DEFINICIÓNS

Reino das moneras: reino formado por organismos unicelulares procariotas. Son
unicelulares e poden formar colonias. Están en todos os ecosistemas da Terra. Ex: as
bacterias.
Bacterias: son os organismos máis abundantes da Terra (auga, aires, solo, pel, interior
do intestino). Teñen nutrición autótrofa ou heterótrofa. Reprodución asexual. Hai
varios tipos: cocos (esféricas), bacilos (alongadas), vibrións (alongadas e curvadas) e
espiroquetas (filamentos espirais)
Saprófitas (descompoñedores): organismos que obteñen o alimento descompoñendo
restos de seres vivos do medio.
Simbióticas: organismos que se alimentan grazas a outros seres vivos. Ambos
organismos están relacionados, un non pode vivir sen o outro.
Parasitas: organismos que se alimentan grazas a outros organismos aos que lle
provocan unha enfermidade.
Reino dos protoctistas: organismos con células de organización eucariota. Poden ser
unicelulares ou pluricelulares. Sen formar tecidos. Ex.: protozoos e as algas.
Protozoos: organismos unicelulares microscópicos cuxa célula é similar á dos animais.
Viven en medios acuosos. Son heterótrofos, poden relacionarse por flaxelos, cilios ou
pseudópodos. A reprodución é por división celular.
Algas: organismos unicelulares ou pluricelulares eucariotas, cuxas células son
parecidas ás das plantas (teñen cloroplastos e parede celular). Poden ter varias formas.
A súa nutrición é autótrofa, realizan a fotosíntese grazas aos cloroplastos. Teñen
clorofila ou outros pigmentos. Soen ser acuáticas. Reprodución asexual (división
celular ou por esporas) ou reprodución sexual.
Reino dos fungos: organismos con células de organización eucariota. Poden ser
unicelulares ou pluricelulares. Non teñen cloroplastos pero si parede celular. Non
forman tecidos. Nutrición heterótrofa descompoñedora de organismos (sapófritos,
simbióticos ou parasitos). O corpo dos fungos pluricelulares chámase micelio formado
por un conxunto de filamentos chamados hifas. Viven en lugares húmidos. Relación:
soen estar fixos no solo. Reprodución por esporas.
Fungos que forman cogomelos: fungos pluricelulares que medran nos bosques
(níscaro,...).
Mofos: fungos pluricelulares que medran nos alimentos como as froitas e o pan.
Fermentos: fungos unicelulares.
Flaxelos: apéndices (parte engadida á célula) longos e delgados, con forma de fío ou
látego con gran movilidade.
Cilios: prolongacións móbiles, curtas e numerosas da membrana plasmática que
recobren a superficie celular.
Pseudópodos. Prolongacións do citoplasma dalgúns organismos que empregan para
moverse.
Micelio: corpo dos fungos pluricelulares, é untecido orgánico de aspecto lanoso
composto de varios fíos chamados hifas.
Hifas: conxunto de filamentos que forman o corpo dos fungos.
Sombreiro: parte superior do fungo ou cogomelo.
Anel: estrutura anular que se pode atopar a veces preto do sombreiro do cogomelo ou
fungo.
Pé: tronco do cogomelo ou fungo que suxeita o sombreiro.