Lumaki si Mario sa Maynila, ngunit ang kanyang mga magulang at
mga kamag anak ay taga Sudipen, La Union. Matagl tagal na ring hindi nakakauwi ang kanilang pamilya dito kaya naisipan nila na magbakasyon at dalawin ang kanilang mga kamag anak dito. Ang Sudipen matatagpuan sa pinakahilagang bahagi ng lalawigan ng La Union. Para marating nila ito, kailangan nilang sumakay ng bus patungong Ilocos, na karaniwang inaabot ng anim hanggang pitong oras na beyahe. Habang nakaupo sa bus inalala ni Mario ang mga kuwento ng kanyang lolo at lola tungkol sa Sudipen. At sa pag-usad ng sasakyan, siya ay nakatulog at nanaginip na kasama daw siya sa kapanahon ng kanyang mga ninuno.
“Lolo Jose saan po kayo pupunta?” “Sa bundok apo mamumutol ng
kawayan, gusto mong sumama?” “Sige po lolo para makita ko rin po ang ating bukirin.” “Bakit po kawayan lang kukunin natin? Aanhin po ninyo ito? “Apo alam mo ba na marami kang magagawang produkto at kasangkapan mula sa kawayan?. Ang bahay natin halos lahat ay yari sa kawayan, ang mga kagamitan sa loob ng tahanan natin ay nagmula sa halamang ito. Hindi lang sa loob ng tahanan natin na makikita ang mga produkto at kagamitan mula sa kawayan, pagpumunta ka sa bayan makikita mo ang mga dekorasyon at palamuti na gawa ng mga kabababyan natin mula sa halamang kawayan”. “Gagawa tayo apo ng “Yakayak”, “Baki”, “alat”, “kuribot”, “Labba” at ang tanyag na Pasiking natin.” “Sige po Lolo Jose gusto kong makita ang mga gagawin mo.” Masusing pinapanood ni Mario ang paraan ng kanyang lolo sa paghahanda ng kawayan na gagamitin, mula sa paglilinis, pagkakayas at paghahabi gamit ang mga kamay. “Pag-aralan mo apo ang paggawa ng mga ito dahil pinapakita nito ang pagpapanatili ng ating pinagmulan na sumasalamin sa mayamang kultura at tradisyon ng Sudipenians”. Biglang naalimpungatan si Mario at nagising sa sigaw ng konduktor “Tarlac! Tarlac na po tayo, Sino pong bababa dyan?” “Parang totoo ang panaginip ko,” sambit nito sa sarili. Dahil kalaliman pa ng gabi, at tila siyang idinuduyan ng usad ng sasakyan, muli nakatulog si Mario, at sa pangalawang pagkakataon, nanaginip siyang kasama niya ang kanyang Lola Maria. “Lola Maria bakit ang bango dito sa kusina? Ano ba yang pinagkakaabalahan mo?” “Ikaw pala Apo halika tikman mo tong niluluto ko.” “Ano pong tawag sa mga ito, ang sarap po lola.” “Ito ang mga kakanin na gawa sa ating bayan, tinatawag naming itong “Inkiwar,” “Sinuman-ipos,” “Tupig,” at iyong sikat na “Tinungbo.” “ Asan po lola yong tinungbo?” “Sa likod apo iluluto iyon sa ipa ng palay, na inilalagay sa bolo, yon ang naaamoy mo.” “Ang galing lola! ang sasarap po ng mga niluto nyo!” “Pagkatapos nito tuturuan kita kung paano gawin ang “Tapuey”, ito yong alak-bigas na ginagamitan rin ng malagkit. Marami pa apong mga pagkaing ipagmalaki sa ating bayan”.
Nagising at napatayo na si Mario ng sumigaw ang konduktor ng salitang
“Sudipen!, Sudipen na po tayo, yong bababa ng Sudipen andito na po tayo!” Bumaba na ang pamilya ni Mario sa tapat ng Puno ng Narra na di kalayuan sa munisipyo. Hindi maikaila ang kagalakan sa mukha ni Mariolalo na ng masulyapan niya ang mga produktong yari sa kawayan sa Agri-Trade ng Sudipen katabi lang ng kanilang binabaan.
Sinabi ni Mario sa kanyang nanay na gusto niyang pasyalan ang mga
nakita niya sa kanyang panaginip. “Oo naman anak tamang tama piyesta natin bukas makikita mo kung paano natin ipagdiriwang ang ating kultura at tradisyon”. Sagot ng kanyang nanay. Ang Kawayan Festival, ibat-ibang mga produktong mula sa kawayan. Makikita mo ang parada ng float na gawa rin sa kawayan. Matitikman mo ang mga ibat-ibang klase ng kakanin sa ating pinagmamalaking Tinubong Festival. Mapapanood mo ang mga katutubong awit at sayaw, at sigurado ring may mga booth ang bawat barangay na doon mo makikita ang iba’t-ibang produkto ng ating bayan.” Yeheeey!!! Sulit ang bakasyon ko!, ang saya akala ko sa kuwento at panaginip ko lang makikita, pero totoo pala ang yaman at kagandahan ng Sudipen na dapat ipagmalaki ko sa lahat.” Ang Bayan ko! na tinaguriang “NASUDI A SUDIPEN”.