Ang mga salawikaing nagmumungkahi ng mga pagpapahalaga at nagtatakwil sa mga bisyo. Ang mga salawikaing nagpapadama ng isang sistema ng mga pagpapahalaga. Ang mga salawikaing naglalahad ng mga pangkalahatang katotohanan at mga pagmamasid tungkol sa buhay at kalikasan ng tao. Ang mga salawikaing nakakatawa. MGA HALIMBAWA:
Pagkahaba-haba man ng prosisyon sa simbahan din ang
tuloy. Nasa Diyos ang awa, nasa tao ang gawa. Lahat ng gubat ay may ahas. Ang taong ginigipit sa patalim man ay kumakapit. Kung ano ang itinanim, ay siyang aanihin. PAGLALAHAD Ang Paglalahad o Ekspositori ay isang anyo ng pagpapahayag na naglalayong mabigyang-linaw ang isang konsepto o kaisipan, bagay o paninindigan upang lubos na maunawaan ng nakikinig o bumabasa. Mga Katangian ng Mahusay na Paglalahad Kalinawan - Dapat maunawaan ng nakikinig o bumabasa ang anumang pahayag. Katiyakan - Dapat nakatuon lamang sa paksang tinatalakay. Kaugnayan - Kailangang may kaugnayan ang lahat ng bahagi ng talata o pangungusap at nagkakaugnay sa bagay na pinag-uusapan. Diin - Dapat may wastong pagpapaliwanag sa pagtatalakay. Mga Bahagi ng Paglalahad:
Panimula Kailangang may magandang panimula, na
makatatawag-pansin sa manbabasa. Gitna / Katawan Kaugnay ng panimula. Ito ang nagbibigay ng detalye ng isang paksa. Pangwakas Sa bahaging ito matatagpuan ang pangungusap o mga pangungusap na magtatapos sa paliwanag tungkol sa paksa o kaisipan. Mga Uri ng Paglalahad
Pagbibigay-Kahulugan - Ito ay paglalahad na kung ano ang isang bagay o
isang salita. Pangulong-tudling / Editoryal - Ito ay sariling kuro-kuro ng patnugot o mamamahayag na naglalagay ng kanilang sarili sa katayuan ng mga mambabasa. Layunin nito ang magpaliwanag, magbigau-puri, magpahalaga, magtanggol o manuligsa. Suring-basa - Dito matatagpuan ang kuro-kuro, palagay, damdamin at sariling kaisipan ng sumulat sa binibigyang suri. Panuto - Ito ang nagbibigay-patnubay o direksiyon sa paggawa ng isang bagay. Paggawa ng Tala - Dito maaaring isulat sa maikling salita pangungusap, parirala o pabalangkas. Sa pamamagitan ng paggawa ng tala mapagtutuunan ng pansin ang isang bagay na nangangailangan ng oras o panahon. Sanaysay - Ito ay pagsasalaysay ng isang sanay. Ginigising nito ang damdamin ng isang tao tungkol sa isang mahalagang paksa o isyu. Balita- Ito ay isang uri ng paglalahad kung saan nalalaman ang pangyayari sa loob at labas ng bansa. 8. Buod - Tinatawag din itong lagom ng pinaikling akda o katha. Ulat - Nagbibigay ng mahahalagang impormasyon at mga dapat gawin sa mga bagay na maaaring nangyari. Pitak - Isang uri pa rin ng paglalahad na makikita sa mga pahayagan o magasin. Tinatawag ring kolum.