Professional Documents
Culture Documents
რეფერატი კომპოზიციური საფუძვლების საგანში
რეფერატი კომპოზიციური საფუძვლების საგანში
გოთიკური
არქიტექტურა
რეფერატი
გოგიჩაიშვილი ანა
თბილისი, 2021
XII საუკუნის მეორე ნახევარში ილ დე ფრანსის ტერიტორიაზე იგება აქამდე არსად
არსებული სტილის ნაგებობები, რომლებიც მნახველებს შორის მკაცრ, აღშფოთებულ
კრიტიკასთან ერთად აღფრთოვანებასაც იწვევს. ამ უცხო სტილის აღმოცენების
ადგილმდებარეობიდან გამომდინარე francigenum opus-ს ანუ “ფრანგული წარმოშობის
ხელოვნებასაც“ უწოდებდნენ, მაგრამ მას ახლა გოთიკურის სახელით ვიცნობთ. ეს სიტყვა
თავდაპირველად დამცინავად იქნა გამოყენებული ბარბაროსების ხელოვნების სინონიმად,
რომლებმაც დაივიწყეს ანტიკური ტექნიკა და წესები. მოგვიანებით კი დამკვიდრდა,
როგორც შუა საუკუნეების დიდებული არქიტექტურული ხედვის აღმნიშვნელი ტერმინი.
გოთიკური არქიტექტურა სწრაფად გავრცელდა და გაბატონებული იყო
მთელს ევროპაში XVI საუკუნის შუა ხანებამდე. ამ სტილის პოპულარიზაციას
არქიტექტურაში დიდად შეუწყო ხელი მოსახლეობის დემოგრაფიულმა ზრდამ,
განსაკუთრებით კაპეტინგების პერიოდში, როდესაც მორწმუნეთა დიდი რიცხვი
რელიგიური ნაგებობების გაფართოებას ითხოვდა; მაგრამ უმთავრესად, ფრანგულ
საეპისკოპოსოებს შორის კონკურენციამ - თითოეული ეპისკოპოსის სურვილმა შეექმნა
იმაზე მეტად შთამბეჭდავი ტაძარი, ვიდრე მის მეზობლებს - განაპირობა გოთიკური
მარცვლის განვითარება ჯერ საფრანგეთის ქალაქებში შემდგომ კი მთელს დასავლეთ
ევროპაში. აღსანიშნავია, რომ თითოეულმა სახელმწიფომ სტილი თავის კულტურას
მოარგო და განმასხვავბელი ნიუანსები შესძინა.
მაშასადამე, გოთიკური სტილი არქიტექტურაში ძირითადად რელიგიურ ნაგებობებს
მოიცავს და სწორედ ტაძრებში ნათლად არის გამოხატული მისი მახასიათებლები,
გრანდიოზულობა.