Panuto: Makinig ng isang komentaryo at gawin ang mga sumusunod na gawain:
Programa: DZAR 1026 Istasyon: 3rd Floor, ACQ Tower (formerly Jacinta Building I/NBC Tower), Santa Rita St. cor. EDSA, Brgy. Guadalupe Nuevo, Makati Oras: 09:06 AM Petsa: Ika-20 ng Pebrero taong 2019 Komentarista: Ben Paypon
1. Ilahad ang mga pangalan ng tao sa nabanggit sa komentaryo
• Pangulong Ferdinand Marcos • Pangulong Rodrigo Duterte 2. Ilista ang lugar na nabanggit. • Thailand • Pilipinas • Quezon 3. Ilista ang tanggapan o opisinang nabanggit. • National Food Authority (NFA) • Bereau of Plant Industry • World Trade Organization (WTO) 4. Ibuod ang komentaryong iyong napakinggan. Ang komentaryong aking napakinggan ay tungkol sa Rice Tarrification Law na ipinatupad ni Pangulong Duterte. Pinapayagan ng batas ang sinumang pribadong importer-distributor ng bigas na mag-angkat ng anumang dami ng bigas. Ang tanging kailangan: isang sanitary permit mula sa Bureau of Plant Industry. Marami ang naging protesta ng mga magsasaka hinggil dito dahil higit na naaapektuhan ang mga magsasakang Pilipino. Maganda naman ang layunin nito dahil hindi kailangang mag trabaho ng mga magsasaka dahil sa pagkakaroon na silang sabsidiya. Ngunit, hindi alam kung paano ito ipapamahagi sa mga magsasaka at ano ang maaaring mangyari sa mga empleyado ng National Food Authority (NFA) kung mawalan sila ng papel sa supply at presyo ng bigas. Ang pinakasentro nito ay ang mga magsasaka ang lubhang naapektuhan sa Rice Tarrification Law sa kabila ng mgagandang dulot nito sa pagbaba ng presyo ng bigas.
5. Ilahad ang iyong reaksyon sa komentaryong napakinggan.
Batay sa aking napakinggang komentaryo, ako ay nalulungkot para sa ating masisipag na mga magsasakang Pilipino. Ang pagpakatuparan ng Rice Tarrification Law ay may magandang maidudulot naman pero mayroon din itong masamang dulot. Oo, masaya para sa ekonomiya ang pagbaba ng presyo ng palay ngunit paano na ang mga magsasaka? Hindi ba sila kasama sa ekonomiya? Hindi naman sumasapat ang pinag-uusapang ayudang binhi at pataba na nakapaloob sa RTL. Dahil dito, ako ay nalilito sa kung nakakabuti ba ito para sa ating magsasaka or ito'y nakabubuti lamang para sa traders ng palay.