Ang pag-aaral na ito na may paksang “Epekto ng Gay Lingo sa kasaysayan sa pagsasalita

ng mga nagpapakadalubhasa sa Filipino” ay makatutulong ng malaki sa mga sumusunod:

Sa mga mag-aaral

Mahalaga ang pag-aaral na ito sapagkat malaki ang papel na ginagampanan ng wika sa

ating lipunan. Kung patuloy na gagamitin ng mga mag-aaral ang gay lingo, magkakaroon ito ng

epekto sa Wikang Filipino. Magmumulat rin ang pananaliksik na ito sa kanila ng mga kaalaman

hinggil sa kasaysayan at pinagmulan ng Gay Lingo. Mababatid ng mga mag-aaral ang mga salik

na nakaiimpluwensya sa pag-usbong nito at katanggapan para dito.

Sa mga manunulat

Ang pag-aaral na ito ay magbibigay-daan sa kaisipang ang pagsulat ay isang kalayaan,

kalayaang nagpipilit sa bawat isang indibidwal na ilahad ang tunay niyang saloobin sa

paraang pasulat man. Ang panitikan ang buhay ng mga manunulat at

makakapagsusulat lamang sila, kung sila’y may kalayaang gamitin ang wikang nais

nilang gamitin kung ito man ay Gay Lingo.

Sa mga mananaliksik

Ang pag-aaral na ito ay magbibigay sa kanilang panibagong lakas upang saliksikin nila

ang higit na mahahalagang bagay o ideya na makatutulong upang mapalawak ang hangarin ng

bawat isa na mabuksan ang pananaw ng mga mag-aaral hinggil sa Gay Lingo at ang epekto

nito sa mga nagpapakadalubhasa sa Filipino.

Sa mga magulang

Sa panig ng mga magulang, ang resulta ng pagsusuri ay magsisilbing paalala sa

kanilang malaking tungkulin sa paggabay at pagbibigay kalayaan sa pag-aaral ng kanilang mga

anak. Ito ay magpapabatid sa kanila bilang kasama o katuwang sa pagbabago sa paggamit ng

wika sa pakikipagtalastasan o pakikipag-ugnayan.

Magpapaunawa rin ang pananaliksik na ito sa mga magulang upang mabatid nila ang mga

pananaw ng kanilang mga anak hinggil sa pag-usbong ng gay lingo.

Katuturan ng mga Termino

Ang mga sumusunod ay mga terminolohiyang ginamit sa pag-aaral na ito batay sa kabuuan

ng pananaliksik. Ang mga nasabing terminolohiya ay nasa paalbabetong pagkakasunod-sunod:

 Gay Lingo - tinatawag ding sward language, gay language, showbiz slang, sward speak at

gay slang ay mga katawagang bunga ng baryasyon ng wikang Filipino, wikang Ingles at iba

pang wikang umiiral sa bansa.

 Epekto - Isang epekto ay isang kinalabsan, nagging resulta o nagging bunga ng isang

pangyayari, bagay at mga sitwasyon.

 Kasanayan – Ang kasanayan ay ang natutunang kapasidad o kakayahan na maipatupad

ang mga resultang nauna nang natukoy at kadalasang may mababang paggugol ng

psnahon, enrhiya o pareho.

 Pagsasalita – Ang pagsasalita ay naka-tinig na anyo ng komunikasyon ng tao. Ginagamit

karaniwan ang pagsasalita sa araw-araw na pamumuhay.

 Nagpapakadalubhasa – Ito ay isang tao na siyang may angking kasanyan, kahusayan,

kagalingan, o taong mayroong kaalaman at bihasa sa isang larangan.