Љубовта е најубавото и најсилно чувство, кое многу ѝ значи на
личноста. Сериозно влијае на разбирањето на светот и врз нејзиното однесување. Со љубовта чувствуваме нешто многу важно – дека постои друго суштество или друго нешто што го сакаме.
Љубовта може да биде изразена на разлиечен начин и кон
различни суштества или предмети.Љубов постоин помеѓу две живи суштества, љубов кон природата, љубов кон спорт, љубов кон наука...Од ова може да забележиме дека љубовта е движечка сила во животот на секое суштество.Таа дава смисла на животот и секогаш не води кон остварување на замислените цели.
Со љубовта чувствуваме нешто многу важно – дека постои друго
суштество или друго нешто што го сакаме.Животот е различен со љубов и без љубов.Кога сме заљубени значи дека сме свртени кон друга личност од спротивниот пол која што не привлекува и ние сакаме да бидеме во нејзино присуство.Љубовта за да биде вистинска треба да биде и возвратена.Личноста што ја посакуваме со нејзиното присуство прави да сме подобро расположени.Човекот живее за својата љубов. Во животот има многу нешта кон кои тој се насочува, за кои прави планови и ним им ги подредува своите дејствувања. Љубовта е мотив и цел за тие планови да се остварат.Во некои случаи дури е можно и жртвување за неа. Љубовта има три форми. Во секоја од нив чувствата се силни, но различни се предметот на сакање и желбите во однос на нив, па се разликуваат и постапките на луѓето во тие чувствувања. Во форма на посветеност, љубовта претставува заинтересираност на личноста за некои нешта, за некои предмети, дејства или идеи. Таква е љубовта кон мудроста, која се вика филозофија, или љубовта за собирање поштенски марки, која се нарекува филателија и слично.Во форма на општа љубов, тоа е свртеност кон сѐ што постои, едно најшироко разбирање за сенешто, за сите облици на животот, за целиот свет. Најважен предмет на ваквата љубов е човештвото, во сета негова историја, минатото, сегашност и иднина. И со сите човечки чувства што постоеле, постојат и ќе постојат. Во форма на страст, занес, љубовта ги изразува чувствата кон другиот како љубовен партнер. Оваа љубов се нарекува ерос. Во сите форми, а особено во оваа, љубовта е целосно давање. Но во оваа форма на љубовта посебно се очекува возврат. Љубовта ѝ го разубавува животот на личноста, ја води по неговите цветни страни и ја охрабрува да истрае и во најтешките мигови. Вљубените се најблиски суштества, најдобри пријатели, сврзани во доброто и во тешкото, меѓусебно се крепат во уживањето и во градењето на животот. Затоа љубовта е најубавото чувство.