Ang turismo ay ang paglalakbay o pagbibisita ng mga tao sa ibang bansa o lugar na hindi pa napupuntahan o wala sa kanilang pinagmulan. Ano naman ang turista? Ang turista naman ay ang mga taong naglalakbay na may layuning makapaglibang o pansariling dahilan o pakay. Pano nga ba maisusulong ang turismo sa isang lugar? Ginagamitan natin ito ng advertisement o sa tagalog ay patalastas, ito ay ginagamit upang mapalakas natin ang turismo ng isang lugar o isang bansa. nahahati ito sa dalawa, ang print media, at elektronik media. ang mga halimbawa nmn ng print media ay ang diyaryo, magasin, flyers, at brochure samantalang sa elektronik media naman ay ang telebisyon, radio, at internet Narito ang gabay sa pagsusuri sa isang proyektong panturismo (travel brochure)
Una, nakapupukaw pansin na pabalat
-ang pagkakaroon ng malikhain at magandang pabalat ay nakatutulong upang higit na makuha ang interes ng mga turista.
Pangalawa, payak at malinaw na nilalaman
-ang pagkakaroon ng malinaw na brochure ay makakatulong sa pagpili ng mga lugar na ayon sa budget ng mga turista.
Pangatlo, lokasyon ng mga porominente o kilalang pasyalan
-higit na magiging madali sa mga turista ang paghahanap ng mga landmark o tourist spots kung may kasama itong mapa o paraan kung pano ito pupuntahan.
Pang-apat, lugar kung saan maaaring kumain at magpahinga
-marapat lamang na isama sa brochure ang mga lugar na maaaring kainan sa nasabing lugar, ganun na din ang mga maaaring mapagpahingahan kapag sila’y napagod sa kanilang pamamasyal.
Pang-lima, mga larawan ng mga lugar na maaaring
pasyalan, kainan, at mapagpahingahan -higit na makapagbibigay ng ideya sa turista ang mga larawan na ilalagay sa brochure. Pang-anim, halaga ng trasportasyon at iba pang bilihin -makatutulong ito ng malaki sa mga turista, upang mapaghandaan ang mga maaaring gastusin at makapagtabi ng sapat na halaga.