SALIK

Ayon sa pahayag ni ni Rivers (sa Badayos, 2011) ang pagsulat ay isang gawaing

nag-uugat mula sa pagtatamo ng kasanayan (skill-getting) hanggang sa ang mga

kasanayan ay aktwal na magamit (skill-using).Sa gawaing pagsulat ay nalilinang ng

mga mag-aaral ang kanilang kakayahang pangkomunikatibo,kahusayan sa pag-unawa

at pagpapahalagang literasi.Sa pamamagitan ng pagsulat ay nalilinang rin ang iba pang

makrong kasanayan na makatutulong sa pagkakaroon ng isang mabungang pag-

aaral.Sinuportahan ito ni Soledad Francisco (2008) sa kanyang “Acquisition of

discourse skills in written narrative in Filipino students” , na ang kaalaman at kasanayan

sa pagsulat ay maaaring bunga ng maagang paglinang nito sa bawat indibidwal.Ang

kanyang pag-aaral ay nagpapatibay sa paniniwalang ang kakayahan ng mga mag-aaral

sa pagsulat ay nalilinang sa pag-aaral. Ang bawat antas ng pag-aaral ng mga mag-

aaral ay nagpapaunlad sa kasanayang pasulat sa pamamagitang ng sistematikong

pamamaraan.

Sa ikalawang nangungunang salik na naipapahayag ang sariling kaisipan at

damdamin sa pamamagitan ng pagsulat, ito ay piinatunayan sa pananaliksik ni

Tumangan et.al (2007) na nabanggit sa pag-aaral nina Alay, Bonto, Mendoza at

Pacinos (2018), na ang pagsulat ay isang paraan ng pagpapahayag ng pag-iisip,

kaalaman at damdamin ng tao sa pamamagitan ng mga tunog ng salita.Ito rin ay

tumutukoy sa kakayahan ng tao upang maipahayag ang kanyang naiisip at

 nadarama.Sa pamamagitan nito naipapahayag ng tao kung ano ang nasa

kaibuturan ng kanyang puso at isipan. Ito ay alinsunod sa pahayag ni Sapiro (2015), na

ang wika ay isang likas at makataong pamamaraan ng paghahatid ng kaisipan,

damdamin at mga hangarin sa pamamagitan ng isang kusang loob na kaparaanan sa

lumikha ng tunog.

Sa ikatlong pangunahing salik na pagkakaroon ng hilig, panlasa at lugod sa

pagsulat ay binigyang pansin sa R.A 9155 EFA Education for All na dapat ay

nakapag-aral at marunong nang magsulat at ang pinakapangunahing layunin ay

mabawasan at maubos ang illiterate sa buong mundo.Ito ay alinsunod sa Executive

order No. 335,hinimok ang lahat ng tanggapan ng gobyerno sa bansa na magpatupad

ng mga hakbangin upang maisulong ang tamang paggamit ng Filipino sa araw-araw na

mga gawain partikular na sa kasanayan sa pagsulat.

Makikita sa bahaging ito na na kabilang rin sa mga salik sa pagsulat ay ang

nakasanayan ko na ang pagsulat,pinatunayan ito sa pahayag ni Castro at Cusi (2012)

na kinakailangang matutong sumulat ang isang tao upang lalo siyang maunawaan ng

iba sa nais niyang sabihin at sa kanyang nadarama.

Ang pagtetext ay isa rin sa pangunahing salik na nakakaapekto sa pagsulat, ito

ay sinuportahan sa pag-aaral ni Palmaria (2014), sa kanyang pananaliksik na may

pamagat na Pagpapaunlad ng Morpolohiya ng wikang Filipino.

 Inilahad dito ang paggamit ng mag-aaral ng mga loan words sa text messages

na nakakaapekto sa kahusayan ng mga mag-aaral sa pagbabaybay sa pagsulat na

anyo.Tumutugma rin ito pag-aaral ni Querubin (2014), na malaki ang nagiging apekto

ng cellphone sa mga tao, lalong lalo na sa mga mag-aaral. Masayang gamitin ang mga

salita sa text o chat, ngunit kapansin pansin na kahit sa paraan ng pagsasalita at

pagsulat ay nadadala ang wikang ito. Ayon pa kay Concepcion (2006), inilalarawan nito

na ang komposisyong ay malimit na may kamalian sa pagbabaybay, paglagay ng

bantas,pagtatala at paggamit ng malaking titik. Isang malaking salik sa ganitong

suliranin ay ang pagkahilig ng mga mag-aaral sa pagtetext na kadalasan ay nadadala

maging sa pagsulat ng komposisyon kasama na rin ang kawalan ng interes sa pagsulat.

Tumugon ito sa pahayag nina Corpuz at Salandana (2008) na binanggit sa

pananaliksik nina Almanzor, Decembrana, Naze at Prado (2017) na ang mga magulang

ay may malaking ginagampanang papel upang mas lalong maging maayos ang

perpormans ng bawat bata. Ang kanilang hanapbuhay ang siyang nagtatakda kung

naibibigay ba ang pangunahing pangangailangan sa kanilang mga anak upang

mapunan ang pangangailangan sa ibat ibang aspeto tulad ng; pisikal, emosyunal,

ispiritwal at maging ang pinansyal.

Tumutugma pa ito sa pahayag nina Corpuz at Salandanan (2008) na binanggit

sa pag-aaral nina Almanzor, Decembrana, Naze at Prado (2017) , ang tahanan ang
siyang nagsisilbing unang lugar na kung saan natututo ang kanilang mga anak sa

tulong ng kanilang mga magulang.Dagdag pa niya na ang isang maliit na pamilya ay

mas nakabubuti upang mas magabayan at matutukan ang kanilang anak sa pag-aaral

nito.Mahalaga ang paglalaan ng oras para sa kanilang anak upang mas mahasa ang

kasanayan nito sa ibat-ibang larangan. Mula naman sa pag-aaral ni Malapo (2007)

malaki ang epekto ng external stimuli o kapaligiran sa paghubog ng kasanayang

komunikatibo kasama ang kasanayan sa pagsulat. Ayon sa kanya kung naibibigay ang

sapat na pangangailangan ng bawat bata, mas mapapadali ang paghubog sa mga ito.

Tumutugma rito ang rekomendasyon ni Francisco (2009) na dapat ang guro ay lumikha

ng kalagayan sa silid aralan na makahihikayat sa bawat mag-aaral na magsalita at

sumulat sapagkat dito nila malalaman ang kanilang mga kahinaang pang-akademiko na

kalaunan ay kanilang mapagbubuti.Kung kaya’t pinagtibay ng Deped Order No.8

S.2015 na dahil sa pagnanaisng pagbabago at pag-unlad ang programang k-12 na

pamantayan sa pang-klasrum na pagtataya.Ito ay binubuo ng gawaing pagsulat o

written works na may 30% performance task na may 50% at 20% para sa quarterly na

pagtataya. Ang gawaing pagsulat ay nakapokus sa mga gawaing sanaysay, pasulat na

pag-uulat at kabilang din ang pasulat na pagsusulit at iba pang pasulat na awtput. Ito ay

sinuportahan sa pag-aaral ni ni Badayos (2002) ,na nakatutulong sa mga mag-aaral

ang pagbibigay ng puna na isinagawa ng guro sa bawat mag-aaral dahil nagkakaroon

sila ng pagkaunawa sa kanilang kamalian at nabibigyan ng payo kung paano higit na

mapapayaman ang nilalaman ng kanilang sinulat.

 Pinagtibay rin ito ng rekomendasyon ni Alay (2018) na ugaliing isama ng guro

sa kaniyang banghay aralin ang mga gawaing magpapaunlad sa kakayahan ng

pagsulat ng mga mag-aaral lalo na kung angkop ito sa paksang pinag-aaralan kabilang

dito ang pagkakaroon ng aktuwal na pagpapasulat ng balita,reaksyong

papel,dyornal,liham at report.Isa pa sa kanilang rekomendasyon na kailangan ang higit

na pagsusubaybay ng mga guro sa pagsulat ng mga mag-aaral ng ibat-ibat

komposisyon sa Filipino sa pamamagitan ng matiyagang pagwawasto ng kamalian at

paglutas ng suliranin sa sulating Filipino.

Umaayon dito ang pag-aaral ni Querubin (2014) na kapag kumukopya ng

leksyon ang mga estudyante, gumagamit sila ng mga salitang “h3re” (here),

“4yon”(ayon), “s4n” (saan),at marami pang iba.Ipinapakita lamang nito na malaki ang

epekto ng ilang kagamitang elektroniko lalo na ang sa cellphone sa komunikasyong

pasulat ng mga mag-aaral.