PAGBASA AT PAGSULAT

TUNGO SA PANANALIKSIK
Ang komunikasyon ang pinakasentro sa lahat
ng disiplina ng pagtuturo. Nakasalalay ang
pagsasakatuparan ng iba’t ibang asignatura.
Ang Sikolohiya at Medisina, Agham at
Matematika, Kasaysayan at Agham Panlipunan,
Edukasyong Pangkabuhayan, Musika at
Edukasyong Pisikal at iba pang kaugnay ng
mga ito ay hindi makatatayong mag-isa
sapagkat hindi magiging ganap ang kabatirang
maibabahagi ng tagapagturo kung limitado ang
kanyang kaalaman sa komunikasyon.
Ang Wika at komunikasyon
 Maituturing na pinakamahalagang gamit ng
wika sa tao ay ang gamit nito sa
komunikasyon. Walang taong maaaring
mabuhay sa mundo nang hindi
nakikipagtalastasan , gaya ng kasabihang
“No man is an island,” sapagkat kinakailang
niyang makihalubilo sa kanyang kapwa-
nilalang at magamit ang talinong
ipinagkaloob sa kanya upang maging
mabuti ang kalagayan sa mundong
ginagalawan.
 Ang wika ay dinamiko at patuloy na
nagbabago sapagkat ito ay buhay, at ang
isang buhay na wika ay sumasailalim sa
mga pagbabago.

 Bunga ng mga pagbabagong nangyayari sa

kapaligiran na sanhi ng mga makabagong
kaalamang natutuklasan at maging ng mga
makabagong teknolohiya, ang wika ay
kakikitaan ng pagbabago.
Pagbasa sa Iba’t Ibang Disiplina
 Karamihan sa tao o estudyante ay umiiwas sa mga
asignaturang may kinalaman sa siyensya at
matematika.

 Hindi natin napapansin na maging sa pang-araw-

araw na gawain ay ginagamit o kinakailangan ang
mga ito.

 Sa katotohanang nasa panahon na tayo ng bagong

milenyo at globalisasyon sa pangangalakal, lalong
kailangan natin ang mga kaalaman tungkol sa
siyensya, matematika, kompyuter atbp.
 Pumailanlang sa mundo ang iba’t ibang uri ng
mga tsanel sa pakikipagkomyunikeyt, nariyan
ang beeper, pager o ang pinakagamiting
cellphones.

 Ang pagbasa ay interpretasyon ng mga

nakalimbag na simbolo ng kaisipan ( Fabrigas
et, al.). Inihahayag ng manunulat ang kanyang
mga ideya o kaisipan sa sinumang marunong
bumasa sa pamamagitan ng nakalimbag na
sagisag.

 Mabilis ang pagkatuto ng isang taong may

kakayang bumasa.
May Dahilan ang tao kung bakit siya
nagbabasa.

 gustong maglibang/libangin ang sarili.

 upang hindi mapag-iwanan ng

panahon.

 Mangalap ng impormasyon o matuto

ng bagong kaalaman.
Ang Proseso ng Pagbasa
A. Prosesong Sikolohikal ng Pagbasa: Teoryang
Iskema.
Ayon sa simulain ng teoryang ito, ang teksto,
pasalita man o hindi ay walang taglay na
kahulugan. Ang teksto ay nagbibigay ng
direksyon sa tagapakinig/tagabasa kung paano
bubuuin ang kahulugan mula sa dating kaalaman
o background knowledge na tinatawag ding
Iskema.
B. Interaktibong Proseso ng Pagbasa
1. Ang Teoryang “ Bottom up’’.
Binibigyang diin ng teoryang ito na ang
pagbasa ay pagkilala ng mga serye ng mga
nakasulat na simbolo upang mabigyan ang
kaakibat nitong tunog. Ang pagkatuto sa pagbasa
ay nag-uumpisa sa pagkilala ng mga letra
hanggang sa salita,parirala patungo sa talata
bago maibigay ang kahulugan ng binasang
teksto.
Ang pag-unawa sa binasa ay nagsisimula sa
teksto patungo sa tagabasa.
2. Ang Teoryang “Top Down’
Ang top down naman ay nagsisimula sa
kaisipan ng tagabasa (top) patungo sa teksto
(down).

3. Teoryang Interaktiv
Ang pagsasama ng dalawang teorya ang
bottom up at top down.
Mga Elemento ng Metakognitiv na
Pagbasa
Tatlong Proseso ng Pagbasa ayon kay Lachica,
(1999)
1. Bago Magbasa
Karaniwang itinatanong ng guro sa mga mag-aaral
bago basahin ang isang akda:
• Hanapin ang mga kasagutan batay sa mga
nakahandang tanong sa loob ng teksto.
• Magbigay ng sariling palagay tungkol sa paksa.
• Magbigay ng haka tungkol sa kasunod na teksto.
Ang mga binibigyang halaga bago magbasa sa
pagbasang kritikal :
• Ang mga sanhi kung bakit naisulat ng awtor ang

paksa.
• Ang kaangkupan ng paraang ginamit at lapit sa

pagsulat ng teksto.
• Ang pagbubuo ng mga sariling kuro-kuro sa

sulatin.
2. Habang Nagbabasa
Ang mga tekstong dumaraan sa yugtong ito ay
dumaraan sa iba’t ibang uri ng pag-aanalisa tulad ng
pagsagot sa mga tanong. Kailangan pa rin ang
pagbibigay ng sariling kuro-kuro at opinyon.
Anotasyon
ang pagbibigay ng anotasyon sa pagbasang
kritikal ay napakahalaga dahil naitutuon natin ang
atensyon sa nilalaman at wika ng teksto.. Ito ay
isang paraan ng pagbibigay kahulugan o
impormasyon sa teksto. Ang anotasyon ay ginagawa
sa pamamagitan ng pagsasalungguhit, paggawa ng
katanungan at paggawa ng balangkas.

Ang Pagsalungguhit. Ginagawa ang

pagsasalungguhit sa mga salita o pariralang di
maunawaan.
Ang Pagtatanong. Ang pagsasagawa ng mga
katangunan ang pinakamagandang bahagi ng
anotasyon na kung saan nakikita ang ating
pagiging kritikal na mambabasa sa pamamagitan
ng pagsulat sa mga katanungan ito sa gilid ng
pahinang binabasa.

Ang Pagbabalangkas. Ito ay pangunahing paksa

ng teksto at ang pagpokus ng talakay ay
nakatutulong nang malaki sa pag-unawa natin sa
mga impormasyong nakasaad. Makikita rin sa
pagbabalangkas ang pagkakaayos ng mga
kabatiran na binibigyang suporta sa loob ng teksto.
Analisa
Sa puntong ito handa na tayong analisahin ang
argumento pagkatapos nating matukoy ito at ang
wikang ginamit ng may akda. Ang argumentong iton ay
tumutukoy sa katotohanan o konklusyon ayon sa
pahayag ng may akda na maaring suportahan ng mga
opinyon.
3. Pagkatapos Magbasa
Napalalawak pa ang kaalamang ating matamo sa
pagbabasa bago at habang ginagawa ito sa
pamamagitan ng pagsulat ng buod, ebalwasyon,
paglilimi at muling pagbubuo