NG PANANALIKSIK Inihanda ni Dr. Reynele Bren G. Zafra PANGKALAHATANG DISENYO NG PANANALIKSIK
1. Kwalitatibong Pananaliksik. Ito ay anyo ng pag-aaral na
itinuturing na “nonnumerical” o “hindi nabibilang”. Sa pagsasagawa ng ganitong pananaliksik, ang mga datos ay itinatala at binibigyang- interpretasyon gamit ang “nonnumerical” na pamamaraan gaya ng open-ended surveys, panayam, at mga detalyadong deskripsiyon na kalimitang ginagawa sa iba’t ibang disiplinang nabibilang sa Agham Panlipunan (Trochim, Donnelly, at Arora (2014). PANGKALAHATANG DISENYO NG PANANALIKSIK
2. Kwantitatibong Pananaliksik. Ito ay anyo ng pananaliksik na nakatuon sa
numerikal na datos. Ayon kay Babbie (2010), tuon ng ganitong disenyo ang obhetibong panukat, at mga numerikal na pagsusuri ng mga nakalap na datos gamit ang structured research instrument. Sa ganitong anyo ng pananaliksik, mas naiiwasan ang pagkiling sapagkat ang mga datos ay nakabatay sa estadistika na ginamitan ng isang estandardisadong numerikal na pormula. Bagama’t itinuturing na “numerically significant” ang ganitong pananaliksik, hindi naman maitatangging isa sa kahinaan nito ang kawalan ng malalim na pagsusuri sa opinyon ng tao. URI NG PANANALIKSIK
1. Historikal na Pananaliksik. Ang historikal na pananaliksik ay
isang sistematikong disenyo ng pangangalap at pagtataya ng datos na may layuning ilarawan, ipaliwanag, at unawain ang mga aksiyon at pangyayari sa nakalipas sa pinakatugmang interpretasyon. Sa pagsasagawa ng ganitong pananaliksik kalimitang pinagkukuhanan ng impormasyon ang mga dokumentong nasusulat, relics, remains, oral statements at artifacts. HISTORIKAL NA PANANALIKSIK
•Isang Pag-aaral sa Kasaysayan ng Paggamit ng Wikang
Filipino sa Telebisyon sa Pilipinas
•Historikal na Pag-aaral sa Kultura ng Babaylan sa Pilipinas
•Masusing Pag-aaral sa Buhay ng Labintatlong Martir ng Trece
Martires, Cavite URI NG PANANALIKSIK
2. Penomenolohiya. Ito ay uri ng pananaliksik na nakatuon sa buhay
na karanasan ng mga kalahok sa pananaliksik ukol sa isang penomenon. Sa pananaliksik na ito nalalaman ang iba’t ibang pagtingin ng mga tao ukol sa mundo sang-ayon sa kani-kanilang perspektiba. Layunin ng ganitong pananaliksik na direktang imbestigahan at isalaysay ang isang penomenon na malay na naranasan ng tao. Kalimitang ginagamit ang panayam, obserbasyon, pagsusuri ng naratibo, at pagdodrowing sa pangangalap ng impormasyon. PENOMENOLOHIKAL PANANALIKSIK
• Ang Sosyo-kultural at Sikolohikal na Karanasan ng mga
Migranteng Manggagawa sa Hongkong •Ang Diskriminasyong Naranasan ng mga Babaeng Sundalo na Nagtapos sa Philippine Military Academy •Buhay at Danas ng mga Pilipinang Nakapag-asawa ng Arabo sa Saudi Arabia URI NG PANANALIKSIK
3. Ebalwatibo. Pangunahing layunin ng ganitong uri ng
pananaliksik na suriin ang kalagayan ng isang proyekto, programa, institusyon, sistema, o pamamalakad sa pamamagitan ng pagsukat sa iba’t ibang aspektong bumubuo rito na may layuning paunalarin ang kabuuang sistema. Sa ganitong disenyo ng pananaliksik, madalas na tinitingnan ang kalakasan at kahinaan ng mga nabanggit. EBALWATIBONG PANANALIKSIK
• Pagsusuri sa Curriculum Guide ng mga Filipino Sabjek sa
Senior High School • Isang Ebalwatibong Pag-aaral sa Programang 4P’s ng Administrasyong Aquino •Isang Pagsusuri sa Kalakasan at Kahinaan ng K to 12 Program sa Pilipinas sa Unang Taon ng Implementasyon URI NG PANANALIKSIK
4. Action Research. Ang pananaliksik na ito ay naglalayong
lumutas ng isang tiyak na suliranin sa isang programa, organisasyon, o komunidad. Sa ganitong uri ng pananaliksik, kalimitang kabahagi ang mga mananaliksik sa paksang pinag- aaralan. URI NG PANANALIKSIK
5. Komparatibong Pananaliksik. Ito ay uri ng pananaliksik
na may pangunahing layunin na ikumpara ang dalawang varyabol na pinag-aaralan sa pamamagitan ng pagtukoy sa pagkakatulad at pagkakaiba ng mga paksang pinag-aaralan. Buhay na halimbawa nito ang paghahambing sa kultura ng kabataan noon at sa kasalukuyan o ang kalagayang ekonomikal ng mga Pilipino noon laban sa kasalukuyan o ang papel ng kababaihan noon sa lipunan kumpara sa kasalukuyan. KOMPARATIBONG PANANALIKSIK
• Komparatibong Pag-aaral sa Bisa ng Oregano at Lagundi
bilang Gamot sa Ubo • Isang Komparatibong Pag-aaral sa Kalagayan ng Sitwasyong Pangwika ng Pilipinas, Thailand, at Malaysia •Paghahambing sa Kasaysayan ng Wikang Pambansa ng Pilipinas at Indonesia URI NG PANANALIKSIK 6. Etnograpiya. Pangunahing layunin ng disenyong ito na pag-aralan ang isang penomenon sa konteksto ng kulturang nananahan sa nasabing lipunan. Mahalaga ang ganitong disenyo ng pananaliksik sapagkat nagbibigay ito ng malalim na kaalaman ukol sa sistemang politikal, ekonomiko, at kultural ng isang lipunan. Bukod pa rito, pinag-aaralan din sa ganitong uri ng disenyo ang interaksiyon, ugali, kilos at paniniwala ng mga tao sa nasabing lipunan. Sa ganitong disenyo ng pananaliksik, walang estrukturang sinusunod ang mga mananaliksik. Walang nalikhang survey questionnaire o anumang anyo ng interview guide. ETNOGRAPIYANG PANANALIKSIK • Cultural Beliefs and Practices of Ethnic Filipinos: An Ethnographic Study ni Evelyn J. Grey • The Everyday Lives of Men: An Ethnographic Investigation of Young Adult Male Identity ni Peter Gill ng Victoria University • Class and Gender in the Phillippines: Ethnographic Interviews with Female Employer-Female Domestic Dyads ni Emelda Tabao Driscoll ng Syracuse University METODO SA PANANALIKSIK
1. Sarbey. Ang sarbey ay tumutukoy sa sistematikong pamamaraan ng
pangangalap ng datos kung saan ang mga tao ay tinatanong ukol sa kanilang saloobin o opinyon hinggil sa isang paksa. Ito ay maaaring isagawa sa pamamagitan ng paglikha ng isang talatanungan na pasasagutan at panayam sa mga kalahok sa pag-aaral na mula sa isang populasyon (Trochim, Donnelly, at Arora (2014). URI NG SARBEY
a. Telephone Survey. Gumagamit dito ng telepono upang
alamin ang opinyon, saloobin o pulso ng target na kalahok sa pag-aaral hinggil sa isang partikular na isyu o paksa ng pananaliksik. Random na pinipili ng mga mananaliksik ang mga kalahok sa pag-aaral gamit ang random-digit dialing. URI NG SARBEY
b. Electronic Mail Survey. Ito ay anumang anyo ng
metodong sarbey na ang mga talatanungan ay ipinapadala sa e- mail ng mga target na kalahok sa pag-aaral sa pamamagitan ng attachment. Ito ay inaasahang ibabalik ng kalahok sa takdang panahon na kanilang binanggit sa personal na mensahe sa e- mail. URI NG SARBEY
c. Web Survey/Online Survey. Ito ay sarbey na isinasagawa sa isang
website. Gamit ang web browser ay nagagawang makapunta ng mga kalahok sa nasabing website upang sagutin ang mga talatanungan. Ang ganitong pamamaraan ay mabisang gamitin sa mga sample na magkakahiwalay ang lokasyon. Ilan naman sa mga kahinaan nito ay ang potensiyal ng pagkakaroon ng mababang kalidad ng mga datos. Dahil sa kawalan ng kontrol ng mananaliksik sa mga di niya kilalang kalahok, maaaring di seryosohin ng mga ito ang pagsagot sa mga tanong. URI NG SARBEY
d. Dual-media Survey. May dalawang pamamaraan ito upang
masagutan ng mga kalahok sa pag-aaral ang talatanungan - electronic mail o web survey. Sa puntong ito ay binibigyang- laya ang kalahok na pumili ng metodo na mas komportable siyang gamitin. METODO SA PANANALIKSIK
2. Panayam/Interbyu. Sa metodong ito ay direktang nakikipag-usap
ang mga mananaliksik sa kalahok sa pag-aaral upang makakuha ng impormasyong makasasagot sa mga suliranin ng pananaliksik. Ayon kay Keyton (2015) itinuturing itong pinakapratikal at epektibong metodo sa isang kwalitatibong anyo ng pananaliksik na naglalayong malaman ang nararamdaman at kung papaano mag-isip ang mga tao. URI NG PANAYAM
a. Nakabalangkas na Panayam/Structured Interview. Tinatawag
ding standardized interview. Dito ang mga mananaliksik ay may nakahanda nang listahan ng mga tanong sa kalahok. Layunin ng ganitong panayam na walang makaligtaang tanong sa buong proseso ng panayam. Sa ganitong uri ng interbyu, may kontrol ang mananaliksik sa daloy ng talakayan. URI NG PANAYAM
b. Bahagyang Nakabalangkas na Panayam/Semi-structured
Interview. Taglay ng ganitong uri ng panayam ang parehong katangian na mayroon ang structured at unstructured interview. Sa katunayan, bukod sa nakabalangkas na tanong ay may kalayaan na ang mananaliksik na magtanong batay sa sagot ng kinakapanayam na hindi nagagawa sa isang structured interview lalo na kung nangangailangan pa ng pagpapalalim at pagpapalawak. URI NG PANAYAM
c. Di Nakabalangkas na Panayam/Unstructured Interview.
Tinatawag din itong impormal na panayam. Walang nakabalangkas na mga tanong na ginagamit sa ganitong uri ng panayam kaya naman malaking oras ang kakailanganin ng mananaliksik sapagkat natural ang daloy sa buong proseso. May kalayaan ding magtanong kaagad-agad ang mananaliksik ng mga tanong na may kaugnayan sa sagot ng kalahok nang walang anumang alinlangan. METODO SA PANANALIKSIK
3. Ginabayang Talakayan/ Focus Group Discussion. Ito ay isang uri
ng talakayan na ginabayan ng isang indibidwal (maaaring mananaliksik o hindi) na nagsisilbing facilitator ng usapan na binubuo ng 5 hanggang 10 kalahok na maaaring pinili gamit ang snowball sampling technique at purposive sampling technique. Kadalasan ang talakayan ay umaabot hanggang 90 minuto depende sa partisipasyon ng bawat kalahok. METODO SA PANANALIKSIK
4. Obserbasyon. Sa metodong ito ay inoobserbahan ng
mananaliksik ang mga kalahok at iba pang bagay na may kaugnayan sa pag-aaral na makapagbibigay rin ng kasagutan at impormasyon. Maaari itong purong kalahok (complete participant), kalahok bilang tagamasid (participant as observer), tagamasid bilang kalahok (observer as participant), at purong tagamasid (complete observer). URI NG OBSERBASYON
a. Purong Kalahok (Complete Participant). Sa complete participant,
nagpapanggap ang mga mananaliksik na mga bahagi mismo ng grupo upang unawain ang ugali at kilos ng paksang pinag-aaralan. Samakatwid, umaakto silang miyembro mismo ng proseso pero hindi ipinapaalam na sila ay nagmamasid at nagsusuri. Samantala, dapat tandaan na ang pagmamasid ng mananaliksik bilang ganap na kalahok ay nakatuon sa perspektiba ng pagiging kalahok mismo. URI NG OBSERBASYON
b. Kalahok bilang Tagamasid (Participant as Observer). Sa ganitong uri
ng obserbasyon, malinaw na ang mananaliksik ay tumatayong kalahok at tagamasid. Kaiba sa complete participant, sa uring ito ay malay na ang mga miyembro ng grupong pinag-aaralan na may nagaganap na pananaliksik. Bagama’t nakikisalamuha pa rin ang mananaliksik sa mahahalagang gawain ng grupong pinag-aaralan, may mga pagkakataong kailangang tumanggi siya upang bigyang-tuon ang pananaliksik. URI NG OBSERBASYON
c. Tagamasid bilang Kalahok (Observer as participant). Sa uring ito ng
obserbasyon, tagamasid o observer ang tuon ng mga mananaliksik. Subalit, malinaw sa dalawang grupo na may mga pagkakataon na maaaring pumasok ang mga mananaliksik sa interaksiyon ng grupong kalahok sa pag-aaral sa pamamaraang natural. Sa katunayan, malinaw sa mga mananaliksik at sa grupong pinag-aaralan na maaaring makiisa paminsan-misan ang una sa gawain ng grupo. URI NG OBSERBASYON d. Purong Tagamasid (Complete Observer). Sa ganitong uri ng obserbasyon, tagamasid lamang ang mga mananaliksik. Samakatuwid, hindi niya kailangang makiisa sa anumang gawain ng grupong pinag- aaralan. Bukod pa rito, hindi din kailangang mag-interbyu at magtanong sa miyembro ng grupong pinag-aaralan upang ipaliwanag ang kaniyang naobserbahan. Sa katunayan, sa pagsasagawa ng ganitong obserbasyon, dapat tandaan ng mga mananaliksik na mahigpit na ipinagbabawal ang beripikasyon ng kanilang interpretasyon sa iba upang maiwasang malantad ang kanilang sekretong gampanin METODO SA PANANALIKSIK
5. Pagsusuri ng Nilalaman/Content Analysis. Ang metodong ito ay
kalimitang ginagamit sa kwalitatibong disenyo ng pananaliksik. Tumutukoy ito sa pagsusuri ng mga nasusulat na teksto upang malaman ang tunay na kahulugan ng isang pahayag, konsepto, o kaalaman.