AT ESPASYO NG PANITIKAN SA PAGGALING NG BAYAN (National Conference on Integrated Mental Health) Gerome Nicolas Dela Peña, MAFil Guro ng Filipino at Panitikan, Manila Tytana Colleges at Our Lady of Fatima University – Antipolo ANG MANANALIKSIK • Ang mananaliksik ay guro ng Filipino at Panitikan. Nakapagbasa/nakapagpresenta na ng mga pananaliksik sa mga lokal, rehiyonal, pambansa, at internasyonal na kumperensiya sa wika, panitikan, sosyolohiya, pilosopiya, at iba pang kaugnay na larang. Awtor ng anim na libro ng tula at sanaysay sa Filipino. KALIGIRAN NG PAG-AARAL • Sa pagdalumat ni Spruce (2016), sinasabi niyang ang pagbabasa ng anumang uri ng akdang pampanitikan ay naging isang popular na anyo ng therapy. Ang mga taong may suliraning pampag-iisip mula sa moderate depression at anxiety ay maaaring gumamit ng mga pamamaraan gaya ng bibliotheraphy para mapayapa at mapabuti ang kanilang isip at damdamin. Mula sa pagbabasa at pagsusuri ng mananaliksik, preliminaryo niyang natisod ang antolohiyang “Sauti: Poems of Healing” na inilathala ng United Nations System Workplace Mental Health and Well-Being (2021). KALIGIRAN NG PAG-AARAL KALIGIRAN NG PAG-AARAL • Ang koleksiyong ito ng mga tula ang naging sentrong materyal ng pananaliksik. Binasa at sinipat ang mga tulang nakapaloob dito bilang isang umiiral na penomenong pampanitikan at pangkultura—higit, sa kung paano ito makatutulong na maisulong o maitampok ang mga adbokasi sa kalusugang pangkaisipan sa bayang tila unti-unting nakalilimot sa halaga ng isyu o usaping ito. MGA LAYUNIN NG PAG-AARAL • Primaryang layunin ng pag-aaral na ito na maitampok ang diskurso at espasyo ng panulaan (poetry) sa posibleng paggamit dito sa lumalalang krisis ng kalusugang pangkaisipan (mental health) sa Pilipinas. • Inaasahang sa pagbasa ng mga tula sa koleksiyong “Sauti: Poems of Healing” ng UN ay mataya ang kanila mismong tindig na nagiging wika umano ng kalusugang pangkaisipan ang panulaan at nakapagbibigay-daan din sa laksang posibilidad ng paggalíng sa anumang pagdurusa (United Nations, 2021). MGA LAYUNIN NG PAG-AARAL • Higit pa, nilalayon din ng pag-aaral na ito na makapagtala ng mahahalagang punto ng inspirasyon mula sa nasabing antolohiya upang sa hinaharap, makalikha ng mga lokal, rehiyonal, at pambansang panitikan (partikular ang panulaan) na papaksa rin at babaka sa diskriminasyon, muli, sa isyu at usapin ng kalusugang pangkaisipan sa Pilipinas. METODOLOHIYA NG PAG-AARAL • Ginamit ng mananaliksik ang pagsusuring tekstuwal (textual analysis) bilang metodo sa pagbasa ng nilalaman ng nasabing antolohiya o koleksiyon ng mga tula. • Ang pagsusuring tekstuwal o textual analysis ay isang metodolohiyang nakatuon sa pag-unawa ng wika, simbolo, at/o mga larawan na nasa teksto upang makakuha ng mga impormasyon sa kung paano binibigyang-halaga ng mga tao ang teksto; o sa kung anumang paraan nila ito naiuugnay sa buhay o danas sa araw-araw (Allen, 2017). METODOLOHIYA NG PAG-AARAL Bansa Estado ng Mental Health
United States of America 20.6% of U.S. adults experienced mental
illness in 2019 (51.5 million people) Lebanon An estimated 17% of Lebanon's population suffers from mental health problems, yet almost 90% have no access to treatment. Uganda Uganda is ranked among the top six countries in Africa in rates of depressive disorders (4.6%; Miller et al., 2020), while 2.9% live with anxiety disorders (WHO, 2017). MGA RESULTA NG PAG-AARAL • Ang mga tulang As The Snow, EveryTime!, at Deep Sad Feeling ng mga makatang sina Silvia Massardi (USA), Nidale Noun (Lebanon), at Ruth Kemigisha (Uganda), bagaman iba-iba ang estilo/atake ng pagtalakay sa kani-kaniyang danas/poetika sa tema ng kalusugang pangkaisipan, ay: • (1) nakalilikha ng mga larawan ng pagdurusa at pag-asa; (2) nakapaglalagay sa mambabasa sa kapaligirang kanilang pinagmumulan o tinutulaan; (3) nakapagdaragdag ng bigat o dating sa danas sa pagbasa (reading experience) at; (4) nakapagtatakda ng politikal-kultural na halaga na maaaring maghatid ng pagbabago sa kasalukuyang klima ng kalusugang pagkaisipan sa daigdig. MGA RESULTA NG PAG-AARAL Deep Sad Feeling ni Ruth Kemigisha Paglalapat ng Pagsusuring Tekstuwal (Uganda) (Textual Analysis)
The battle is the culture / • Ang kalaban ay kultura (bagay na
Mental illness is talked about not / nakabaon na sa isip/gawi ng What will: people say keeps us in bondage / nakararami But all we need to do is pause, then! / • Imahen ng bondage o tanikala (estereotipo) ng mga may suliraning Walk to the therapist and get diagnosed / pampag-iisip (mula sa sinasabi ng There are God gifted ones / ibang tao) That will walk with you / • Ang halaga ng therapy o pagkonsulta The path to livelihood and happiness sa mga eksperto (politikal na tindig ng tula) PAGTALAKAY • Ayon kina Kemp at Fisher (2017), laging may mahalagang gampanin ang panulaan sa kasaysayan at lipunan ng anumang bansa sa daigdig. Isinasalin nito ang mga penomenolohikal na danas sa anyo ng mga salita. Nagiging pamamaraan ito sa paglalahad, paglalarawan, at pagsisiyasat ng mga kaisipan, damdamin, tradisyon, paniniwala; at kahit pa, ng mga tunggalian at pagdurusa ng mga mamamayan. Pinatunayan ang halagahing ito ng antolohiyang Sauti: Poems of Healing na kinatatampukan ng mga makata mula sa iba’t ibang panig ng daigdig na nagsulat hinggil sa mental health. PAGTALAKAY KONGKLUSYON • Ayon sa United Nations (2021), nagiging wika ng kalusugang pangkaisipan (mental health) ang panulaan (poetry) at nakapagbibigay-daan din sa laksang posibilidad ng paggalíng sa anumang pagdurusa. Dagdag pa, ang pagbasa at pagsulat ng panitikan ay isang napakamapagnilay na danas; ito ay maaaring maging daan din sa pakikipag-ugnayan sa iba. Binibigyang- tinig tayo nito sa mga bagay, sitwasyon, at pangyayaring nananatili lamang sa isipan. Pinalala ng pandemya ang dati nang krisis sa mental health; dahilan upang mas higit na kailanganin ang ganitong pagtatangka sa pag-akda. REKOMENDASYON • Bukod sa pagtatampok sa adbokasi sa kalusugang pangkaisipan, maaari ding siyasatin ng mga susunod na mananaliksik ang espasyong nilikha ng nasabing antolohiya tungo higit na pagdiriwang ng dibersidad sa kultura at wika. • Iminumungkahi din na magtuon sa iba pang koleksiyon/antolohiyang inilabas sa lokal, rehiyonal, pambansa, at global na antas hinggil sa usapin ng kalusugang pangkaisipan (partikular ang mga likha ng mga kababaihan, LGBQTIA+, manggagawa, magsasaka, at iba pang marhinalisadong sektor sa lipunan na di masyadong naririnig sa parehong usapin/isyu/paksa. MGA SANGGUNIAN • Afolayan, J. A. (1992). Documentary perspective of bibliotherapy in education. Reading Horizons, 33(2). Retrieved from http://scholarworks.wmich.edu/cgi/viewcontent.cgi? article=1498&context=reading_horizons • Allen, M. (2017). Textual Analysis. The sage encyclopedia of communication research methods (Vols. 1-4). Thousand Oaks, CA: SAGE Publications, Inc doi: 10.4135/9781483381411 • Kemp, A.H., Arias, J.A., & Fisher, Z. (2017). Social Ties, Health and Wellbeing: A Literature Review and Model. MGA SANGGUNIAN • Spruce, H. (2016). Does Reading Affect Your Mental Health? https://www.highspeedtraining.co.uk/hub/literature-mental-health/ • United Nations (2021). Sauti: Poems of Healing. United Nations System Workplace Mental Health and Well-Being. https://www.un.org/en/healthy-workforce/files/Sauti.pdf