Ang kuwentong ito'y tumutukoy sa mga tao na pinaglaban ang kanilang
pananampalataya sa Diyos sa kabila ng nakukuha nilang pagpapahirap o panghuhusga ng kanilang kapwa. Ginampanan ito ng isang mag-aaral na nagngangalang Josh Wheaton na kung saan ay pinaglaban ang kanyang pananampalataya sa Panginoon laban sa kanyang guro na si Jeffrey Radisson at napalawak o naibahagi rin niya ito sa kanyang mga kamag-aral. Si Josh ay kumuha ng klase na "philosphy" sa ilalim ng propesor na si Jeffrey, sa kanilang unang klase ay inatasan ng propesor ang kaniyang mga estudyante na isulat sa isang papel ang mga katagang "God is Dead", lahat ng estudyante ay isinulat ito maliban na lamang kay Josh kaya binigyan siya ng pagkakataon ng kanyang guro na makipagdebate laban dito at ang mga iba pang mag- aaral ang magpapasya kung sino ang mananalo. Sa dalawang beses pagdedebate ay laging kinokontra ng guro ang sinasabi nito, ngunit nang sumapit ang ikatlo, ipinaglaban na ni Josh ito ng lubos, kaya naman may isang mag-aaral na nagngangalang Martin ang nagsabi ng "God's Not Dead" at sumunod naman ang iba, sa huli si Josh ang nanalo. Dahil sa hindi paniniwala ng propesor sa Diyos ay hiniwalayan ito ng kanyang karelasyon, ngunit ng mabasa niya ang sulat ng kanyang ina ay hinabol niya ang kanyang karelasyon ngunit huli na ang lahat dahil siya'y nasangkot sa isang aksidente ngunit bago pa pumanaw ay tinanggap niya ang Panginoon. May ibang tao rin ang nakasama sa istorta tulad muslim na naging kristiyano, babaeng may kanser na nabigyan ng panibagong pag-asa, at marami pang iba.