5

Republika ng Pilipinas
Kagawaran ng Edukasyon
Rehiyon III
SANGAY NG ZAMBALES

FILIPINO
Kagamitan sa Pinatnubayang
Kasanayang Pampagkatuto
Pagbibigay ng Solusyon
sa Naobserbahang Suliranin
Ikaapat na Markahan - Ikatlong Linggo
(Aralin 1)
FILIPINO – Ikalimang Baitang
Kagamitan sa Pinatnubayang Kasanayang Pampagkatuto
Pagbibigay ng Solusyon sa Naobserbahang Suliranin
Ikaapat na Markahan – Ikatlong Linggo (Aralin 1)

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng kagamitan. Hindi inaangkin ng mga tagapaglathala at
mga may-akda ang karapatang-aring iyon. Ang anomang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito. Walang anomang
parte nito ang maaaring kopyahin o ilimbag sa anomang paraan nang walang pahintulot sa
Kagawaran.

Bumuo sa Pagsulat ng Kagamitan

sa Pinatnubayang Kasanayang Pampagkatuto

Manunulat: Dana Fe A. Ragat

Editor: Clarinda Castro
Tagasuri: Marie Ann C. Ligsay PhD
Evangeline P. Romano
Lyndon L. Badillo
Tagaguhit at Taga-anyo: Kier Eblacas
Tagapamahala: Ma. Editha R. Caparas EdD
Leonardo D. Zapanta EdD, CESO V
Michelle A. Mejica EdD
Manolito B. Basilio EdD
Ma. Lilybeth M. Bacolor EdD
Garry M. Achacoso
Rachelle C. Diviva
Inilimbag sa Republika ng Pilipinas ng Kagawaran ng Edukasyon
Rehiyon III
Pansangay na Tanggapan ng mga Paaralan ng Zambales
Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
Website: www.depedzambales.ph
 Pagbibigay ng Solusyon
sa Naobserbahang Suliranin

Panimula

Bawat tao ay dumadaan sa mga suliranin o problema. Bigla na lamang itong

dumarating at hindi agad natin namamalayan. Minsan magaan, minsan naman
mabigat. Kagaya na lamang ng dinaranas nating pandemya ngayon, dumating ang
suliranin nang hindi natin inaasahan. Ngunit sa kabila nito ay umaasa tayong
magkakaroon ito ng solusyon.

Ang suliranin ay walang pinipiling edad o kasarian. Maging ang isang batang
tulad mo ay maaaring may pinagdaanan, pinagdaraanan, at pagdaraanang suliranin
o problema.

Sa araling ito, mahahasa ang iyong kaisipan sa paghahanap ng maaaring

solusyon sa isang suliranin. Sa pamamagitan ng mga pagsasanay rito, ikaw ay
magiging handa, listo, at matatag.

Kasanayang Pampagkatuto

Nakapagbibigay ng maaaring solusyon sa isang naobserbahang suliranin.

F5PS-IVe-9

1|Pahina
 Mga Layunin

Sa pagtatapos ng Kagamitan sa Pinatnubayang Kasanayang Pampagkatuto

na ito, ikaw ay inaasahang:

1. natutukoy ang maaaring solusyon batay sa mga suliraning ipinakikita ng

larawan at sitwasyon;
2. naiisa-isa ang mga suliranin at maaaring solusyon sa binasang teksto; at
3. naibibigay ang angkop na solusyon sa naobserbahang suliranin sa iba’t
ibang sitwasyon.

Balik-aral

Panuto: Basahin ang talata at sagutin ang mga tanong. Isulat ang sagot sa iyong
sagutang papel.

Limang Hakbang Laban sa Coronavirus

ni Dana Fe A. Ragat, West Dirita ES

“Mahirap magkasakit!” madalas itong sabihin ng mga matatanda. Higit

na naging ekspresyon ito ngayon dahil sa paglaganap ng coronavirus. Kaya
naman nagiging maingat ang lahat upang makaiwas sa sakit na dulot ng virus
na ito.

Narito ang limang hakbang upang patuloy na malabanan ang virus na

ito. Una, ugaliing maghugas ng mga kamay. Gumamit ng sabon, alkohol o
sanitizer sa paghuhugas o paglilinis ng kamay. Pangalawa, dahil madalas
nating gamitin ang ating mga kamay sa pagtatrabaho o paghawak ng mga
bagay-bagay, iwasan ang paghawak sa ating mata, ilong at bibig. Pangatlo,
laging magsuot ng face mask at face shield bilang proteksiyon sa pag-ubo at
pagbahing ng mga tao sa paligid. Pang-apat, iwasan ang matataong lugar at
malapitang pakikisalamuha sa taong may ubo o lagnat. At panglima, manatili
na lamang sa bahay kung hindi naman mahalaga ang pupuntahan at lalo na
kung ikaw ay maysakit.

Tandaan ang limang hakbang ng pag-iwas sa coronavirus sapagkat

mahalagang maging maingat para sa kaligtasan ng sarili at mahal sa buhay.

2|Pahina
Mga Tanong:
1. Tungkol saan ang nabasa mong teksto?
2. Anong suliranin o problema ang inilahad sa teksto?
3. Nakatulong ba ang nilalaman ng teksto sa iyo? Bakit?
4. Ano ang nais ipahayag na paniniwala ng may-akda ng teksto?
5. Ikaw, sa paanong paraan mo nabibigyan ng proteksiyon ang iyong sarili
ngayon laban sa virus?

Pagtalakay sa Paksa

Sa tekstong katatapos mong basahin sa pagbabalik-aral ay naipaalala sa iyo

na laging may layunin ang isang manunulat na magpabatid at magpaunawa ng
impormasyon tungkol sa isang isyu o pangyayari sa ating paligid. Naipabatid niya
sa iyo na ang tao ay maaaring magkaroon ng suliranin kaya kailangang maghanap
ng solusyon.

Basahin at unawain mo ngayon ang kuwento tungkol sa isang mag-aaral. Tila

nangangailangan siya ng iyong payo. Subukin mong sagutin ang mga tanong
kaugnay ng bawat bahagi ng kuwento.

Ang Nababalisang si Buboy

ni Dana Fe A. Ragat, West Dirita ES

Umaga, malalim na nag-iisip ang

batang si Buboy. Napapakamot na siya ng
ulo habang nakaupo sa harapan ng mesa.
Naguguluhan na siya.

Kanina pa tinititigan ni Buboy ang

kaniyang modyul.

“Ano ba ang gagawin dito? Ang

tagal naman ni Inay.” nababalisang
bulong ni Buboy.

Maya-maya, nabagot si Buboy.

Tumayo ito at hinablot ang kaniyang
cellphone saka humiga sa kaniyang higaan.

3|Pahina
 Sa tingin mo, ano ang suliranin ni Buboy? Maaari kang pumili ng iyong sagot.

A. Tanghali na at hindi pa nakapagluto si Buboy.

B. Natapunan ng tubig ni Buboy ang kaniyang modyul.
C. Hindi niya maintindihan ang panuto sa kaniyang modyul.

Ano ang iyong sagot? Tingnan kung tama ang iyong sagot.
Magpatuloy ka sa pagbabasa ng kuwento.

Si Buboy ay nasa ikalimang baitang. Ikalawang araw na rin ng pasukan

o pagsagot nila ng modyul. Ngunit siya ay naninibago sa bagong paraan ng
pag-aaral na modular distance learning. Ang kaniyang nanay ay nagtitinda
ng mga gulay kaya minsan ay wala siyang mapagtanungan.

Habang naglalaro si Buboy ng Mobile

War ay naisip na naman niya ang kaniyang
mga modyul.

“Wala naman akong mapagtanungan

dahil hindi pa nakauuwi si Inay.” Muling
nagkakamot ng ulong bulong ni Buboy.
“Hindi ko maintindihan kung paano gawin
ang unang gawain sa Filipino,” patuloy
niya.

Balikan mo ang iyong naging sagot sa unang tanong.

Ang suliranin ni Buboy ay hindi niya maintindihan ang panuto sa kaniyang

modyul. Tama ba ang sagot mo?

Ngayon, maaari mo bang tulungan si Buboy? Pumili ka ng isang solusyon na

sa tingin mo ay mabisa para sa suliranin ni Buboy.

A. Magtanong si Buboy sa kaniyang mga kamag-aral at guro.

B. Maglaro na lamang at hintayin ang nakatatandang kasama sa bahay.
C. Pagtuunan muna ng pansin ang ibang asignatura o gawain at tanungin
na lamang ang nakatatandang kasama sa bahay kapag dumating.

Kung ikaw ay nakapili ng solusyon para sa suliranin ni Buboy ay binabati

kita. Ipagpatuloy mo ang pagbabasa at alamin kung paano nabigyan ng solusyon ni
Buboy ang kaniyang suliranin o problema.

4|Pahina
 Lumipas ang ilang minuto, natapos sa paglalaro si Buboy. Habang siya
ay nakaupo, biglang may sumagi sa kaniyang isipan.

“Aha! Baka maaari akong magtanong sa group chat namin. Baka

matulungan ako ng aking mga kamag-aral o ng aking guro.” Nabuhayan ng
loob si Buboy. “Pero nahihiya ako,” napakamot na naman ng ulo si Buboy.

“Wala namang masama kung magtatanong ako para matapos ko na rin

ang aking modyul sa Filipino. Baka kasi pagod na rin si Inay pagdating
galing palengke,” determinadong sabi niya sa sarili.

Maya-maya ay nagulat siya sa tunog ng

kaniyang celpon.

“Ting! Ting!” Dali-dali niya itong

binuksan at binasa ang mga mensahe.

Biglang tumayo si Buboy at

nagmamadaling kinuha ang kaniyang papel,
bolpen at modyul. Sinagot ng kaniyang guro
at mga kaklase ang tanong niya tungkol sa
mga gawain sa modyul. Masayang-masaya
siyang nagsimulang sumagot sa kaniyang
modyul.

Pareho ba kayo ni Buboy ng naisip na solusyon?

Kung pareho kayo ng naisip na solusyon ni Buboy ay nangangahulugan

lamang na kahit sa batang edad ay may kakayahan sa paglutas ng suliranin. Kung
hindi naman kayo pareho ng naisip ay huwag kang mag-alala, ang naisip mo ay
maaaring isa pang paraan ng pagbibigay ng solusyon sa isang suliranin.

Upang higit mo pang matutuhan ang pagbibigay ng mabisang solusyon ay

mainam na basahin mo ang mahahalagang impormasyon tungkol sa suliranin at
solusyon.

Ang suliranin ay anomang problema o isyu na nangangailangan ng kalutasan

o solusyon.

 Ang suliranin ay maaaring mahirap harapin o intindihin. Hinahamon nito

ang kakayahan ng isang tao na humanap ng solusyon o kalutasan.
 Kailangang tingnan ang suliranin sa positibong paraan. Laging tandaan
na ang bawat suliranin ay may katugon na solusyon.

5|Pahina
 Mga halimbawa ng suliranin mula sa tekstong nabasa:
1. Hindi maunawaan ni Buboy ang panuto sa kaniyang modyul.
2. Walang nakatatandang kasama sa bahay na maaaring
mapagtanungan si Buboy.

Ang solusyon naman ay lunas o kasagutan sa isang suliranin o problema.

Mga halimbawa ng solusyon mula sa tekstong nabasa:

1. Nagtanong si Buboy sa kaniyang mga kamag-aral at guro.
2. Pinagtuunan muna niya ng pansin ang ibang asignatura o gawain at
tatanungin na lamang ang nakatatandang kasama sa bahay kapag
dumating.

Sa iyong palagay, naging epektibo ba ang mga solusyon na naisip ni Buboy

kaugnay ng kaniyang suliranin? Maaari, sapagkat nang sagutin ng kaniyang guro
at kamag-aral ang kaniyang tanong ay masaya na siyang nagpatuloy sa pagsagot ng
kaniyang modyul.

Narito ang ilan pang mga halimbawa ng mga karaniwang naoobserbahan o

nasusuri na suliranin sa ating paligid at ang maaaring solusyon nito.

Suliranin Solusyon

Kahit mahina lamang ang ulan ay Linisin ang mga baradong kanal
nagkakaroon na ng baha sa paligid. at magtanim ng maraming puno.

Maraming alagang aso ang pakalat- Ipagbigay-alam sa kapitan ng

kalat at dumudumi sa kalsada. barangay o makiusap nang
maayos sa may-ari ng mga aso
na huwag hayaan ang mga aso
sa kalsada.

Mabahong amoy ng hangin dahil sa Makiusap nang mahinahon na

pagsusunog ng mga basura. kung maaari ay itigil ang
pagsusunog ng basura.

6|Pahina
 Laging nakatambak ang mga plato Sanayin na pagkatapos kumain
sa lababo pagkatapos kumain at ay agad na hugasan ang
iniiwang marumi. pinagkainan.

Dumarami ang kaso ng dengue. Panatilihing malinis ang paligid o

bakuran.

Ilan lamang iyan sa mga suliranin na maaaring maranasan ng tao. Sa kabila

nito, dapat mong tandaan na bawat suliranin ay may katapat na solusyon. Ang
kailangan mo lamang gawin ay magmasid at magsuri sa iyong paligid.

Maaaring makatulong sa iyo ang sumusunod na mga hakbang sa pagbibigay

ng solusyon:

 Alamin ang tunay na suliranin at ang pinagmulan nito.

 Pag-aralan ang posibleng solusyon. Itala ang lahat ng posibleng
solusyon at piliin ang pinakamabisa ayon sa pananaw at pagsusuri mo
sa suliranin.
 Magtanong sa taong maaaring makatulong sa iyo sa paglutas ng
suliranin. Tiyaking ang pagtatanungan ay may malawak na kaalaman
at karanasan tungkol sa suliranin.
 Isipin ang maaaring kalalabasan o kahihinatnan.

Tandaan:

 Mahalagang matukoy muna ang tunay na

suliranin at ang pinagmulan nito sa isang
sitwasyon upang makaisip ng pinakamabisang
solusyon.

 Dapat panatilihin ang positibong pananaw sa

pagharap sa suliranin at isaisip na ang bawat
suliranin ay may angkop na solusyon.

7|Pahina
 Gawain

Pinatnubayang Pagsasanay 1
Panuto: Tukuyin ang maaaring solusyon batay sa ipinakikitang suliranin sa bawat
larawan. Isulat ang sagot sa sagutang papel.

1.

Solusyon: __________________

2.

Solusyon: __________________

3.

Solusyon: __________________

8|Pahina
4.

Solusyon: __________________

5.

Solusyon: __________________

9|Pahina
Pinatnubayang Pagsasanay 2
Panuto: Basahin at suriing mabuti ang suliraning inilahad sa bawat sitwasyon at
magbigay ng posibleng solusyon. Isulat ang sagot sa iyong sagutang papel.

Suliranin Solusyon

Habang sumasagot ka ng iyong modyul ay 1.

nawalan ng tinta ang iyong bolpen kaya
naisip mong bumili sa tindahan. Ngunit
naalala mo na bawal lumabas ang batang
katulad mo. Nagkataon din na wala ang
iyong mga magulang. Tanging ang kapatid
mong nag-aaral sa kolehiyo ang kasama
mo sa bahay.

Tanghali na at wala pang nalulutong 2.

anoman para sa inyong pananghalian
sapagkat maysakit ang iyong ina. Pumasok
naman sa trabaho sa kabilang bayan ang
iyong tatay.

Naglaro kayo ng bola ng iyong kapatid sa 3.

loob ng bahay at hindi sinasadyang
tinamaan at nabasag ang paboritong
plorera ng iyong nanay.

Natutulog ang iyong mga magulang nang 4.

biglang nagpatugtog ang iyong kuya nang
napakalakas na musika.

Habang kayo ay nasa tindahan, nagtalo 5.

ang dalawa mong kaibigan dahil pinag-
aagawan nila ang laruan na pareho nilang
naibigan.

10 | P a h i n a
Pang-isahang Pagsasanay

Panuto: Basahin at unawaing mabuti ang kuwento. Pag-aralan ang mga suliranin
sa kuwento.

Luna, Ang Batang Maalalahanin

ni Dana Fe A. Ragat, West Dirita ES

Isang araw, nanonood ng telebisyon ang mag-inang sina Aling Luz at Luna.
“Hay naku, tumaas na naman ang presyo ng mga bilihin. Ang karne ay parang
ginto ang presyo! Ang gulay ganoon din. Ano pa kaya ang mangyayari sa atin?”
bulalas ni Aling Luz nang maibalita ang panibagong pagtaas ng presyo ng mga
bilihin.
“Kaya nga nanay. Hindi pa nga natatapos ang pandemya dumaragdag pa
iyan.” pagsang-ayon ni Luna.

“Tama ka anak. Kaya kailangan nating magtipid at pagkasyahin ang kinikita

ng iyong tatay.” paliwanag ni Aling Luz.

“Kawawa naman si tatay, kahit may pandemya ay kailangan pa rin niyang

pumasok sa trabaho. Hindi na niya inaalala na maaari siyang mahawaan ng sakit
dulot ng virus.” malungkot na sabi ni Luna.

“Iyon nga rin ang ipinag-aalala ko sa kalusugan ng iyong tatay. Mas

nakababahala ang bagong COVID variant na kumakalat ngayon.” tugon ni Aling Luz.

“Sana laging mag-iingat si tatay. Dapat may dala siyang alkohol at uminom
ng bitamina para lumakas ang kaniyang katawan laban sa virus.” mungkahi ni
Luna.

11 | P a h i n a
 “Bukas na bukas din bibili ako.” sagot ni Aling Luz.

“Panoorin mo anak, may naranasan na namang lindol sa Gitnang Luzon.

Sana ay hindi ito nagdulot ng matinding pinsala.” patuloy ni Aling Luz.

“Dapat lagi tayong handa dahil hindi natin alam ang maaaring mangyari sa
hinaharap. Kaya nga nanay, naisipan kong ihanda na rin ang emergency kit natin.”
sabi ni Luna.

“Magaling anak,” sagot ni Aling Luz.

Pagkatapos manood nina Aling Luz at Luna, dumiretso sa kuwarto si Luna at

nag-isip nang malalim. “Paano kaya ako makatutulong kina nanay at tatay?”

Maya-maya ay bigla siyang napatayo sa kaniyang higaan.

“Aha! Alam ko na! Magtatanim ako ng gulay sa bakuran para may tiyak na
pagkukuhaan ng pang-ulam sa araw-araw. At siyempre, maaari rin itong itinda
kung sakali.” masayang naisip ni Luna.

Kinabukasan, nagpabili si Luna ng mga buto o punla ng iba’t ibang gulay kay
Aling Luz. Habang hinihintay ni Luna ang kaniyang nanay, pumunta siya sa
kanilang bakuran at nakita niyang matataas na ang mga damo rito. Sinimulan niya
nang bunutin at alisin ang mga damo. Sa kaniyang paglilinis ay marami siyang
nakitang mga bote at mga lata. Inipon niya ang mga ito at naisip niyang ibenta para
makatulong sa kaniyang mga magulang.

Pagdating ni Aling Luz, nakita niyang malinis na ang kanilang bakuran.

Masayang nagtanim ang mag-ina sa kanilang bakuran.

12 | P a h i n a
Panuto: Kompletuhin ang talahanayan. Ibigay ang mga suliranin at solusyong
binanggit sa kuwento. Isulat ang sagot sa sagutang papel.

Mga Suliranin sa Kuwento Maaaring Solusyon

Pagtatanim ng mga gulay para may
Halimbawa:
pagkukuhanan ng ulam at maaaring
Pagtaas ng presyo ng bilihin
ibenta.
1.

2.
3.

4.

Pagsusulit

Panuto: Basahin ang bawat sitwasyon. Magbigay ng dalawang (2) maaaring solusyon
sa suliraning binanggit. Isulat ang iyong mga sagot sa sagutang papel.

1. Isang araw, nagpasama sa iyo ang iyong nanay papuntang Iba, Zambales.
Bibili siya ng mga kagamitang pangkusina. Sa inyong paglalakad papunta sa
sakayan ng bus, nakita mong nagsusunog ng mga plastik at tuyong dahon
ang inyong kapitbahay.

Solusyon 1: _______________________________________________________________
___________________________________________________________________________

Solusyon 2: _______________________________________________________________
___________________________________________________________________________

2. Habang naghihintay kayo ng bus, napalingon ka sa parke ng inyong bayan.

Nakita mong punong-puno ang basurahan at nagkalat ang ibang mga basura.

Solusyon 1: _______________________________________________________________
___________________________________________________________________________

Solusyon 2: _______________________________________________________________
___________________________________________________________________________

13 | P a h i n a
 3. Nang may dumating na bus, ang mga pasahero ay dali-daling pumila. Dahil
dito, natanaw mo ang isang matanda na maraming bitbit at nabitawan nito
ang isang supot na may lamang mga gulay. Napansin mong walang nais
tumulong sa kaniya.

Solusyon 1: _______________________________________________________________
___________________________________________________________________________

Solusyon 2: _______________________________________________________________
___________________________________________________________________________

4. Habang namimili ang iyong nanay sa pamilihan, may narinig kang umiiyak.
Sa iyong paglingon, nakita mo ang isang batang nakaupo, umiiyak at
palingon-lingon sa kaniyang paligid. Naisipan mo siyang lapitan at tanungin.
Napag-alaman mong siya ay nawawala dahil nakabitaw siya sa
pagkakahawak ng kaniyang ina.

Solusyon 1: _______________________________________________________________
___________________________________________________________________________

Solusyon 2: _______________________________________________________________
___________________________________________________________________________

5. Patungo na kayo ng iyong nanay sa himpilan ng bus upang umuwi. Habang

kayo ay naglalakad, napansin mo ang dalawang bata na namamalimos.
Napakadumi ng kanilang mga mukha at batid mong sila ay hindi pa
kumakain.

Solusyon 1: _______________________________________________________________
___________________________________________________________________________

Solusyon 2: _______________________________________________________________
___________________________________________________________________________

14 | P a h i n a
 Pangwakas

Panuto: Punan ng wastong ideya o kaisipan ang mga patlang upang mabuo ang diwa
ng pangungusap. Isulat ito sa iyong sagutang papel.

Sa pagtatapos ng aralin ay natutuhan kong ang suliranin ay

______________________________________________________________________
_____________________________________________________________________.

Sa pagbibigay ng solusyon ay mahalagang

______________________________________________________________________
_____________________________________________________________________.

Mga Sanggunian

Agarrado, Patricia Jo, Maricar Francia, Perfecto III Guerrero, and Genaro Gojo
Cruz. 2016. Alab Filipino 5. Quezon City. Philippines: Vibal Group,
Inc., pp. 194-201

"LR Portal". 2015. Deped LR Portal. https://lrmds.deped.gov.ph/detail/6876.

"Paglutas Ng Pang Araw Araw Na Suliranin". 2020. Dlrciligan.Weebly.Com.

http://dlrciligan.weebly.com/uploads/5/0/8/0/50800379/paglut
as_ng_pang_araw_araw_na_suliranin.pdf

Pangan, Tessa De Lara. 2017. Scribd.Com.

https://www.scribd.com/presentation/354575712/Fil6-q1-
week7day2

Telesforo, Ma.Visitacion. 2020. "Pagbibigay Solusyon Sa Suliraning

Naobserbahan Sa Paligid - Filipino 6 Qtr 1 Week 6".
https://www.youtube.com/watch?v=5PNNZv1tpJs.

15 | P a h i n a
 16 | P a h i n a
Balik-aral Pang-isahang Pagsasanay
1. Limang hakbang laban sa (Mga posibleng sagot. Maaaring magkakaiba
coronavirus ang sagot ng mga bata)
2. (depende sa sagot) Suliranin nina Solusyon sa Suliranin
3. Upang magbigay gabay para Aling Luz at Luna
malabanan ang coronavirus Pagtatanim ng mga
4. (depende sa sagot) Pagtaas ng presyo gulay para maging
5. (depende sa sagot) ng bilihin ulam at pagbenta
nito.
Pinatnubayang Pagsasanay 1 Paglaganap ng Laging mag-ingat
(Mga posibleng sagot. Maaaring magkakaiba bagong COVID Mag-alcohol lagi
ang sagot ng mga bata) variant Uminom ng bitamina
1. Magkusang pulutin ang mga basura Mga Laging ihanda ang
sa ilog. nararanasang sarili at ang
2. Magtanim ng mga puno sa bakuran. paglindol emergency kit
3. Turuan ang bata ng tamang Matataas ang mga Magkusang bunutin
pagtapon/paghihiwalay ng mga damo sa bakuran at linisan ang
basura. bakuran
4. Pagsabihan ang mga bat ana bawal
Maraming mga Ipunin ang mga ito.
sumira/magpunit ng libro dahil
bote at lata sa Ibenta para may
maaari pa itong magamit.
bakuran pandagdag sa
5. Pagsabihan ang bata na masama
gastusin. Irecycle
ang pag-aaksaya ng tubig at dapat
magtipid sa paggamit ng tubig.
Pagsusulit
Pinatnubayang Pagsasanay 2 (Mga posibleng sagot. Maaaring magkakaiba
(Mga posibleng sagot. Maaaring magkakaiba ang sagot ng mga bata)
ang sagot ng mga bata) 1. Solusyon 1: Makiusap nang mahinahon sa
1. Humiram ng bolpen sa kapitbahay na masama sa kalusugan ang
nakatatandang kapatid pagsusunog ng plastic.
2. Magkukusa akong magluto Solusyon 2: Ipagbigay-alam sa barangay.
3. Umamin sa kasalanan at humingi ng 2. Solusyon 1: Magkusang pulutin ang mga
paumanhin nagkalat na mga basura.
4. Makiusap sa kapitbahay na maaari Solusyon 2: Maglagay ng paalala na
bang hinaan at sabihin ang dahilan maging responsible at paghiwalayin ang
5. Pagsasabihan ang dalawang kaibigan nabubulokat di-nabubulok na mga
na matutong magbigayan at mamili basura.
na lang sila ng ibang laruan 3. Solusyon 1: Tulungan sa pag-akyat ang
matanda.
Solusyon 2: Tulungan pulutin ang mga
nalaglag na mga gulay at tulungan bitbitin
ang mga ito.
4. Solusyon 1: Ipagbigay-alam sa kasamang
nakakatanda.
Solusyon 2: Ipagbigay-alam sa security
guard sa mall.
5. Solusyon 1: Bigyan sila ng makakain.
Solusyon 2: Ipagbigay-alam sa DSWD.
Pangwakas
(depende sa sagot ng mga mag-aaral)
Susi sa Pagwawasto
 Pasasalamat
Ipinaaabot ng Pansangay na Tanggapan ng mga Paaralan ng Zambales ang
taos-pusong pasasalamat sa mga sumusunod, na nakapag-ambag ng tagumpay
para sa paghahanda, pag-unlad, pagtiyak ng kalidad, paglimbag at pamamahagi ng
Ikaapat na Markahang Kagamitan sa Pinatnubayang Kasanayang Pampagkatuto sa
lahat ng asignatura sa iba’t ibang antas bilang tugon sa pagbibigay sa mag-aaral ng
naaangkop na kagamitang pampagkatuto hango sa Pinakamahalagang Kasanayang
Pampagkatuto (MELCs) - ayon sa mga pagsasanay na nakabatay sa mga
pamantayan ng pinatnubayang kasanayan at tuwirang pagtuturo:
Una, ang Learning Resource Development Team na binubuo ng mga
manunulat at tagaguhit, sa kanilang iginugol na panahon at kakayahan upang
makabuo ng iba’t ibang kinakailangang kagamitang pampagkatuto.
Ikalawa, ang mga tagapatnugot sa nilalaman, tagasuring pangwika, at mga
tagasuring pandisenyo na maingat na nagwasto at bumuo sa lahat ng Kagamitan sa
Pinatnubayang Kasanayang Pampagkatuto upang matiyak ang kawastuhan at
katugunan sa mga pamantayan ng Kagawaran ng Edukasyon;
Ikatlo, ang mga gurong tagapatnubay at mga guro sa bawat asignatura sa
kanilang malapit na pakikipag-ugnayan sa mga punongguro, sa kanilang
lingguhang pamamahagi at pagbabalik ng mga Kagamitan sa Pinatnubayang
Kasanayang Pampagkatuto at sa kanilang madalas na pagsubaybay sa pag-unlad
ng mag-aaral sa lahat ng paraan; at
Panghuli, ang mga magulang at iba pang pantahanang tagapagdaloy sa
kanilang pagbibigay sa mag-aaral ng kinakailangang patnubay at gabay upang
maisagawa ang mga gawain at upang patuloy na matulungan ang bawat mag-aaral
na maging responsableng indibiduwal sa hinaharap.
Sa inyong patuloy na paghahatid ng kaalaman sa mapanghamong panahon
ay lubos na makamit ang sama-samang pagpupunyagi at matibay na malasakit na
pagsilbihan ang ating mag-aaral na Zambaleño.
Muli, ang aming walang hanggang pasasalamat!

Tagapamahala
 Para sa katanungan o karagdagang puna,
maaaring sumulat o tumawag sa:

Pansangay na Tanggapan ng mga Paaralan ng Zambales

Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
Website: www.depedzambales.ph