Batayang Teoretikal

Sa pananaliksik na ito binibigyang pokus ang teoryang Bottom-up. Batay sa teoryang ito,
ang pagbasa ay ang pagkilala ng mga serye ng mga nakasulat na simbulo (stimulus) upang
maibigay ang katumbas nitong tugon (response). Naniniwala ang teoryang ito na ang pagkatuto
sa pagbasa ay nagsisimula sa yugto-yugtong pagkilala ng mga titik sa salita, parirala at
pangungusap ng teksto, bago pa man ang pagpapakahulugan sa buong teksto (Badayos, 2000).

Tinatawag itong teoryang ibaba-pataas o bottom-up na nangangahulugang ang pag-

unawa ng isang bagay ay nag-uumpisa sa ibaba (bottom), ito ang teksto (reading text) at
napupunta sa itaas (up), sa utak ng mambabasa matapos maproseso sa tulong ng mata at utak o
isipan. Ang kaisipang ito ay batay sa teoryang behaviorist at sa paniniwalang ang utak ay isang
blangkong papel o tabula raza.

Ayon kay Smith(1994), ang impormasyon ay hindi nagmumula sa mambabasa kundi sa

teksto. Ang teoryang ito ay tinatawag ding data-driven model o part to whole model. Ibig
sabihin, higit na umaasa ang mambabasa sa mga impormasyong nasa teksto.

Ang konseptong ito o teoryang ito ang nagbukas ng daan sa paglikha ng Phil - IRI bilang
isang kagamitan (tool) upang makilala ang mga pagkakamali sa pagbasa o mga paghihirap na
kanilang dinaranas sa pagbasa ng mga mag-aaral sa Baitang 7 at upang matukoy ang kanilang
mga antas sa pagbasa.

  Mga proponent ng teorya: Rudolf Flesch (1955), Philip B. Gough (1985), at David La Berge at
S. Jay Samuels (1985)

https://www.slideshare.net/rowelpiloton/mga-teorya-sa-pagbasa

http://darkemo04.blogspot.com/2014/04/teoryang-ibaba-pataas-bottom-up.html

Badayos P. B. (2000),Teorya sa Pag-basa.Naniniwala ang teoryang ito na ang pagkatuto sa

pagbasa. National College of Science and Technology Dasmarinas City, Cavite.

Smith N. (1994, December 1), Geography, empire and social theory. Rutgers University,(pp.
491-500)