Maynila, Mandaluyong, Malabon, Makati, Marikina, Muntinlupa, Parañaque, Pasay, Pasig, Quezon City at Valenzuela. Ang munisipalidad naman ay ang Navotas, Pateros, san Juan at Taguig. Ang Kamaynilaan ang sentro ng buhay pampolitika, komersiyo, kalakalan at mga network ng media sa buong bansa. Maynila bilang punong-lungsod ay mistulang isang imperyong sumasaklaw na rin sa pag- unlad ng maraming iba pang bayan at lugar sa bansa. Naksentro ang pinakamalaking pangyayaring kultural na nakaaapekto sa pabagobagong lipunan Walang makabuluhang pagbabago kung hindi kikilos ang sentro. Maynila ang piniling himpilan ng kolonyalismong kastila. Pinag-agawan ito ng puwersang Kastila, amerikano at rebolusyonaryo sa pagtatag ng unang Republika. Dito itinayo ang pamahalaang kolonyal, at kalaunan ang Philippine Commonwealth ng mga Amerikano. Sa Paglusob ng hapones, ito ang kanilang ginawang kapital upang patatagin ang kanilang gobyerno militar. Maynila ang sentro ng rehimeng Marcos at dito rin naganap ang makasaysayang People Power 1 sa EDSA upang buwagin ang rehimen. Dito nagaganap ang mabilis na paglikha at pagbubuo, eksperimentasyon at paglaganap ng anyo ng panulat. Nag-oorganisa at nagtitipon ang pinakamarami at iba’t ibang oryentasyon ng mga manunulat. Tanagatext, dalitext at dionatext – tawag sa patimpalak ng pagsulat ng tanaga, diona at dalit. Puto lang ako sinta – May init ng bibingka, Tamis ng maja blanca Sapin-saping ligaya. - Don Clarence Cruz Dati, tuldok lang ako Di pansin, kahit nino Nang ako’y sagutin mo Tuldok ay naging mundo - Flordeliza Rayel Bumagyo man ng problema Harurot man ang kudeta Kapus man tayo sa glorya, Kapit ka lang Luzviminda. - Erwin Lareza Ang punong mangga’y tinagpas At sinilaban ang ugat Bunga’y nalaglag, naagnas Namulat naging mansanas - Vladimir Gonzales Aanhin yamang Saudi Yen ng Japayuki Kung wala ka sa tabi - Fernando R. Gonzales Lolo wag malulungkot Ngayong uugod-ugod Ako po’y inyong tungkod - Gregorio M. Rodillo Ang pag-aaral sa mga panitikan ng Maynila ay isang pag-aaral din ng mga anyo at ng mabilis na pagbabagong konteksto ng pagkakalikha ng mga ito. Sa Maynila pinakamabilis na makikita ang mga pagbabagong pampanitikan mula sa mga panloob na salik ng impluwensiya at inspirasyon ng mga manunulat hanggang sa mga panlabas na salik ng produksiyon, paglilimbag at popularisasyon.