The PRIMALS Compendium of Teaching Resources

ENGLISH LESSON PL ANS FILIPINO LESSON PL ANS L I T E R AC Y S T R AT EG I E S

Ipapasyal Namin si Lolo

Baitang 7 | Kwentong Pambata

Binibigyan ng dagdag na atensyon ng ating lipunan ang mga sektor na higit na

nangangailangan ng tulong at kalinga. Gaya ng mga nakatatanda. Sa kwentong pambatang
ito, makikita ang pagtatangkang maintindihan ang pagpapasya ng mga tauhan kung paano
higit na matutugunan ang pangangailangan ng isang nakatatanda habang isinasaalang-
alang ang mga personal na limitasyon. Kung paanong ang siklo ng buhay na dating
hinihingian ng pagpapasya, sya ngayon ang pinagpapasyahan. Kung paanong nalilipat ang
kapangyaihan ng pagpapasya, mula sa matatanda patungo sa nakababata. Gayundin,
kung ang natatangiang kayamanan at kasiyahan na lang ay alaala,
paano ito pagkakaingatan at pahahalagahan. Sa Banghay
Aralin na ito, ipinakita kung paano tatalakayin ang
kuwentong pambata bilang anyo ng panitikan,
gamit ang elemento ng kwento. Binigyang diin

BAI TANG 7
sa aralin ang mahusay na pagkilala sa mga
tauhan sa pamamagitan ng sistematikong IIX IX X
karakterisasyon. Maiintindihan ang XI IIIV IIV
III II I

motibasyon ng mga tauhan dahil sa IV V VI

pagkilala sa pisikal, sikolohikal at sosyal
na katangian ng mga ito.

Talaan ng Nilalaman

Teksto 02
Banghay-Aralin 06
Pang-Araw-Araw na Tala 12
T EKSTO
Ipapasyal Namin si Lolo
Kuwento ni Genaro R. Gojo Cruz
N gayong araw, ipapasyal namin si Lolo
Juanito. Ito ang unang beses na ipapasyal
namin siya.
Ngayon lang din kasi di-abala si Tatay.
Maraming taon na ring nakatira sa aming
bahay si Lolo, mula noong ipinanganak ako.
Hanggang ngayong Grade 4 na ako.
Noong di pa ako nag-aaral, si Lolo ang aking
kasama sa bahay. Lahat ng laruang papel,
itinuro niya sa akin kung paanong gawin.
Bangkang-papel.
Eroplanong-papel.
Bolang-papel.
Sombrerong-papel.
Ibong-papel.
Tipaklong na papel.
Pati bayong na papel.
Dati, kilala pa ako ni Lolo. Tinatawag niya pa
ako sa aking pangalan na Haru. Ako yata
ang kaisa-isang apo niya sa kaniyang kaisa-
isang anak, si Tatay. Kaya tatlo kaming tig-iisa
sa loob ng aming bahay.
Si Lolo, nagiisang anak.
Si Tatay na nag-iisang anak ni Lolo.
Ako, nag-iisang anak ni Tatay.
2 The PRIMALS Compendium of Teaching Resources | FILIPINO 4-10
“Haru, wala ka bang nakakalimutan?“
tanong ni Tatay.
“Malayo ang ating papasyalan. Magdala
ka na rin ng tubig para sa ating tatlo,“
dugtong niya.
Maraming bag ang inilagay ni Tatay sa
likuran ng aming asul na kotse.
“Tay sa’n natin ipapasyal si Lolo?”
Tanong ko kay Tatay.
“Malalaman mo na mamaya,” sagot niya.
Pagkaandar na pagkaandar ng kotse,
nagsimula na rin ang mahabang-mahabang
kuwento ni Lolo. Nasa tabi siya ni Tatay,
ako naman, nasa likod. Nagsimula uli ang
kuwento ni Lolo sa “noong panahon
ng giyera”.
“Noong panahon ng giyera nag-iba ang
buhay naming mga bata. Kay daming hindi
na namin kaagad maaaring magawa,”
simula ni Lolo.
“Tuwang-tuwa kaming masilayan sa
kalangitan ang mga dambuhalang ibon.
Hindi namin mabilang. Nagtatatalon kami sa
katuwaan dahil sa tanang buhay namin, noon
lamang kami nakakita ng ganoong kalalaking
ibon. Pero nakamamatay pala ang ipot ng
mga ibong iyon, sumasabog! Eroplanong
pandigma pala iyon ng mga Hapon. Biglang-
bigla, hindi na kami puwedeng maglaro.
Sandali, naalala kong bigla si Luis, na aking
kasama at naging kaibigan sa matagal na
panahon. Kumusta
na kaya siya?” dugtong niya.
4-7

“Sa bawat ipot na ibinabagsak ng ibon, may
sumasabog at nasusunog. Nabagsakan ng
ipot ang aming Gabaldon sa eskuwelahan.
Ang mahal kong aklatan, nasunog! Biglang-
bigla,hindi na kami puwedeng pumasok sa
eskuwelahan! Halos tatlong taon iyong hindi
na kami nag-eeskuwela,” kuwento ni Lolo
habang lumilinga-linga sa aming dinaraanan.
“Ito ang aming Gabaldon!” sabay turo sa isang
lumang gusali ng paaralang nadaanan namin.
“Tay malayo pa ang San Rafael,”
singit ni Tatay.
“San Rafael? Madalas ko iyong marinig sa
mga kuwento ni Lolo. Sa San Rafael pala
namin ipapasyal si Lolo,” naisip ko.
May nadaanan kaming lumang tulay.
“Ito ang lumang tulay sa San Rafael.
Pinasabog ito ng mga Hapon. Biglang-bigla,
hindi na kami nakapaligo at makapagpaagos
ng mga bangkang-papel sa sapa. Hindi na
nakapanghuli ng tipaklong sa kagubatan,”
patuloy ni Lolo.
May nadaanan kaming lumang simbahan.
“Dito ako bininyagan. Naging garrison
ito ng mga Hapon. Kaya biglang-bigla,
hindi na kami nakapagsimba noon dahil
sa matinding pangamba. Lagi akong umiiyak
noon, idinarasal kong matapos na sana ang
giyera,” humina ang boses ni Lolo.
May nadaanan kaming lumang plaza.
“Dito kami nanonood noon ng bodabil
ni Luis kasama ang iba pang mga bata.
Pero binomba at winasak ito ng mga
Hapon. Biglang-bigla, nawalan ng kinang
ang tanghalan. Naglaho ang malakas na
halakhakan ng mga tao,” nabuhay muli
ang boses ni Lolo.
Pero nakilala ko ang isang mabait na
sundalong Hapon sa San Rafael, si Daisuke.
Umibig siya sa isang babaeng Filipina.
Nagsisilbing tulay ako sa kanilang lihim na
pag-iibigan. Bilang pasasalamat, ibinigay
niya sa akin ang isang sombrerong
pandigma. Pinangalanan niya akong
Fumiko o batang kaibigan. Nasaan na
ba ang sombrerong iyon?” usisa ni Lolo.
“Nang matapos ang giyera, maraming
natuwa sa pag-alis ng mga hapon. Pero
ako’y nalungkot dahil umalis na rin ang
aking naging kaibigan na Hapon. Pero
hindi ko akalaing ang naiwan niyang anak
sa babaeng Filipina ang aking iibigin at
mapapangasawa paglaon. Labis lamang ang
aking panghihinayang, sumakabilang-buhay
nang maaga ang aking Izumi,” humina muli
and boses ni Lolo.
BAI TANG 7
Si Izumi ang aking Lola, nanay ni Tatay.
Di ko na naabutan si Lola Izumi.
“Anak, malapit na tayo,” paalala ni Tatay.
Napansin ko ang mga lumang bahay na
aming dinaraanan. Ito na tiyak ang San
Rafael, ang lugar na kinalakihan nina
Lolo at Tatay. Para akong bumalik sa
panahon ni Lolo. Bumusina si Tatay sa
isang malaki at kalawanging gate. Maya-
maya, binuksan ng isang lalaki na parang
lolo na rin ang gate. Nakita ko ang isang
malawak na hardin.
“Dito ko tinuturuang gumawa ng mga
laruang-papel ang aking ichiro, ang aking
nag-iisang anak na lalaki. Kailangang
mahawaan ang sukal at mataniman ng mga
bagong halaman ang harding ito,” parang
biglang lumakas si Lolo.
Ipapasyal Namin si Lolo 3
T EKSTO
Ichiro ang tawag ni Lolo kay Tatay.
“Luis, ikaw ba iyan?” tanong ni Lolo sa lalaking
lumapit sa kaniya. Nagyakap at nagtapikan
sila ng mga balikat. Nakilala ko na rin si Luis,
ang kaibigan at laging kasama sa mahabang
kuwento ni Lolo.
Sa tingin ko, nadagdagan pang lalo ang
lakas ni Lolo.
Pumasok kami sa lumang bahay.
Lumapit si Tatay sa akin.
“Haru, iiwan na muna natin ang Lolo mo
sa lumang bahay na ito. Kailangang may
magbantay at mag-alaga sa kaniya para
gumaling siya agad. Delikado na siyang iwan
sa ating bahay. May trabaho ako at nag-aaral
ka. Marami na siyang nakalilimutan, ‘ni hindi
na niya tayo nakikilala, kahit ang ating mga
pangalan,” sabi ni Tatay.
“Iiwan natin si Lolo sa bahay na ito?”
“Oo, anak. Kilala mo ang iyong Lolo. Gusto
niyang laging may ginagawa, gusto niyang
nababantayan ang lumang bahay na ito,
gusto niyang nakikita ang mga lumang gamit
dito, gusto niyang nagtatanim, gusto niyang
makipagkuwentuhan sa kaniyang kapanahon.
Di natin maibibigay ang mga gusto niyang
ito sa ating maliit na bahay sa Maynila,”
paliwanag ni Tatay.
4 The PRIMALS Compendium of Teaching Resources | FILIPINO 4-10
Biglang nagsalita si Lolo.
“Heto ang isang pintura. Ang batang may-
hawak na pulang-lobo ay si Izumi kasama ang
kaniyang ina. Halika kayo! Siya si Izumi ang
anak ng kaibigan kong Hapon na si Daisuke.
Siya ang aking napangasawa. Nagkaroon
kami ng Ichiro.”
Napalingon kami ni Tatay sa kinaroroonan
ni Lolo. At suot na niya ang sombrerong
pang-Hapon.
“Iiwan muna natin ang Lolo mo. Kapag
magaling na magaling na siya, isasama natin
uli siya sa Maynila. Si Tiyo Luis na muna ang
mag-aalaga sa iyong Lolo,” dugtong ni Tatay.
Lumapit ako kay Lolo para magpaalam.
“Lo, aalis muna kami, pero babalik din kami,”
sabi ko.
“Ikaw na si Haru ang nag-iisa kong apo?”
tanong niya.
“Opo Lo, ako si Haru. Babalik kami uli kapag
walang trabaho si Tatay,” sagot ko.
Mahigpit na yakap ang ibinigay ko kay Lolo.
Nakilala na niya uli ako.
Napakalayo pala ng San Rafael! Di ko ito
naramdaman nang papunta pa lang kami.
Nakapagpapaikli pala ng biyahe ang mga
kuwento ni Lolo.
4-7
“Haru, babalik tayo sa San Rafael tuwing
sabado para dalawin ang Lolo mo,”
sabi ni Tatay.
“At tuwing Linggo, pangako kong lilibutin
natin ang buong San Rafael. Aba, marami na
rin akong kuwento noong bata na tiyak na
magugustuhan mo!” pangako ni Tatay.
Gusto ko na agad na dumating ang Sabado
at Linggo!
Gusto kong makilala si Tatay noong bata
pa siya.
Gusto kong malaman ang kuwento ng
San Rafael!
At higit sa lahat, gusto kong dalawin ang
mahal kong Lolo, si Lolo Juanito!
BAI TANG 7
Ipapasyal Namin si Lolo 5
BANGHAY-A RA L IN

Masusing Banghay-Aralin
LAYU NIN

A. Pamantayang Pangnilalaman

Naipamamalas ng mag-aaral ang pag-unawa sa mga akdang pampanitikan ng Luzon

B. Pamantayan sa Pagganap

Naisasagawa ng mag-aaral ang komprehensibong pagbabalita tungkol sa kanilang

sariling lugar.

C. Mga Kasanayang Pampagkatuto/Layunin

(F7PB-I-c-d2) Natutukoy at naipaliliwanag ang mahahalagang kaisipan sa binasang akda

1. Naipasasagot ang mahahalagang kaisipan sa pamamagitan ng

pangkatang gawain
2. Natutukoy ang mga karapatan ng mga lolo o Senior Citizens
3. Nakalalahok sa isang debate batay sa kaisipan ng akda
4. Nakasusulat ng kuwento tungkol sa kanilang lolo

PAKSA

Ipapasyal Namin Si Lolo ni: Genaro R. Gojo Cruz

MGA KAG A M ITA N

A. Sanggunian:

Sipi ng Maikling Kuwentong Pambata - Ipapasyal Namin si lolo Ni Genaro R. Gojo Cruz
Iba pang kagamitang pampagtuturo : LCD/ Speakers, Awit ng Si Lolo Jose ni Coritha
https:/m.youtube.com/watch?v=k8-KfC9goUE, larawan, Origami

6 The PRIMALS Compendium of Teaching Resources | FILIPINO 4-10

4-7
PA M A M A RAA N

BAG O M AGBA S A HABAN G N AG BABASA PAG K ATAP O S M AG BASA

A. Panimula

1. Pampukaw sa Dating Kaalaman

Pagpaparinig/pagpapanood ng guro sa isang awit/ video ng ‘Si Lolo Jose’ ni Coritha
Nakasulat sa Manila paper ang awit para maintindihan ng mga mag-aaral.

Itanong:
Ano ang sinasabi sa atin ng awit ni Lolo Jose ni Coritha?

B. Pangganyak

Itanong:

1. Sino-sino sa inyo rito may mga lolo pa o itinuturing na lolo?

2. Anong karanasan ang hindi ninyo malilimot sa inyong lolo?
3. (Magpapakita ng komik strips at ipahihinuha ang kuwento mula rito.)

BAI TANG 7

Ipapasyal Namin si Lolo 7

BANGHAY-A RA L IN

BAG O M AG BA S A H A BA NG N AG BABASA PAG K ATAP O S M AG BASA

C. Paglalahad ng Aralin

1. Bakit kaya “Ipapasyal Namin si Lolo”ang pamagat ng kuwento?

2. Ibibigay ng guro ang mga gabay na tanong sa mga mag-aaral bago magpabasa
3. Pagpapabasa ng kuwento sa mga mag-aaral (dugtungan/malakas/tahimik na pagbasa)

BAG O M AG BA S A H A BA NG N AG BABASA PAG K ATAP O S M AG BASA

D. Pagtalakay sa Aralin

1. Gawaing Pagpapaunawa
Pangkatin ang mga mag- aaral sa 4 at ipagawa ang pagsagot sa mga sumusunod
na tanong:

Pangkat 1:
Sino-sino ang mga tauhan sa akda? Ipakilala sila sa pamamagitan ng sanib-saniban
(Sasaniban ng tauhan sa kuwento ang mag-aaral at sila ang magpapakilala sa mga
tauhan)

Lolo Juanito Izumi

Ichiro Luis

Haru Daisuke

8 The PRIMALS Compendium of Teaching Resources | FILIPINO 4-10

4-7
 Pangkat 2:
Ano-anong mga alaala ang sumagi sa isipan ni Lolo Juanito habang sila’y naglalakbay?
Bakit niya ito naikuwento? Sagutin sa pamamagitan ng Story-Map

PLAZA

Pangkat 3:
Anong pagbabago ang nangyari kay Lolo Juanito nang makarating sila sa lumang bahay
nila sa San Rafael? Gawin ito sa pamamagitan ng Role Play

Pangkat 4:
Bakit kailangang ipagkatiwala si Lolo Juanito sa kaibigan nito? Tama ba ang desisyon
ng mag-ama na iwan siya sa San Rafael? Gawin ito sa pamamagitan ng pagbibigay ng
dahilan at epekto na nasa tsart

BAI TANG 7
Dahilan Epekto

2. Gawaing Pagpapalalim (Optional)

Gamit ang tsart sa ibaba, ipatatalakay sa mag-aaral muli ang mahahalagang kaisipan
mula sa mga naging suliranin o isyung binabanggit sa akda

Mahalagang kaisipan Patunay Solusyon

1.

2.

3.

4.

5.

3. Gawaing Paglinang sa Kabihasaan

Ipapasyal Namin si Lolo 9

 Mula sa diagram sa ibaba, tukuyin ang mga sinasabing karapatan ng mga lolo/lola
tuladni Lolo Juanito na isinasaad sa batas. Nakakamit kaya ito ng ating mga Lolo/lola?

Batas para
sa mga
Senior Citizen

E. Paglalapat

BAG O M AG BA S A H A BA N G N AG BABASA PAG K ATAP O S M AG BASA

Simulan ito sa pamamagitan ng pagpapakita ng larawan ng mga matatanda sa Home for the
Aged o documentary films na may kaugnayan sa paksa bago ipagawa ang mga sumusunod
sa mga mag-aaral.

Pagdedebate (Informal)

Paksa:
Dapat ba o di- dapat dalhin sa home for the aged ang mga matatandang tulad ni
Lolo Juanito?

F. Paglalagom

Gagawin ng mga mag-aaral ang paglalahat/pagbubuod sa natukoy at naipaliwanag na

kaisipan ng akdang binasa sa pamamagitan ng 5W’s -1H

1. Sino? _______________________________________________
2. Ano? _______________________________________________
3. Kailan? _______________________________________________
4. Bakit? _______________________________________________
5. Paano? _______________________________________________

G. PagTataya

10 The PRIMALS Compendium of Teaching Resources | FILIPINO 4-10

4-7
 Gumawa ng isang pag-uulat tungkol sa kalagayan ng mga matatanda sa iyong pamayanan.

Rubrik sa pagmamarka:
1. Nilalaman – 15pts
2. Organisasyon ng kaisipan- 10pts.
3. Gramatika at Mekaniks (Gamit ng wika, bantas atbp.)- 5pts.
Kabuoan - 25 pts.

H. Karagdagang Gawain at/o Pagpapahusay

(Opsiyonal)
Ipasasaliksik sa mga mag-aaral ang kasaysayan ng lugar na pinagmulan ng kanilang mga
lolo kasama ang larawan nito para sa isang munting photo exhibit na gagawin sa loob ng
klasrum.

Rubrik:
1. Nilalaman- (Katumpakan at kasapatan ng impormasyon) 15pts
2. Organisasyon ng kaisipan (kaugnayan at kaisahan) 10 pts
3. Gramatika at Mekaniks ( Gamit ng wika, bantas atbp.) 5 pts
Kabuuan - 25 pts

BAI TANG 7

Ipapasyal Namin si Lolo 11

PANG-A RAW-A RAW N A TA L A

Paaralan: Guro: Asignatura: Filipino

B A I TA N G 7 LUNES MARTES

L AY U N I N

A Pamantayang Naipamamalas ng mag-aaral ang pag-unawa sa mga akdang

Pangnilalaman pampanitikan ng Luzon

B Pamantayan sa Pagganap Naisasagawa ng mag-aaral ang komprehensibong pagbabalita

tungkol sa kanilang sariling lugar

C Mga Kasanayan sa Natutukoy at naipaliliwanag 3. Nakalalahok sa isang debate

Pampagkatuto ang mahahalagang kaisipan sa batay sa kaisipan ng akda
binasang akda (F7PB-I-c-d2) 4. Nakasusulat ng kuwento
1. Naipasasagot ang tungkol sa kanilang lolo
mahahalagang kaisipan sa
pamamagitan ng pangkatang
gawain
2. Natutukoy ang mga
karapatan ng mga lolo o
Senior Citizens

NILALAMAN / PAKSA

Ipapasyal Namin Si Lolo ni: Genaro R. Gojo Cruz

M G A K A G A M I TA N G P A M P A G T U T U R O

A Sanggunian Sipi ng Maikling Kuwentong

Pambata - Ipapasyal Namin si
Lolo Ni Genaro R. Gojo Cruz

B Iba pang mga Kagamitang Iba pang kagamitang

Pampagtuturo pampagtuturo : LCD/ Speakers,
Awit ng Si Lolo Jose ni Coritha
https:/m.youtube.com/
watch?v=k8-KfC9goUE,
larawan, Origami

PAMAMARAAN

A Balik-Aral at/o Panimula Pagpaparinig/pagpapanood ng Pahapyaw na pagbabalik-tanaw

guro sa isang awit/video ng ‘Si sa naganap noong unang araw
Lolo Jose’ ni Coritha ng aralin.
Nakasulat sa Manila paper ang
awit para maintindihan ng mga
mag-aaral.
Pagbabahaginan ng sinasabi
sa atin ng awit ni Lolo Jose ni
Coritha.

12 The PRIMALS Compendium of Teaching Resources | FILIPINO 4-

4-7
4-10
Markahan: Ikatlo Petsa ng Pagtuturo: Oras ng Pagtuturo:

MIYERKOLES HUWEBES BIYERNES

L AY U N I N

Naipamamalas ng mag-aaral ang pag-unawa sa mga akdang pampanitikan ng Luzon

Naisasagawa ng mag-aaral ang komprehensibong pagbabalita tungkol sa kanilang sariling lugar

NILALAMAN / PAKSA

Ipapasyal Namin Si Lolo ni: Genaro R. Gojo Cruz

M G A K A G A M I TA N G P A M P A G T U T U R O

PAMAMARAAN
BAI TANG 7

Ipapasyal Namin si Lolo 13

PANG-A RAW-A RAW N A TA L A
Paaralan: Guro: Asignatura: Filipino
B A I TA N G 7
PAMAMARAAN
B Pangganyak
C Paglalahad ng Aralin
D Pagtalakay sa Aralin
1. Gawaing Pagpapaunawa
tungo sa Pormatibong
PagTataya #1
2. Gawaing Pagpapalalim
tungo sa Pormatibong
PagTataya #2
3. Gawaing Paglinang
sa Kabisaan tungo
sa Pormatibong
PagTataya #3
E Paglalapat
14 The PRIMALS Compendium of Teaching Resources | FILIPINO 4-
LUNES MARTES
Bago Bumasa
Sasabihin ng mga
mag-aaral kung:
1. May mga lolo pa o itinuturing
na lolo pa sila.
2. Karanasang hindi ninyo
malilimot sa kanilang lolo.
3. Pagpapakita ng komik strips
at ipahihinuha ang kuwento
mula rito.
4. Lugar kung saan nila Ipapasyal
si Lolo.
5. Pakahuluganan ang pamagat
“Ipapasyal Namin si Lolo”
Habang Bumabasa
1. Ibibigay ng guro ang mga
gabay na tanong sa mga mag-
aaral bago magpabasa
2. Pagpapabasa ng kuwento
sa mga mag-aaral (dugtungan/
malakas/tahimik na pagbasa)
Pagkatapos Bumasa
1. Gawaing Pagpapalalim
(Optional)
Gamit ang tsart sa ibaba,
ipatatalakay sa mag-aaral muli
ang mahahalagang kaisipan
mula sa mga naging suliranin o
isyung binabanggit sa akda
2. Gawaing Paglinang
sa Kabihasaan
Tukuyin ang mga sinasabing
karapatan ng mga lolo/lola
tulad ni Lolo Juanito na
isinasaad sa batas. Isulat ito
sa isang concept map.
Nakakamit kaya ito ng ating
mga lolo/lola?
Simulan ito sa pamamagitan
ng pagpapakita ng larawan ng
mga matatanda sa Home for
the Aged o documentaryong
pampelikula na may kaugnayan
sa paksa bago ipagawa ang
mga sumusunod sa
mga mag-aaral.
Pagdedebate (Informal)
Paksa: Dapat ba o di- dapat
dalhin sa home for the aged
ang mga matatandang tulad ni
Lolo Juanito?
4-7
4-10
Markahan: Ikatlo Petsa ng Pagtuturo: Oras ng Pagtuturo:

MIYERKOLES HUWEBES BIYERNES

PAMAMARAAN

BAI TANG 7

Ipapasyal Namin si Lolo 15

PANG-A RAW-A RAW N A TA L A

Paaralan: Guro: Asignatura: Filipino

B A I TA N G 7 LUNES MARTES

F Paglalagom Gagawin ng mga mag-aaral

ang paglalahat/pagbubuod
sa natukoy at naipaliwanag na
kaisipan ng akdang binasa sa
pamamagitan ng 5W’s -1H

G G. PagTataya Gumawa ng isang kwento

tungkol sa kalagayan ng mga
matatanda (senior citizens) sa
iyong pamayanan.
Rubrik sa pagmamarka:
1. Nilalaman – 15pts
2. Organisasyon ng
kaisipan- 10pts.
3. Gramatika at
Mekaniks (Gamit ng
wika, bantas atbp.) 5pts.
Kabuoan - 25 pts.

H Karagdagang Gawain
at/o Pagpapahusay

M G A TA L A

Maaari itong tumagal sa dalawang sesyon

P A G N I N I L AY

A Bilang ng mag-aaral na
nagtamo ng 80%
sa pagTataya

B Bilang ng mag-aaral
na nangangailangan
ng mga gawaing
pagpapahusay (remedial)

C Nakatulong ba ang
pagpapahusay (remedial)?
Bilang ng mag-aaral nza
naunawaan ang aralin

D Bilang ng mag-
aaral na patuloy na
nangangailangan
ng pagpapahusay
(remediation)

E Alin sa aking pagtuturo ang

naging epektibo? Bakit?

16 The PRIMALS Compendium of Teaching Resources | FILIPINO 4-

4-7
4-10
Markahan: Ikatlo Petsa ng Pagtuturo: Oras ng Pagtuturo:

MIYERKOLES HUWEBES BIYERNES

M G A TA L A

Maaari itong tumagal sa dalawang sesyon

BAI TANG 7
P A G N I N I L AY

Ipapasyal Namin si Lolo 17

PANG-A RAW-A RAW N A TA L A

Paaralan: Guro: Asignatura: Filipino

B A I TA N G 7 LUNES MARTES

P A G N I N I L AY

F Ano-ano ang aking naging

suliranin na maaaring
malutas sa tulong ng
aking punongguro
at superbisor?

G Anong mga inobasyon

o lokalisasyon sa mga
kagamitan ang ginamit /
natuklasan ko na nais kong
ibahagi sa ibang guro?

18 The PRIMALS Compendium of Teaching Resources | FILIPINO 4-

4-7
4-10
Markahan: Ikatlo Petsa ng Pagtuturo: Oras ng Pagtuturo:

MIYERKOLES HUWEBES BIYERNES

P A G N I N I L AY

BAI TANG 7

Ipapasyal Namin si Lolo 19

 IIX IX X

XI IIIV IIV
III II I
IV V VI

The PRIMALS Compendium of Teaching Resources

This compendium was published with support

from the Australian Government through the Basic
Education Sector Transformation (BEST) Program.
 
Permission to use or reproduce this publication
or parts of it in hard or digital copies for personal
or educational use is granted free, provided that
the copies are not reproduced or distributed for
commercial purposes, and that proper credit is given
to the Australian Government.
 
Printed in the Philippines
 
First Printing, 2019