Kabanata 1

Panimula

Mayaman sa panitikan ang ating bansa. Ito ay ang pamanang hanggang sa ngayon

ay patuloy nating tinatangkilik. Ayon kay Cruz (2016), ang panitikan ay nagsisilbing

salamin ng mga nakasanayang kaugalian at mga tradisyong patuloy pa rin nating

ginagawa. Ito ay ating mamamasid sa pang-araw-araw na pamumuhay. Isa sa mga rason

kung bakit hanggang ngayon ito ay umiiral dahil sa ito ay popular. Ang kulturang popular

ay ang tinatangkilik ng karamihan sa lipunan. Halimbawa nito ay ang mga pelikula at

mga teleserye na napapanood sa pinilakang tabing at telebisyon.

Ayon naman kay Joey Arrogante, ang panitikan ay talaan ng buhay sapagkat dito

naisisiwalat ng tao sa malikhaing paraan ang kulay ng buhay, ang buhay ng kanyang

daigdig, ang daigdig na kanyang kinabibilangan at pinapangarap. Ang pelikula

halimbawa ay isang pagsasadula ng mga pangyayaring hinango sa tunay na buhay ng tao.

Sa pamamagitan ng pelikula, nakikita ang iba’t ibang uri ng pamumuhay ng mga tao.

Ang mga tinatawag na artista ang siyang nagbibigay buhay sa mga nakasulat na eksena sa

iskrip ng kwento.

Samantala, ayon naman kay Azarias, ang panitikan ay pagpapahayag ng mga

damdamin ng tao tungkol sa iba’t ibang bagay sa daigdig, sa pamumuhay sa pamahalaan,

sa lipunan at sa kaugnayang kaluluwa sa Dakilang Lumikha. Nangangahulugan lamang

na ang panitikan ay maaaring saya, lungkot, pagmamahal, hirap, at ang kaugnayan natin

sa Maykapal. Sa pelikula man ay may mga damdamin na ipinapahayag ang bawat mga

tauhan upang maging mas kapana-panabik.

 Samakatwid, ang pelikula, na kilala din bilang sine o pinilakang tabing, ay isang

anyo ng panitikan na sinasakop ang mga buhay na larawan bilang isang anyo ng sining o

bilang bahagi ng industriya ng libangan.

Paglalahad ng Suliranin

Ang pananaliksik na ito ay naglalayong bigyan ng kasagutan ang mga sumusunod

na suliranin:

1. Anong mga elemento ang ginamit sa pagsusuri ng pelikulang Mga Batang Poz sa:

A. Nilalaman

1. Iskrip

2. Tauhan at Tagpuan

3. Banghay

4. Tema

5. Mga Kabisaan

B. Pamamaraan

1. Direksyon

2. Pagganap ng mga artista

3. Disenyong Pamproduksiyon

4. Sinematograpiya

5. Editing

C. Aspektong Teknikal
 1. Musika

2. Paglalapat ng tunog

2. Paano nakaapekto sa mga kabataan ang pelikulang Mga Batang Poz sa mga

sumusunod na aspekto:

A. Aspektong Intelektwal

B. Aspektong Panlipunan

C. Aspektong Pangkabuhayan

D. Aspektong Kultural

E. Aspektong Politikal

3. Paano natanggap ng mga taong nakapaligid ang kalagayan ng apat na

pangunahing tauhan sa pelikulang Mga Batang Poz?

4. Paano nabago ang pagkatao ng apat na pangunahing tauhan sa pelikulang Mga

Batang Poz?

5. Paano makatutulong ang gobyerno sa mga kabataang positibo sa HIV?

6. Anong mga eksena sa pelikulang Mga Batang Poz ang nagpapakita ng Teoryang

Romantisismo?

Layunin ng Pananaliksik

Ang pananaliksik na ito ay may layuning suriin ang pelikulang Mga Batang Poz

1. Alamin ang mga elemento ang ginamit sa pagsusuri ng pelikulang Mga Batang

Poz sa:

A. Nilalaman

1. Iskrip

2. Tauhan at Tagpuan
 3. Banghay

4. Tema

5. Mga Kabisaan

B. Pamamaraan

1. Direksyon

2. Pagganap ng mga artista

3. Disenyong Pamproduksiyon

4. Sinematograpiya

5. Editing

C. Aspektong Teknikal

1) Musika

2) Paglalapat ng tunog

2. Alamin kung paano nakaapekto sa mga kabataan ang pelikulang Mga Batang Poz

sa mga sumusunod na aspekto:

A. Aspektong Intelektwal

B. Aspektong Panlipunan

C. Aspektong Pangkabuhayan

D. Aspektong Kultural

E. Aspektong Politikal

3. Alamin kung paano natanggap ng mga taong nakapaligid ang kalagayan ng apat

na pangunahing tauhan sa pelikulang Mga Batang Poz.

4. Alamin kung paano nabago ang pagkatao ng apat na pangunahing tauhan sa

pelikulang Mga Batang Poz.

 5. Alamin kung paano makatutulong ang gobyerno sa mga kabataang positibo sa

HIV.

6. Tukuyin ang mga eksena sa pelikulang Mga Batang Poz na nagpapakita ng

Teoryang Romantisismo.

Saklaw at Delimitasyon

Ang pananaliksik na ito ay nakatuon lamang sa pagsusuri ng pelikulang Mga

Batang Poz sa direksiyon ni Chris Martinez na ipinalabas noong 2019. Sa pagsusuring

ito, bibigyan ng kasagutan kung anong mga elemento ng pelikula ang ginamit.