեջ ներառնվող բոլոր ակտիվների
փոխհատուցվող գումարների հանրագումարը
ներկայացնում է դրամաստեղծ միավորի փոխհատուցվող
գումարը, ուրեմն`
 Արժեզրկում առկա է, երբ դրամաստեղծ միավորի զուտ
հաշվեկշռային արժեքը գերազանցում է դրամաստեղծ
միավորի փոխհատուցման գումարը:

Դրամաստեղծ միավորի արժեզրկման գումարի վերագրումը

/բաշխումը/ ներառնված ակտիվների վրա
Ըստ ՀՀՄՍ 36-ի պահանջների, դրամաստեղծ միավորին
վերաբերելի արժեզրկումից կորուստը պետք է
բաշխվի`նվազեցնելով ներառնված ակտիվների հաշվեկշռային
արժեքը հետևյալ հերթագայությամբ`
1. ձեռնարկատիրական գործունեության միավորման
արդյունքում առաջացած գուդվիլ,
2. Դրամաստեղծ միավորի այլ ակտիվներ /ներառյալ, այլ ոչ
նյութական ակտիվները/`համամասնական բաշխման
կարգով`որպես բաշխման հիմք վերցնելով դրամաստեղծ
միավորի ամեն ակտիվի զուտ հաշվեկշռային արժեքը:
Ընդ որում, որևէ առանձին ակտիվի հաշվեշռային արժեքը
չպետք է նվազեցվի այնպիսի չափով, որի արդյունքում այդ
ակտիվի հաշվեկշռային արժեքը կարող է պակաս լինել դրա
փոխհատուցման գումարից:

11
1.6 Ակտիվների արժեզրկմանն առնչվող հաշվապահական
գրանցումներ
Ինչպես նշվել է վերևում, եթե գնահատվում է, որ ակտիվի գծով
առկա է արժեզրկում, ապա արժեզրկման կորուստը պետք է
անմիջապես ճանաչվի ֆինանսական արդյունքների մասին
հաշվետվության մեջ /շահույթ կամ վնասում/:

Սակայն բացառություն է այն իրավիճակը, երբ արժեզրկման

կորուստը հակադարձում է նախկինում արձանագրված
վերագնահատման աճը, որն արտացոլվել է վերագնահատման
պահուստում /սեփական կապիտալ/: Այս դեպքում,
արժեզրկման կորուստը նախ արտացոլվում է
վերագնահատման պահուստում /սեփական կապիտալում/
առկա կրեդիտային մնացորդի չափով /իհարկե, սկզբնապես
գրանցվելով այլ համապարփակ արդյունքում/:

Եվ, նախկինում տեղի ունեցած վերագնահատման աճ

մարմնավորող վերագնահատման պահուստի կրեդիտային
մնացորդի ամբողջությամբ հակադարձումից հետո`
արժեզրկման կորստի մնացած մասը /եթե առկա է/
կարտացոլվի ֆինանսական արդյունքներում`շահույթ կամ
վնասում:

Վերը նկարագրվածին համահունչ, երբ ակտիվի արժեզրկումից

կորուստը վերագրվում է ֆինանսական արդյունքին, ապա
արտացոլումը կլինի`

Դտ “Ոչ ընթացիկ ակտիվների վերաչափումից կորուստ”

/շահույթ կամ վնաս/

12
Կտ “Ոչ ընթացիկ ակտիվների արժեզրկում”

Եվ, եթե ակտիվի արժեզրկումից կորուստը վերագրվում է

սեփական կապիտալին, ապա պակասեցվում է առկա
կրեդիտային մնացորդը: Մինչև սեփական կապիտալում նշված
փոփոխության արձանագրվելը, գրանցումը կատարվում է
համապարփակ ֆինանսական արդյունքների մասին
հաշվետվության այլ համապարփակ ֆինանսական
արդյունքում: Վերջինի հետ կապված արտացոլումը հետևյալն
է`

Դտ “Ոչ ընթացիկ ակտիվների վերաչափումից կորուստ” /այլ

համապարփակ ֆինանսական արդյունք/
Կտ “Ոչ ընթացիկ ակտիվների արժեզրկում”

Ոչ ընթացիկ ակտիվների կուտակված արժեզրկումը հաշվառող

հաշիվը պասիվային է, կարգավորող: Այլ խոսքով, ֆինանսական
հաշվետվության մեջ արտացոլման ենթակա հաշվեկշռային
արժեքը հաշվառելիս`այն ակտիվի ընդհանուր /համախառն/
գումարի նկատմամբ ներառվում է բացասական
նշանով`կարգավորելով ակտիվի զուտ հաշվեկշռային արժեքը:

Ակտիվի օտարման ժամանակ`արժեզրկման կուտակված

գումարը ենթակա է դուրսգրման.

Դտ “Ոչ ընթացիկ ակտիվների արժեզրկում”

Կտ ”Ակտիվներ” հաշվառող համապատասխան հաշիվներ

Ոչ ընթացիկ ակտիվների արժեզրկման հակադարձումը

հաշվառման մեջ արտացոլվում է հետևյալ կարգով.

13
---երբ հակադարձումը վերագրվում է ֆինանսական
արդյունքին`

Դտ “Ոչ ընթացիկ ակտիվների արժեզրկում”

Կտ “Ոչ ընթացիկ ակտիվների վերաչափումից օգուտ” /շահույթ
կամ վնաս/

---երբ հակադարձումը վերագրվում է սեփական կապիտալին,

երբ մինչ սեփական կապիտալում արձանագրվելը
հակադարձումից օգուտը գրանցվում է այլ համապարփակ
ֆինանսական արդյունքում`

Դտ “Ոչ ընթացիկ ակտիվների արժեզրկում”

Կտ “Ոչ ընթացիկ ակտիվների վերաչափումից օգուտ” /այլ
համապարփակ ֆինանսական արդյունք/

Կազմակերպությունը, ոչ ընթացիկ նյութական և ոչ ընթացիկ ոչ

նյութական ակտիվների հաշվառմանը համահունչ, սովորաբար
կիրառում է առանձին հաշիվներ`նյութական և ոչ նյութական
ակտիվների արժեզրկման արտացոլման նպատակով: Ըստ
այդմ, թե մեկի և թե մյուսի ուղղությամբ կարող են բացվել
առանձին ենթահաշիվներ: Մասնավորապես, նյութական
ակտիվների արժեզրկման ընդհանրական հաշվին կից կարող են
բացվել ենթահաշիվներ`մաշվող հիմնական միջոցների,
հողամասերի, ֆինանսական վարձակալությամբ ստացված,
ինչպես նաև այլ համապատասխան նյութական ակտիվների
արժեզրկման հաշվառման նպատակով: Համանմանորեն, ոչ
նյութական ակտիվների արժեզրկման ընդհանրական հաշվին
կից կարող են բացվել առանձին ենթահաշիվներ` գուդվիլի, այլ

14
ոչ նյութական համապատասխան ակտիվների արժեզրկման
հաշվառման նպատակով:

1.7 Թեսթային որոշ առաջադրանքներ

1.Դրամաստեղծ միավորի փոխհատուցման գումարը /արժեքը/`
ա. “իրական արժեք`հանած վաճառքի ծախսումներից” և
“օգտագործման արժեքից” նվազագույնն է
բ. “իրական արժեք`հանած վաճառքի ծախսումներից” և
“օգտագործման արժեքից” առավելագույնն է
գ. “իրական արժեք`հանած վաճառքի ծախսումների” և
“օգտագործման արժեքի” միջին մեծությունն է
դ. ամեն դեպքում`”օգտագործման արժեքն” է

2.Հետևյալ տեղեկատվությունը վերաբերում է Ա, Բ և Գ

ակտիվներին`
Ա Բ Գ
000 պ.մ. 000 պ.մ. 000 պ.մ.
Զուտ 110 155 130

15
հաշվեկշռային
արժեք
Զուտ
իրացման
արժեք 95 130 110
Օգտագործման
արժեք 115 135 90

Որքան է կազմում Գ ակտիվի գծով փոխհատուցման գումարը և

Ա ակտիվի գծով արժեզրկումից կորուստը`

Փոխհատուցման գումար /պ.մ./` Արժեզրկումից կորուստ /պ.մ./`

Գ ակտիվի գծով Ա ակտիվի գծով
ա. 90 000 20 000
բ.130 000 5 000
գ.110 000 0
դ. 90 000 0

3. Դրամաստեղծ միավորին վերաբերելի արժեզրկումից

կորուստը պետք է բաշխվի`նվազեցնելով ներառնված
ակտիվների հաշվեկշռային արժեքը հետևյալ
հերթագայությամբ`

16
 1. Սկզբում`դրամաստեղծ միավորի բոլոր ակտիվները`
գուդվիլից բացի`համամասնական բաշխման
կարգով`որպես բաշխման հիմք վերցնելով դրամաստեղծ
միավորի ամեն ակտիվի զուտ հաշվեկշռային արժեքը
2. ձեռնարկատիրական գործունեության միավորման
արդյունքում առաջացած գուդվիլ:

Նշված նկարագրությունը`

ա. ճիշտ է
բ. ճիշտ չէ
գ. որևէ հերթագայություն ընդունելի է`ըստ կազմակերպության
նախապատվության
դ.ճիշտ է, պայմանով, որ ձեռնարկատիրական
գործունեությունից առաջացած գուդվիլի գումարը
հարաբերականորեն փոքր է

17