ARALIN 1: Mga Konseptong pangwika.
Marami ring dalubhasa sa wika ang nagbigay
Ang Pilipinas ay isang kapuluan. Binubuo ito ng
mahigit pitong libong pulong nabibilang sa tatlong
malalaking pangkat ng mga pulo sa bansa; ang
Luzon, Visayas, at ang Mindanao. Dahil sa
kalagayang heorgapikal, hindi maiiwasang
magkaroon tayo ng iba’t ibang pangkat ng mga
Pilipinong may kanya-kanyang wika at diyalekto. Ito
ang nagbibigay-daan sa napakaraming wika at
diyalektong ginagamit sa iba’t ibang bahagi ng
bansa. Ang opisyal na estadistika tungkol sa mga
wika at diyalekto sa ating bansa ay hango sa Census
of Population and Housing (CPH) na isinasagawa
tuwing isa ng dekada ng Philippine Statistics Agency
(PSA). Ayon sa datos ng CPH noong 2000, may
humigit-kumulang 150 wika at diyalekto sa bansa.
Tagalog ang nangungunang wika na ginagamit ng
5.4 milyong sambahayan.
Ang Wika
Isang napakahalagang instrument ng
komunikasyon ang wika. Mula sa pinagsama-
samang makabuluhang tunog, simbolo, at tuntunin
ay nabubuo ang mga salitang nakapagpapahayag
ng kahulugan o kaisipan. Ito ay behikulong
ginagamit sa pakikipag-usap at pagpaparating ng
mensahe sa isa’t isa. Nagkakaintindihan tayo,
nakapagbibigay tayo n gating mga pananaw o ideya,
opinion, kautusan, tuntunin, impormasyon,
gayundin ng mga mensaheng tumatagos sa puso at
isipan ng ibang tao, pasalita man o pasulat gamit
ang wika.
Ang salitang Latin na lingua ay
nangangahulugang “dila” at “wika” o “lengguwahe”.
Ito ang pinagmulan ng salitang Pranses na langue
na nangangahulugan ding dila at wika.kalaunan
ito’y nagging language na siya na ring ginagamit na
katumbas ng salitang lengguwahe sa wikang Ingles.
ng iba’t ibang pagpapakahulugan sa wika tulad ng
mga sumusunod na tao:
Ayon kina Paz, Hernandez, at Peneyra
(2003:1), ang wika ay tulay na ginagamit para
maipahayag at mangyari ang anumang minimithi o
pangangailangan natin.
Binigyang pagpapakahulugan ng
Cambridge Dictionary, ang wika ay isang sistema
ng komunikasyong nagtataglay ng mga tunog,
salita, at gramatikang ginagamit sa
pakikipagtalastasan ng mga mamamayan sa isang
bayan o sa iba’t ibang uri ng gawain.
Samantala, ang siyentipikong si Charles
Darwin ay naniniwalang ang wika ay isang sining
tulad ng paggawa ng serbesa o pagbe-bake ng cake,
o pagsusulat.
Binigyang kahulugan naman ni Henry Allan
Gleason, Jr. Ang wika bilang sistematikong
balangkas ng mga binibigkas na tunog na pinipili at
isinasaayos sa paraang arbitrary upang magamit ng
mga taong may isang kultura.
Nangangahulugan lamang na ang tanging
layunin kung bakit may wika ay upang magamit ito
sa pakikipagtalastasan. Pinakamabisang instrument
ang wika upang makipagtalastasan ang tao sa
kapwa bagamat maaaring makipag-ugnayan sa
pamamagitan ng mga senyas, pagguhit o mga
simbulo, hindi pa rin matatawaran ang paggamit ng
wika upang maisakatuparan ang malawa at
mabisang pakikipagkomunikasyon ng tao sa
kanyang kapwa.
 Katangian ng wika

Ang wika ay may iba't ibang katangian. Ito

ay isa sa mga mahahalagang bagay na ibinigay ng
Diyos sa tao upang mabuhay nang may kabuluhan
at makamit niya ang kanyang mga pangarap at
mithiin sa buhay.

1. Ang wika ay masistemang balangkas.

2. Sinasalitang tunog.
3. Pinipili at isinasaayos sa paraang arbitraryo.
4. Ginagamit sa Komunikasyon
5. Pantao
6. Kaugnay ng Kultura
7. Natatangi
8. Nagbabago
9. Malikhain
10. Makapangyarihan
11. Kagila-gilalas