PAGBASA AT PAGSUSURI NG IBA’T IBANG TEKSTO TUNGO SA

PANANALIKSIK
Ikatlong Markahan-Ikawalong Linggo

PAGSULAT NG REAKSYONG PAPEL

Gawain 2

Naging kawili-wili ang aking pagbasa ng Sa Aking Pagtanda ni Rev. Fr. Ariel F. Robles,
CWL.Nasagi sa aking isipan matapos basahin ang sanaysay ang katanungan na may mag-aalaga kaya sa
akin kapag matanda at mahina na ako at may mahal pa ba ako sa buhay na iintindihin ako sa maramdamin
kung ugali? Ano kaya ang mangyayari sa akin kapag ulyanin nako.Habang binabasa ko ang sanaysay
napukaw ang aking damdamin sa kaisipang intindihin at alagaan ang mga magulang kapag silaý matanda na
sapagkat ito ang magsisilbing sukli mo sa ibinigay nilang sakripisyo,pag-aalaga at pagmamahal sa iyo.

Maiuugnay ko ang aking sarili na sana sa aking pagtanda,mayroong mag-aalaga at iintindihin

ako kahit matanda na at sa pamilya ko naman,kahit anong mangyari,alagaan at ibigay ang buong
pagmamahal sa mga magulang habang buhay pa dahil maari silang mawala anumang oras.Dumaan man ang
panahon,sanaý huwag kalimutan ang naiambag upang mapaganda ang komunidad habang sa sariling bansa
ay kahit maputi na ang buhok at ulyanin,protektahan at ipagmalaki ang ganda ng Pilipinas at tumulong sa pag-
advocate ng mga kabataan sa pag-aalaga ng kalikasan upang mapanatiling paraiso ang ating mundong
ginagalawan.Sumasang-ayon at nahiyakat ako sa layunin ng binasang teksto dahil naaawa at nadarama ko
ang gustong ipabatid ng may-akda.Mayroon na akong nabasa,napanood at napakinggan na sitwasyon tulad
nito.May pagkakatulad at pagkakaiba.Magkatulad sila ng sitwasyon na naranasan pero magkaiba sila ng
kinahihinatnan dahil ang iba ay inalagaan at mas naging mataas ang kanilang pasensya sa matanda habang
ito ay hindi nila binibigyan ng pansin at sinasaktan ang damdamin ng magulang.Ang paksang ito ay
sinasalamin sa kasalukuyang pangyayari sapagkat ito ang magsisilbing tulay upang buksan ang mga mata ng
mga anak na ibigay ang kanilang atensyon sa nanay at tatay dahil maikli lang ang buhay kaya dapat na sulitin
ang natitirang panahon para ipakita na may malasakit sa mga magulang.May ilan-ilan na iba kung tratuhin ang
mga magulang.Naiinis,nagagalit,pinapabayaan ang mga magulang kasi matanda na.Hindi nila binigyan nang
importansiya ang presensya ng kanilang mga mahal sa buhay sa kadahilanang busy sa trabaho,may iba ng
buhay at wala nang oras para man lang bisitahin.Masakit lang isipin na wala silang utang na loob para lang
pabayaan,pandirihan at saktan sila subalit may mga anak naman na mapagmahal at handang alagaan ang
mga magulang kapag mahina na dahil hindi sila makasarili at gagawin ang lahat para lang mapasaya sa abot
ng kanilang makakaya habang nabubuhay pa ang kanilang mga magulang.

Ang bunga nito sa akin ay malaki dahil madami akong natutunan at naramdaman.Nakaramdam
ako ng awa,galit at konsensiya dahil malaking kasalanan ang pabayaan ang mga matatanda.Aking napagtanto
na nararapat na suklian natin bilang anak ang lahat ng bagay na ginawa ng mga magulang sa atin.Sisikapin at
pinapangako ko na hindi mababawasan ang aking pagmamahal sa aking mga magulang at aalagaan ko sila
sa abot ng aking makakaya hanggang pagtanda.

Ipinasa ni: Venus B. Tarre Baitang 11-GAS 1

Ipinasa kay: G. Fjay-ar A. Llorca