Ng dahil sa Covid vaccine nagkakaroon tayo ng kalayaan na kumain na sa labas
at makipagkita sa kaibigan o sa malalayong pamilya. Nagkakaroon ng kwentuhan, tawanan, hindi magpapahuli ang biruan o ang mga asaran. Dahil din sa vaccine nagkakaroon ng tagumpay o malayang komunikasyon ang bawat isa. Mahirap makipag komunikasyon online dahil hindi maayos ang hindi pagkakaintindihan. Kailangan ng sambayanan natin ang Covid 19 vaccine para kahit papaano ay kampante tayo na may lalaban na sa Covid 19 kung tamaan man tayo ng sakit na ito. Mahirap na sa panahon ngayon lumalala o lumalaki ang kaso sa bansa natin kaya kailangan talaga natin mabakunahan. Kaya kumikilos ang mga taong nasa mataas na posisyon upang mahikayat tayo na mag paturok. Hindi biro ang covid, ilang milyon na ang taong namamatay at ilang milyon tao pa ang nag dudusa dahil sa sakit na ito. Binigyan tayo ng pagkakataon upang mag pa vaccine. Maraming mga magulang, trabahador, at estudyante na ang nahihirapan ng dahil sa COVID 19 lahat naman tayo ay nakaranas ng hirap simula nung lock down. Eto na yung tinatawag nilang new normal na naka face shield, face mask at lagi kailangan mag alcohol. Bilang isang estudyante gusto ko rin naman maranasan na lumabas na wala ng suot na face shield o face mask. Hindi na kailangan mag alcohol at mag alala sa mga hahawakan sa paligid. Bilang isang estudyante gusto ko na rin maranasan pumasok ulit sa eskwelahan kasama ang aking mga kaklase na laging nag bibigay ng ngiti sa aking labi at ang mga guro na nag papakaba sa aking dibdib. Kung lahat ng tao ay makikisama at mag pa paturok magkaroon tayo ng tyansa upang mamuhay ulit na normal na buhay. Walang GCQ, MECQ, GCQ AT MCGQ. Noon, ay kailangan nating mag ingat dahil sa madraming pandaraya ang naganap ang ilang mga tao ay maaaring matuksong bumili o gumamit ng mga kaduda-dudang produkto na nagsasabing makakatulong sa pag-diagnose, gamutin at maiwasan pa ang sakit na coronavirus. Ang FDA ay nakikipag tulungan sa mga gumagawa ng bakuna at gamot, mga developer, at mananaliksik upang makatulong na mapadali ang pagbuo at pagkakaroon ng mga produktong medikal. Samantala, ang ilang mga tao at kumpanya ay sumusubok na kumita mula sa pandemikong ito sa pamamagitan ng pagbebenta ng mga hindi napatunayan at illegal. Pero sa kasalukuyan ay salamat sa Diyos dahil nagkaroon na ng libreng bakuna laban sa COVID 19 ang ating bansa. Ayon sa aking pananaliksik ang mga bakuna ay nabuo ng napakabilis ngunit walang ginawang anumang mga shortcut sa mga kinakailangang proseso o pag kompromiso ng kaligtasan. Nag tulong tulong ang mga siyentipiko upang pag aralan ang Covid Vaccine. Dahil sa dami ng nag boluntaryo napadali at napaikli ang pag aaral sa mga bakuna na ibibigay sa bawat bansa. Gumana ang mga pagsubok sa bakuna ng Pfizer ng matuklasan ng mga klinikal na pagsubok na mabisa ang bakuna sa lahat ng edad, lahi, etnisidad at mga tao na may mga umiiral na kondisyong medikal. Una munang nabakunahan ang mga may edad na at ngayon naman ay nag lalabas na ng bakuna para sa mga menor de edad. Pero hindi pa kasi pinapayagan ng awtoridad sa bansa ang pagbabakuna sa mga menor de edad dahil sa kakulangan ng suplay ng bakuna. Kaming mga estudyante ay hindi naman ganun nagmamadali mabakunahan, dahil nag aalala rin ang aming mga magulang sa magiging side effects nito. Pero kung ako ang tatanonging bilang isang estudyante, anak, at kapatid mas mabuti ring mabakunahan ako dahil, kahit lagi ako ng nasa loob ng bahay at hindi lumalabas mayroon paring tyansa na magkaroon ako ng Covid. Nasa hangin ang COVID hindi ito nakikita at ang mga magulang namin ay laging nasa labas dahil nagtatrabaho sila. Kung dadagdag pa ako sa mga taong matigas ang ulo at ayaw mag pa vaccine baka hindi matupad ang pangarap kong makapasok ulit sa eskwelahan. Mukhang maayos naman ang vaccine para sa mga menor de edad dahil sa ibang bansa ay marami ng estudyanteng nabakunahan. Maraming bansa na rin ang nag babalik eskwelahan at isa na rin ang Pilipinas ngunit bilang pa lamang ang mga eskwelahan na pinayagan pumasok o mag bukas. Kaya maraming ayad din mag pabakuma dahil. Meron kasing mga hindi kanais nais na epekto ng mga bakuna sa ating katawan. Mayroon koneksyon sa pagitan ng bakuna ng AstraZeneca at ang pambihirang kondisyon, na kasama ang pamumuo ng dugo at mababang antas ng blood platelet. Ang tawag sa kondisyon ito ay Thrombosis with thrombocytopenia syndrome (TTS). Iba iba ang pwedeng maging reaksyon ng bakuna sa ating katawan kaya hindi ito pwede ibaliwala. Hindi rin lahat nabibigyan ng bakuna dahil sa mga sakit nila at baka hindi kayanin ng kanilang katawa. Inaasikaso naman ng mga doctor ang mga taong nag papabakuna. Sabi ng aking mama ay tinanong muna siya kung may sakit ba siya o may nakaraan siyang sakit na malubha, dahil baka mag karoon ng malalang malalang epekto ang bakuna sa kanyang katawan. Una sa lahat ang mga matatandang may edad na may high blood hindi pinapahintulot ng mga doktor na turukan ang matatanda kung ito ay may high blood lalo na kung mataas ang dugo nito sa oras na ba bakunahan siya. Dapat maging tapat tayo sa doctor na nagtatanong bago tayo bakunahan dahil tayo ang mag aani kung mag sisinungaling tayo. Baka hindi maganda ang maging epekto ng bakuna sa ating katawan kung karamdaman pala tayo. Mga dapat nating gawin bago bakunahan. Kumain ng tama at masustansya. Uminom ng sapat na tubig (8-10 baso kada araw). Matulog ng sapat at siguraduhin nakapag pahinga (hindi bababa sa 7 oras kada gabi). Alam ko nakakatakot ang pwedeng maging epekto ng bakuna sa ating katawan, pero kung ito lamang ang tanging sagot upang magkaroon ulit tayo ng normal na buhay. Wala tayong magagawa kung hindi makipag tulungan.