PANUKALANG PROYEKTO

Ano ang panukalang proyekto?

Ang panukalang proyekto ayon

kay Phil Bartle ay isang kasulatan
ng mungkahing naglalaman ng
mga plano na gawaing ihaharap
sa tao sa samahang pag uukulan
nitong siyang tatanggap at
magpapatibay nito.
Pamantayan sa pagsulat ng panukalang proyekto

A. Pagsulat ng panimula ng panukalang proyekto

B. Pagsulat ng katawan ng panukalang proyekto
C. Paglalahad ng benepisyo ng proyekto at mga
makikinabang nito.
A. Pagsulat ng panimula
Isaalang-alang ang mga suliranin at pangangailangan ng
komunidad
Magtala ng posibleng solusyon sa nabanggit na suliranin at
pangangailangan
Layunin: SIMPLE
S- Specific
I- Immediate
M-Measurable
P-Practical
L-Logical
E-Evaluable
B. Pagsulat ng katawan
- Ito ay binubuo ng planong dapat gawin
I. Plano: Makatotohanan at ikonsidera ang badyet
II. Badyet: Talaan ng gastusin, maaaring magkaroon ng
bidding, maging tiyak sa kalkulasyon
c. Paglalahad ng benepisyo at makikinabang

 Maging ispesipiko sa tiyak na grupo o

samahan na makikinabang nito.
 Maaaring ilahad ang dahilan bakit dapat
aprubahan ang panukala.
HALIMBAWA NG PANUKALANG PROYEKTO

Paano bumuo ng Pamagat?

(PANUKALA+ SOLUSYON+ LUGAR O
KOMUNIDAD)
Halimbawa:
PANUKALA SA PAGPAPAGAWA NG
BREAKWATER PARA SA BARANGAY
BACAO
PANUKALA SA PAGPAPAGAWA NG BREAKWATER
PARA SA BARANGAY BACAO
Mula kay Leah Grace L. Delgado
324 Purok 10, Tiburcio Luna Avenue
Barangay Bacao
General Trias, Cavite
Ika- 11 ng Disyembre 2015
Haba ng panahong gugulin: 3 buwan at kalahati
2.SULIRANIN
Sa bahaging ito, binabanggit ang
mga sumusunod:

a.Suliranin
b.Epekto ng suliranin
c.Sanhi ng suliranin
d.Mungkahing solusyon
I. Pagpapahayag ng Suliranin

Isa ang Barangay Bacao sa mabilis na umuunlad na barangay sa General

Trias, Cavite. Ito ay nananatiling pamayanang agrikultural bagamat unti-unti
na ring nagsusulputan ang mga pabrika sa lugar nito. Isa sa mga suliraning
nararanasan ng Barangay Bacao sa kasalukuyan ay ang malaking pagbaha
tuwing panahon ng tag-ulan. Ito ay nagdudulot ng malaking problema sa mga
mamamayan tulad ng pagkasira ng kanilang mga bahay, kagamitan at maging
ng mga pananim. Ang pangunahing sanhi ng pagbaha ay ang pag-apaw ng
tubig sa ilog na nanggagaling sa bundok. Dahil dito, nangangailangan ang
barangay ng isang breakwater o pader na pipigil sa mabilis na pag-apaw ng
tubig mula sa ilog. Kung ito ay maipatatayo, tiyak na di na kailangan pang
ilikas ang mga mamamayan sa ligtas na lugar. Higit sa lahat, maiiwasan din
ang patuloy na pagguho ng mga lupa sa tubig ng ilog. Kailangan maisagawa
na ang proyektong ito sa madaling panahon para sa kapakanan ng
mamamayan.
3. Layunin
II. Makapagpagawa ng breakwater
o pader na makatutulong upang
mapigilan ang pag-apaw ng tubig
sa ilog at matiyak ang kaligtasan ng
mga mamamayan, maging ang
kanilang mga ari-arian at hanap-
buhay sa susunod na buwan.
4. Plano
III. Plano na dapat gawin
1. Pagpapasa, pag- aapruba at paglalabas ng badyet (7
araw)
2. Pagsasagawa ng bidding mula sa mga contractor o
mangongontrata sa pagpapagawa ng breakwater o
pader (2 linggo)
3. Pagpupulong ng konseho ng barangay para sa pagpili
ng contractor na gagawa ng breakwater (1 araw)
4. Pagpapatayo ng breakwater sa ilalim ng pamamahal ng
konseho ng Barangay Bacao (3 na buwan)
5. Pagpapasinaya at pagbabasbas ng breakwater. (1
araw)
5. Badyet
IV. Badyet

Mga Gastusin Halaga

I. Halaga ng pagpapagawa ng 3, 200,000.00

breakwater batay sa isinumite ng
napiling contractor

II. Gastusin para sa pagpapasinaya 20,000.00

at pagbabasbas

Kabuuang halaga 3,220,000.00

6. Benepisyo at Makikinabang
V. Benepisyo ng proyekto at mga makikinabang nito
Ang pagpapatayo ng breakwater o pader sa ilog ay magiging kapaki-
pakinabang sa lahat ng mamamayan ng Barangay Bacao. Ang panganib
sa pagkawala ng buhay dahil sa panganib na dulot ng baha ay
masosolusyunan. Hindi na makararanas ang mga mamamayan ng
pagkasira ng kanilang tahanan at mga kagamitan na tunay na nagdudulot
ng malaking epekto sa kanilang pamumuhay. Higit sa lahat, magkakaroon
ng kapanatagan ang puso ng bawat isa tuwing sasapit ang tag-ulan dahil
alam nilang hindi agad-agad aapaw ang tubig sa ilog sa tulong ng
ipapatayong pader.

Mababawasan din ang trabaho at alalahanin ng mga opisyales at barangay

sa paglilikas ng mga pamilyang higit na apektado ng pagbaha sa tuwing
lumalaki ang tubig sa ilog. Gayundin maiiwasan ang pagkasira ng pananim
ng mga magsasaka na karaniwang pinagkukunan ng hanapbuhay ng mga
mamamayan nito.