JADE D. FRAGA.

Nakapagtapos ng Bachelor’s Degree in

Education – major in English sa University of
Southeastern Philippines – Bislig Campus, Maharlika,
Bislig City. Siya ay kasalukuyang permanenting guro sa
Senior High School Department ng Barobo National High
School, Division of Surigao del Sur at nagtuturo ng mga
asignatura gaya ng Creative Writing, Practical Research 1
and 2, at Immersion Investigation Inquiries. Kasalukuyang
koordeneytor at tagayo ng ALS Senior High School,
Koordeneytor ng Campus Journalism, School Paper
Adviser at elected bilang SPTA Secretary ng paaralan.
Sa loob ng dalawang taon at limang buwan bilang isang
permanenting guro, siya’y nakapaghakot na ng mga parangal mula sa mga patimpalak
sa pagsusulat ng kuwentong pambata, pagsulat ng komiks, at bilang isang coach sa
larangan ng pamamahayag at tagapayo sa isang pahayagang pampaaralan.
Nooong 2021, siya’y naging coach sa nanalong Online Publishing Contest sa
Divison Schools Press Conference ng Surigao del Sur. Sa sumunod na taon naman,
nasungkit niya ang ikalawa at ikatlong puwesto sa pagsusulat ng kuwentong pambata
na may pamagat na “Baba, baba!” at “Ang Mahiwagang Hipon”. Naging panalo din siya
sa #Urmine Bookgrabbing Contest – Division Level sa parehong taon. Sa taong 2023,
nakuha niya ang dalawang kampeonato sa pagsulat ng kuwentong pambata na may
pamagat na “Habi ni Abi” at “Sipol”. Nakuha din niya ang ikatlong puwesto sa
Storybook Writing Contest - Division Level na may pamagat na “Ang Pulseras ni Aira”.
Sa parehong taon, panalo din ang pahayagang pampaaralan na siya ang naging
tagapayo na may pangalang “Ang Bugwak” mula sa DSPC 2023. Bago nagtapos ang
taon, nanalo siya sa Regional Level Comic Writing Contest na ginanap sa Balanghai
Hotel, Butuan City na may pamagat na “Bandilyo”.
Kasalukuyan siyang punong patnugot sa opisyal na pahayagang pandistrito ng
Barobo 1 na The Spring Times. At isa rin siya sa mga manunulat ng An Madayaw, ang
opisyal na pahayagan sa Filipino ng dibisyon ng Surigao del Sur. Sa katunayan, ilang
artikulo na ang kaniyang nailathala sa nasabing pahayagan.