Pagganyak Alam mo ba na may iba’t ibang uri na pangungusap na maaaring gamitin upang madaling maunawaan ang bawat saloobin ng isang tao?
Nagagamit rin natin ang iba’t ibang mga uri ng pangungusap sa
pagsasalaysay ng sariling karanasan. Pagtatalakay Ano-ano nga ba ang mga uri ng pangungusap? Kailan nga ba ang mga ito gagamitin?
Mga Uri ng Pangungusap
1. Pasalaysay o Paturol – Ito ay tumutukoy sa pangungusap na nagsasaad ng katotohanan. Ito ay maaaring nagbibigay ng impormasyon o nagkukuwento ng isang pangyayari. Ito ay nagtatapos sa panandang tuldok(.). Halimbawa: Ang mga bata ay nagbabasa sa silid-aklatan. Pagtatalakay 2. Patanong - Ito ay tumutukoy sa pangungusap na naghahanap ng sagot. Ito ay nagtatanong at nagtatapos sa tandang pananong (?). Halimbawa: Nasaan ang mga bata? Pagtatalakay 3. Pautos o Pakiusap – Ito ay tumutukoy sa pangungusap na nagbibigay ng utos o direksiyon sa isang dapat gawin. Ito ay maaaring magtapos sa tuldok o sa tandang pananong. Halimbawa: Huwag kayong mag-ingay kapag nasa silid- aklatan. Maaari bang hinaan ninyo ang inyong boses? Pagtatalakay 4. Padamdam – Ito ay tumutukoy sa pangungusap na nagsasaad ng matinding damdamin tulad ng pagkagulat, labis na tuwa, galit atbp. Halimbawa: Naku, nalaglag ang libro! Paglalapat Basahin at unawain ang bawat pahayag. Bilugan kung anong uri ng pangungusap ang inilahad sa bawat bilang. 1. Maraming tao ang nagsisimba sa araw ng pista. Pasalaysay Pautos Patanong Padamdam 2. Bakit kailangan magsuot ng “face mask” sa tuwing lalabas ng bahay? Pasalaysay Pautos Patanong Padamdam Paglalapat 3. Huwag pumunta sa matataong lugar. Pasalaysay Pautos Patanong Padamdam
4. Ay! Nabasag ang pinggan.
Pasalaysay Pautos Patanong Padamdam Paglalahat Apat na Uri ng Pangungusap 1. Pasalaysay - Nagbibigay ng impormasyon o kaalaman at nagtatapos sa tuldok. (.) 2. Patanong - Nagtatanong ito o humihiling ng kasagutan. Nagtatapos ito sa tandang pananong ( ? ). 3. Pautos - Nag-uutos o nakikiusap ito. Nagtatapos sa tuldok (.) 4. Padamdam - Nagsasaad ito ng matinding damdamin tulad ng tuwa, galit, gulat, poot, sakit, at iba pa. Nagtatapos ito ng bantas na tandang padamdam (!). Pagtataya Isulat kung Tama o Mali ang uri ng pangungusap na binanggit. ___________1. Pasalaysay: Bakit hindi ka nagpapaalam? ___________2. Patanong: Ilang taon ka na? ___________3. Padamdam: Naku! May nasusunog na gusali. ___________4. Pakiusap: Maari po bang makahingi ng tubig? ___________5. Pautos: Maligo ka na at aalis na tayo. Pagtataya ___________6. Pasalaysay: Mabigat ang mga dala kong aklat. ___________7. Padamdam: Aray! Masakit tong paa ko. ___________8. Pakiusap: Pakibigay sa kanya itong bag. ___________9. Patanong: May malaking gagamba sa puno. ___________10. Pautos: Sumunod kayo sa kanya.